عرض للطباعة
طيب أنا هقولك على تجربتى و أنا برة مصر أهو
أشتريت العربية و مفيهاش زينون
سألت على الزينون برة لقيته رخيص و ماركة محترمة ( بوش )
سألتهم فى التوكيل قالولى لو ركبته كهرباء العربية هتطلع من الضمان
طيب أجيبه تركبوه أنتوا قالولى مش بنركب
طيب عندكم زينون أشتريه من عندكم و تركبوه......لأ معندناش
أعتقد معاهم حق أنهم يقولولك أن الكهرباء طلعت من الضمان......مع أنه أستهبال لأنهم مش متأكدين.....هما بيقولوا كده و خلاص.
سؤال لصاحب الموضوع......تعرف تشيل الفوجات و ترجع الدنيا زى ما كانت و تروح مركز خدمة تانى أو فرع تانى و تشوف هيقولوا أيه ؟
اى توكيل مش الفطيم بس هايقولك اى لعب فى مياكتنيكه او كهربه السياره يخرجك بره الضمان (ضد عيوب الصناعه)
علشان كده لو عايز تركب حاجه جديده و العربيه لسه ضمانها شغال يستحسن كنت تعملها فى التوكيل
في كتاب الضمان البند بيقول : .........
اي كسر او خلل ينتج عن تركيب مكونات غير اصليه الوكيل غير مسئول عنه
و ده معناه ان العربيه جوه الضمان و الا كان كتب ان العربيه تكون بره الضمان
الفكره هنا هل فعلا الفوج لايت هي اللي سببت حرق علبة الفيوزات و سببت حرق كل عددات العربيه و ده في مشكلتي
طيب و بقيت الزملاء اللي كتبو مشاكلهم زي السماعات بوظت الاتوماتيك و الزينون بوظ التكييف و البطاريه بوظت الكاسيت .................دي عربيه هس هس بقه
من الاخر التوكيل بيستهبل و بيستغبي العملاء ...............يعني بيتعامل معانا علي اعتبار ان احنا سذجج
ناهيك عن المستوي الفني الردي للردود اللي بيقولوها ....... انا هاحكي قصه عن مدير الصيانه
(( الباشا بيقولي ان العربيات الجديده مش زي زمان و بيشبها بالتليفزيون البلازما ........و ان تليفزيون زمان لو عطل ممكن يتصلح ...لكن تلفزيون دلوقتى البلازما لو باظ يترمى فى الزبالة .....))
دة الحدودة اللى حكاها علشان يقنعنى بخروجى من الضمااااان .......
السوال هنا دة مدير صيانة و لا بتاع بطيخ .....؟
و فى التوكيل بيقولوا انهم شالوا وصلة الفوج لايت ووصلوا عداد جديد ...لقوه اشتغل !!!!!!!!
سالتهم دة معناه ايه ..........؟
قال لى دة معناه ان الفوج لايت هى السبب فى حرق العدادات ........جاااااامد اووي الكلام دة :Ta_clap[1]: يعنى انا ساذج مثلا ...!!!!!
خد دي كمان بقولو طب ما تجرب و الفوج لايت متركب فالباشا خايف لا يحرق العداد الجديد ..........و عجبي
بصوا ياجماعة بدون زعل وانا مش مع التوكيل ولا ضده بالعكس انا اكيد معاكوا بس احنا شوفنا كثير من الزملاء حصلت لهم مشاكل واحتمال يكون التوكيل بيتلكك وبيقول ايه كلام بسبب التركيبات الاضافية فالحل ان احنا نركب العربية بدون اضافات خارج التوكيل لغاية الضمان لما يخلص خاصة العربيات الجديدة دى حساسة جدا وعلى فكرة اى جهاز بتشتريه تليفيزيون تلاجة غسالة بيقلك لو اتفتحت خارج التوكيل اصبح الجهاز خارج الضمان وعلى فكرة وارد ان الفنى خارج التوكيل وهو بيركب ايه اضافات بجرب فى علبة الفيوزات بتحرق منه فيوز ممكن ميركبش بنفس قدرة القديم وعلبة الفيوزات فيها فيوزات للكاسيت والكنترول بتاع الفيتيس والزجاج المهم انا راى نتجنب المشاكل دى نعيش 3 سنوات الضمان بدون اضافات او اضافات داخل التوكيل اما الزملاء اللى حصلت لهم مشاكل بدون تركيبات دول الحق معاهم 100 فى 100 ويطلعوا مباشرا على حماية المستهلك
السلام عليكم ورحمة الله وبركاته
والله يا جماعة انا على حسب معلوماتي المتواضعة انه فعلا الوكيل له طريقة معينة في تركيب جميع الإضافات المعتمده...وده لمسته بنفسي في تركيب فوجات السيفيك ال 2005
بيكون في السيارة مسارات معينة و ووصلات مخصصة للكلام ده ....وارد جدا يكون الناس اللي برة التوكيل مايعرفوش عنه حاجة و بالتالي تحصل مشكلة عند التركيب خارج نطاق الوكيل او احد المراكز المعتمده منهم
لسه من كام يوم في احد منتديات السيارات واحد معاه سيتي 2010 شاريها زيرو من 3 اشهر قام بتركيب زينون خارج التوكيل و كانت النتيجة حدوث مشاكل ايضا في لوحة العدادت و لمبة الحرارة
في النهاية احب اقول اني مش مع التوكيل على طول الخط لأنهم في اوقات كتيرة ممكن يكونوا بيشتغلوا الناس ولازم نكون صاحيين ليهم
يا أخى هم كدة هايعلمونوا الادب ... فى حاجة بتاعتك واشترتها .....
لما هم معفنيين وما نزلوش عربية فوق 140 الف من غير فوج لايت .... علشان يكسب
وكمااااااااان بياخد الجنط الاحتياطى من كل عربية متجنطة وييحطوا مكانه استبن عادى
وياخد الاربع جنوووووووووط ويركبهم فى واحدة عادية على اساس انها متجنطة ....
بيقلب رزقه ........... دة توكيل لبط اوووووي
وبعديييييييييين لما اروح اركب فوج لايت برة .... يحكى لى قصة تطور الصناعات فى مصر من تلاجات وغسلات وتلفزيونات ....
يا راجل دة كلام ......... دة عربية مش تلاجة
...............
وبعدين انت نفسك بتقول ....
لما فويوز يضرب بسبب كاسيت او فوج لايت ....
فى حاجة فى الدنيا اسمها فويوز يضرب يقوم يضرب باقى لوحة الفويزاااااات !!!!!!!!!
ولو العربية دة كدة فى صناعتها يبقى المفروض يتعاون فى صيانتها .....
امال فالح بس يفرش لى البحر طحينة وانا باشتري العربية و بعد كدة يهرب ويدينى الطرشة ....
..
هارجع تاني اكرر الفيصل كتاب الضمان اللي بيني و بين الوكيل و ما فيش حاجه فيه بتقول انك لو ركبت اي حاجه بره الوكيل تخرجك من الضمان
الوكيل المحترم هو اللي يلتزم بالاتفاق اللي بينه و بين العملاء بتوعه مش اللي بيهرب من التزاماته .....انا ما بقولش غير انه يكتب في كتاب الضمان ان ما فيش حاجه تركبها بره الوكيل مش لازم يلف و يدور
الموضوع ده مش حاله فرديه ...........دي اتكرر نع زملاء كتير و لازم يبقي فيه موقف و لازم هوندا اليابان يعرف
ان الوكيل بتاعه في مصر بيهدم مش بيبني .........بره الوكلاء بيسحبو العربيات لو فيها عيب حتي بعد انتهاء فترة
الضمان و هنا لالاسف بيبيع العربيه و يطلع يجري بعديها .........اهم حاجه يضحك في وش الزبون وبعد كده يديلو
علي قفاه لما يلف ظهره