مش عارف ليه كل الوكلاء ما يعملوش كدة ...!!!!!!!
هاايخسرووووووووووا ايه يعنى
وليه الجهاااااات الرقابية ما تشرفش عليهم
زي حقوق المستهلك و الجمارك المصرية .......
عرض للطباعة
تعالو نتكلم بعيد عن الانفعال خالص
اي سيارة زيرو بتتباع في اي حتة في العالم المصنع بيضمنها ضد عيوب الصناعه كما تم بيعها للمستهلك وعن الاجزاء المصنعة من طرفة وبالوصلات والتركيبات اللي المصنع ركبها
نيجي بقي للنقطة المهمة
لما بنروح نركب زينون او كاسيت او اي حاجة سواء ميكانيكية او كهربائية - خلينا نكون متفقي اولا اننا معندناش صنايعية علي علم او فهم هندسي وتعليمي يقدرو يضيفو الاضافات دي بعد حساب احمال الكهرباء او الميكانيكا مثلا - وحتي معندهم الوعي السليم ولا الادوات ولا التقنية اللي تساعدهم علي دة - وبالتالي تركيبه ناتج عن مجرد خبرتهم بالتعود مش اكتر
العربيات الحديثة فعلا حساسة للمواضيع دي لان زمان مكانش فية كنترول يونيت اللي هيا اصلا حساسة جدا للتغيرات في الاحمال
نيجي بقي للتوكيل - اكيد بيستهبلو واغبياء في تحليلهم للموضوع ودة واضح جدا
لكن!!!!!!!!!!!!!!!!!!!!!!!!!!!!!!!
المبداء واحد - تم ادخال تعديلات علي السياره المصنعة والمضمونة منهم - سواء كانت السبب في العطل او لا - بادخال التعديلات خارج التوكيل - بكدة التوكيل لا يستطيع تحمل اخطاء الغير (احتمالية ) - لانة لما باع السيارة باعها بواصفات معينة - وتم تغير المواصفات دي دون الرجوع للمصنع في امكانية حدث نتائج سلبيه نتيجة التعديل (لو حدث )
انا مش بلومك علي غضبك ولا بقول انه شيئ عادي - لكن انا شايف ان في الاساس قبل ما تعمل اي تعديل لازم تكون واثق 10000% ان التعديل لو فشل او اصاب السيارة بخلل انك تعرف ترجع بالتلفيات علي حد - سواء التوكيل لو عملتها عندو - او اللي ركبلك لو هوا بيضمن تركيبة ونضافة شغلة - وانا اشك في دي :)
التوكيل عنده حق حتي لو كانت اسبابة استعباط - بس في الاساس - الغلط في كسر بند من بنود التعاقد - بينك وبين الوكيل
وعلي فكرة النص المكتوب في كتيب الضمان معناة كدة ملوش معني تاني
وتقبل مروري
موضوع التعاقد هو ده مربط الفرس و هو ده اللي انا باكد عليه
التوكيل ما نبهش علي حاجه زي كده خالص
الموجود في كتاب الضمان ان انا حر اركب اللي انا عاوزه بس الوكيل غير مسئول عن القطع ده و ما حذررش
من اضرار خروج العربيه من الضمان في حالة حدوث ده
...........
التوكيل اللي بيستعبط يبقي زمته تعبانه المفروض ان احنا بنتعامل مع شركه كبيره مش محل في شارع دمشق
و انا متاكد ان اللي حصل في العربيه مش سببها ان انا ركبت حاجه بره و ده راي ناس شغاله في توكيلات تانيه و دكاتره في الجامعه و اكيد الوكيل عارف حاجه زي ده و لو مش عارف تبقي كارثه
و عشان كده سميت الموضوع توكيل فشنك لانه مش قد ماركه زي هوندا:khd:
و شكرا جدا لاهتمامك و مرورك
متفق معال تماما - ومقدرش اقول حاجة فعلا - بس هيه دي بلدنا - انا عارف طبعا ان المشكلة في اللي انت ركبتة - لكن التوكيل بيحاول يحط الموضوع في موضع شبهات عشان يخلع
الغريب بقي ان التوكيل في مصر لا يتحمل اي اعباء مادية في حالة تغير القطع لانه بيرجع علي المصنع - طيب بيوفر لمين ؟؟؟؟؟؟؟
حاجة تقرف - عموما - نصيحة بيعيد عن الموضوع من اخ - بلدنا دي مش عايزة التعامل فيها يبقي بالمعني - لازم يكون كل حاجة بالاتفاق الرسمي - والاهم من كدة - لازم نسمع كلام الحمار حتي لو بينهق - نعمل اية في بلد لا يحكمها غير المزاج
اه في معلومة عرفتها دلوقتي
في حالة اللعب في العربية في اي جزء السيارة لا تخرج برة الضمان - انما الجزء الملعوب فية بس
يعني الكهرباء في حالتك - انما لو في مشكلة ميكانيكا - يبقي استعمل سياسة التهويش