أخيرا.. دعاية للسيريون في ملحق الأهرام

**OlaOsman** · 21-03-2008 09:16 AM

يعني انا فضلت كتير مستنية أشوف صورة بس للسيريون في ملحق الأهرام.. و النهاردة بافتح الملحق لقيتها في الصفحة الأولى بتصبح علية :)

الغريب بأه في التوقيت و هو ان النهاردة ان شاء الله أول يوم لية في تعليم السواقة و معايا ال 127 :p

بس هو ميييييييين؟ جاية لك ان شاء الله يا قمر.. بس شوية كده اتعلم السواقة على حاجة تانية و بعدين أفضى لك يا جميل ;)

الأظرف بأه هو التعليق اللي في التقريرعنها جوه الملحق و بيقول ان السيريون انفردت بشكلها الانسيابي المتميز و ابتساماتها اليابانية الجميلة :)

عجبني اوي تعبير ابتساماتها اليابانية.. بصيت على صورتها تاني من قدام لقيتها فعلا عاملة زي ما تكون بتبتسم :)

**توفيق طة** · 21-03-2008 10:48 AM

الأخت العزيزة/ علا .

تحيتى لك..

أنا شايف أنك عاشقة للسيريون من مدة طبعا من الصور وتعليق الزملاء ؟؟

كنت مثلك تماما قبل أن أشتريها ؟

وبعد شرائها واستعمالها فى جميع طرق مصر المحروسة .

لن أقول لك عما حدث لى . فقط أدعوا لك أن تصبحى من ملاكها واسمع رأيك بعدها ..

كل الشكر لأخى أبو عبدالله فهو من ساعدنى فى الأختيار .وكان اختيار صا ئب ..

وأحى نشاطك الملحوظ بالمنتدى .

تحيــــاتى .

**معاذ الشرباصى** · 21-03-2008 01:24 PM

لسه امبارح بالليل والدى بيقولى نفس الكلام, اخير اعلنوا عنها

بس على فكرة هما بينزلوا اعلانات اكتر فى جرنال الاخبار

**Hassan Khalil** · 21-03-2008 01:48 PM

و الله يا علا انا قاعد قدام الجريدة من الصبح بحاول الاقي الابتسامة اليابانية دي ... مش لاقيها .. العربية قدامي فعلا .. بس مش لاقي الابتسامة !!!! :)
عموما .. العربية ما شاء الله ممتازة .. ربنا يبارك للي جابها و اللي حايجيبها ..
كمان باسمع ان محركها من افضل المحركات الموفرة للوقود في العالم ... و دي في حد ذاتها ميزة رهييييبة.
فقط يعيبها ( بالنسبة لي ) مساحة الشنطة .
و الف مبروك مقدما
و خدي بالك من الناس و انتي بتسوقي. :)

**fahd_628** · 21-03-2008 02:19 PM

هههههههههههههه

فعلا اخيرا عملة اعلان عقبال الجين 2 :)

معرفش ليه مقدمة مشاركتك خضتني في الأول.. قلت هاتقول حاجة سلبية عن العربية بعد امتلاكها.. انا الحمد لله.. ربنا ستر

و انا كمان حسيت كدة :D :D :D :D

**aif** · 21-03-2008 02:47 PM

هو كدة السلع الجيدة لا تحتاج اعلانات كتير .. جودتها في حد ذاتها دعاية :)

**m10_10** · 21-03-2008 08:35 PM

المشاركة الأصلية كتبت بواسطة توفيق طة

الأخت العزيزة/ علا .

تحيتى لك..

أنا شايف أنك عاشقة للسيريون من مدة طبعا من الصور وتعليق الزملاء ؟؟

كنت مثلك تماما قبل أن أشتريها ؟

وبعد شرائها واستعمالها فى جميع طرق مصر المحروسة .

لن أقول لك عما حدث لى . فقط أدعوا لك أن تصبحى من ملاكها واسمع رأيك بعدها ..

كل الشكر لأخى أبو عبدالله فهو من ساعدنى فى الأختيار .وكان اختيار صا ئب ..

وأحى نشاطك الملحوظ بالمنتدى .

تحيــــاتى .

ياااااااااااارااااااااااا اااااجل

انا افتكرتك هاتلعن اليوم اللي جبتها فيه...

خضتني ياعم الحاج...