افضل شركة تامين لو سمحتم

**Tarek Gen 2** · 06-10-2010 03:30 PM

المشاركة الأصلية كتبت بواسطة meero_boy2000

ياباشا مين اللي قال لحضرتك كده لازم طبعا تتعاين انا عملوا معايا كده وعاينوها لسبب واحد انه يصورها ويرفقها صورها وهي جديده في ملفك عشان يثبت اتلكاسيت والكماليات الموجوده من جوه ومن بره وده امر طبيعي الا بقي لو الشركه اللي انا مأمن معاها مبيفهموش !!!!

ممممممممممم انا مأمن مصر للتامين سيراتو و جين تو قبل ما يطلعوا من المعرض طلب منى جواب ان العربية فى المعرض و لم يتم الاستلام + رقم الشاسيه و الماتور و بس

ده اللى حصل معايا و لسة مأمن على سيتى برضه بنفس الطريقة
و قبلهم كلهم تيوتا كانت بتتصور فى التجديد بس لكن اول مرة متصورتش ولا حاجة

مش عارف بقى

يمكن انا مبخت

لو حاد عايز يأمن فى مصر للتأمين فى عربية زيرو لسة مستلمهاش يقوولى بقى

**meero_boy2000** · 06-10-2010 03:52 PM

المشاركة الأصلية كتبت بواسطة Tarek Gen 2

ممممممممممم انا مأمن مصر للتامين سيراتو و جين تو قبل ما يطلعوا من المعرض طلب منى جواب ان العربية فى المعرض و لم يتم الاستلام + رقم الشاسيه و الماتور و بس

ده اللى حصل معايا و لسة مأمن على سيتى برضه بنفس الطريقة
و قبلهم كلهم تيوتا كانت بتتصور فى التجديد بس لكن اول مرة متصورتش ولا حاجة

مش عارف بقى

يمكن انا مبخت

لو حاد عايز يأمن فى مصر للتأمين فى عربية زيرو لسة مستلمهاش يقوولى بقى

ههههههههههه هو فعلا ممكن تكون مبخت

بس هي فعلا كل شركه ليها اجراءاتها مش عارف بقي بس رقم واحد في مصر بصراحه اليانز بس فايدتها عاليه شويتين دلوقتي وجربت المجموعه العربيه للتأمين برضه نضيفه اووووي وتعاملها كويس جدا مفيهوش تعقيد

**Ayman_52** · 06-10-2010 04:14 PM

المشاركة الأصلية كتبت بواسطة AhmedElwakeal

انا كلمت واحد من قناة السويس فى فرع الاسكندرية بصراحة رد عليا ردود كتير حسيت انة مش فاهم حاجة
مثلا كان عاوز يعاين والعربية لسة مترخصتش
كان مش عارف ان ليهم ورشة فى الاسكندرية فا افلت من نحيتة بصراحة ومش عارف اعمل اية دلوقتى

طب ولو انا مامن التامين الى تبع الوكيل "الشركة المصرية للتامين التكافلة"
اكيد مينفعش لو فى حاجة صغيرة وعاوز اخلصها برة اخلصها سمكرة على خفيف مثلا

لا عـادى حتى لو مأمن تبع عز العرب وحابب تصلحهـا برا , بس بيكون فى كام خطوه تعلمهـا ساعتهــا ...

1- تودى العربيه للورشه اللى هاتصلح فيهــا
2- تبلغ شركة التامين بمكان الورشه عشان يعاينوا , وتبعتلهم صورة الرخصه والبوليصه
3- لما العربيه تتصلح , هتروح تدفع الفلوس للورشه وتاخد فاتوره بكده
4- تروح للتوكيل وهيمضولك على الفاتوره
5- تطلع على شركة التامين , هيعملوا معاينه بعد الاصلاح وهتطلعلك فلوسك بعد 20 يوم (غير شامله ايام الاجازات والعطل الرسميــه)

تحيــــــــــــــــاتــــ ـى

**Nistelrooy** · 06-10-2010 05:10 PM

علي فكرة انا برضوا لما امنت مع كونتاكت والعربية زيرو ماحدش شافها ..

**A.Saad** · 06-10-2010 05:44 PM

المشاركة الأصلية كتبت بواسطة tarek gen 2

مش فاهم اول جملة دى يا باشا يعنى ايه

تدفع كام

الميزة فى كونتاكت ايه
انهم بيحاسبوا التوكيل مباشرة بخلاف المعتاد
اللى هو ان العميل بيحاسب وياخد الفلوس من الشركة بعدين

طيب
ده اللى هيحصل فى حالة التأمين من خلال عز العرب
يبقى ايه ميزة كونتاكت
بخ
ولا حاجة

ولاحظ ان انا قلت
من خلال عز
مش عند او مع عز
لانه وسيط لشركة تأمين تانية مش هو شركة
ولازم اللى هيأمن معاه
يعرف نسبة التحمل والاهلاك اللى عايزها
وياخد صورة البوليصة والشروط العامة