عرض للطباعة
السلام عليكم و رحمة الله و بركاته
اخوانى الاعزاء ارجو مساعدتى
انا ان شاء الله ناوى اشترى دايهاتسوا ميرا موديل 94 يا ترى ايه اخبار العربية دى؟ و تنصحونى بيها ولا لأ؟
انا معروض عليا واحدة موديل 94 و عاملة 60 الف كيلو فقط يا ترى رينج السعر يكون فى حدودو كام؟
منتظر ردكم و معلش حتعبكم معايا
شكرا
وعليكم السلام ورحمة الله وبركاتهاقتباس:
المشاركة الأصلية كتبت بواسطة gladiator
اهلا بالمصارع في منتدي الديهاتسو
طبعا اشتريها لو حالتها كويسة
العربية ما شاء الله عليها جوا البلد وفي السفر
يعبيها قطع غيارها غاليه شويه في رينح الماروتي اللي يماثلها
وطبعا ضيقه من ورا لا تتسع الا شخصين بالغين وطيعا الشنطه ضيقه وفي المطبات واطيه
انما الباقي كله مميزات
اعتماديه حمالة اسيه ياباني مش هندي زي الماروتي اقتصادية في البنزين
السعر في حدود 17 الف لو نمرة1
اكشف عليها في الحرفيين عند المهندس سيد الفراش
او في احمد عصمت عند عادل الميكانيكي
وان كلنا في المنتدي نفضل التعامل مع المهندس سيد مركز الفيروز
الاخ الكريم /أستاذ محمداقتباس:
المشاركة الأصلية كتبت بواسطة mohamed_rhem
أشكرك جدا على اهتمامك و مساعدتك ليا و على المعلومات اللى حضرتك كتبتهالى , ربنا يجعله فى ميزان حسناتك.
معلش حتعبك معايا فى كام سؤال كمان,
يا ترى قطع الغيار بالنبة للميرا متوافرة , لأنى سمعت ان قطع غيارها غالية شوية زى ما حضرتك قولت و سمعت كمان انها مش موجودة او قليلة جدا.
هل العربيه دى بتحس بالمطبات و الحفر جامد ولا عفشتها ناعمة زى اليابانى كله؟
هل سعر اعادة البيع كويس؟ قصدى يعنى لو فكرت ابيع بعد سنة او اكتر حاجة بسيطة حخسر كتير؟ قد ايه مثلا؟
هو موديل 94 ده كام سى سى؟
هل قطع غيار الموديل ده اللى هو 94 تحديدا متوافرة؟
السيارة اللى معروضه عليا حالتها كويسة جدااااااااا و زى ما قولت لحضرتك ان هى مشيت بس 60 الف كيلو من سنة 94 يعنى تقريبا ما مشيتش بس هى فاضية خالص مافيهاش اى كماليات , هل رينج ال 17 او ال 18 الف يكون كويس عليها؟ ولا ممكن يتدفع فيها اكتر نظرا لحالتها الشاذة؟
معلش يا باشا انا تقلت عليك بأسئلة كتيرة بس انا عشمان فى حضرتك و فى اخواننا الكرام اللى فى المنتدى انكم تساعدونى على قد ما تقدروا لأن دى حتكون ان شاء الله اول عربية اشتريها لأن ال 128 اللى معايا دى بتاعة والدى و انا عايو اسيبهاله و اجيب حاجة على قدى.
معاش سؤال اخير نسيت اكتبه فوق, هل تنصحنى اجيبها ولا اجيب 128 زى والدى؟
منتظر رد حضرتك و بشكرك مرة تانية و اسف على الاطالة
اخوك فى الله
محمد
اهلا بيك يا محمد وانشاء الله تطلع عربيه كويسةاقتباس:
المشاركة الأصلية كتبت بواسطة gladiator
انا حجاوبك علي كل اسئلتك انشاء الله وطبعا استخير ربنا قبل اي شيء
كل قطع الغيار متوفرة جديد في الحرفيين عند اوشين وفي اماكن كتير واستيراد وكل حاجه موجوده بس مينفعش تقارنها ب 128
الغفشه ناعمة مبتحسش بحاجة
سعر اعادة بيعها ممتازة الخسارة المتوقعه 2000 جنيه اقصي تقدير
850 سي سي اما موديلات 2000 فهي 1000 سي سي
ايوه متوفرة
18 الف اقصي سعر لانها بتبدأ من 14 او 15 وانت طالع
معلش لما تركبها مش حتعرف تركب اي فيات قديم تاني
أستاذ محمد المحترم
أشكرك كثيرا على المعلومات القيمة و المفيدة و على ردك على كل أسئلتى , ربنا يجعله فى ميزان حسناتك و يبارك لك.
انا ان شاء الله حستخير ربنا و ربنا يكتبلنا جميعا اللى فيه الخير.
شاكر و مقدر.
على فكرة يا باشا انا من اسكندرية بس عايش بالقاهرة نظرا لظروف العمل فا لو احتجت اى حاجة من اسكندرية اؤمرنى.
اخوك
محمد
اخوانى الكرام
اشكركم شكرا جزيلا على ممساعدتكم ليا و اقتراحتكم و ارأكم , بجد اخوات فى الله
ربنا يبارك لكم جميعا
انا للأسف صرفت نظر عن الميرا لأنى بعد ما جربتها لقيتها ضيقة قوى عليا لأنى طويل حبتين
عموما كنت عايز اخد رأيكم فى الفيات سيينا موديل 2002 يا ترى كويسة و تنصحونى بيها ولا لأ؟ لأن فى قدامى واحدة بتاعة واحد صاحبى و ممكن يديهالى بالتقسيط
منتظر ردود حضرتك و شاكر و مقدر حسن تعاونكم
جزاكم الله خيرا
اخوكم
محمد