الموضوع: محتاج مساعدتكم بجد بخصوص شراء ميرا 94

المشاركة الأصلية كتبت بواسطة gladiator

السلام عليكم و رحمة الله و بركاته

اخوانى الاعزاء ارجو مساعدتى

انا ان شاء الله ناوى اشترى دايهاتسوا ميرا موديل 94 يا ترى ايه اخبار العربية دى؟ و تنصحونى بيها ولا لأ؟

انا معروض عليا واحدة موديل 94 و عاملة 60 الف كيلو فقط يا ترى رينج السعر يكون فى حدودو كام؟

منتظر ردكم و معلش حتعبكم معايا

شكرا

وعليكم السلام ورحمة الله وبركاته

اهلا بالمصارع في منتدي الديهاتسو

طبعا اشتريها لو حالتها كويسة

العربية ما شاء الله عليها جوا البلد وفي السفر

يعبيها قطع غيارها غاليه شويه في رينح الماروتي اللي يماثلها

وطبعا ضيقه من ورا لا تتسع الا شخصين بالغين وطيعا الشنطه ضيقه وفي المطبات واطيه

انما الباقي كله مميزات

اعتماديه حمالة اسيه ياباني مش هندي زي الماروتي اقتصادية في البنزين

السعر في حدود 17 الف لو نمرة1

اكشف عليها في الحرفيين عند المهندس سيد الفراش

او في احمد عصمت عند عادل الميكانيكي

وان كلنا في المنتدي نفضل التعامل مع المهندس سيد مركز الفيروز

المشاركة الأصلية كتبت بواسطة gladiator

الاخ الكريم /أستاذ محمد

أشكرك جدا على اهتمامك و مساعدتك ليا و على المعلومات اللى حضرتك كتبتهالى , ربنا يجعله فى ميزان حسناتك.

معلش حتعبك معايا فى كام سؤال كمان,

ي[gdwl]ا ترى قطع الغيار بالنبة للميرا متوافرة , لأنى سمعت ان قطع غيارها غالية شوية زى ما حضرتك قولت و سمعت كمان انها مش موجودة او قليلة جدا.
[/gdwl]
[gdwl]هل العربيه دى بتحس بالمطبات و الحفر جامد ولا عفشتها ناعمة زى اليابانى كله؟
[/gdwl]
[gdwl]هل سعر اعادة البيع كويس؟ قصدى يعنى لو فكرت ابيع بعد سنة او اكتر حاجة بسيطة حخسر كتير؟ قد ايه مثلا؟[/gdwl]

[gdwl]هو موديل 94 ده كام سى سى؟
[/gdwl]
[gdwl]هل قطع غيار الموديل ده اللى هو 94 تحديدا متوافرة؟[/gdwl]

السيارة اللى معروضه عليا حالتها كويسة جدااااااااا و زى ما قولت لحضرتك ان هى مشيت بس 60 الف كيلو من سنة 94 يعنى تقريبا ما مشيتش بس هى فاضية خالص مافيهاش اى كماليات , [gdwl]هل رينج ال 17 او ال 18 الف يكون كويس[/gdwl] عليها؟ ولا ممكن يتدفع فيها اكتر نظرا لحالتها الشاذة؟

معلش يا باشا انا تقلت عليك بأسئلة كتيرة بس انا عشمان فى حضرتك و فى اخواننا الكرام اللى فى المنتدى انكم تساعدونى على قد ما تقدروا لأن دى حتكون ان شاء الله اول عربية اشتريها لأن ال 128 اللى معايا دى بتاعة والدى و انا عايو اسيبهاله و اجيب حاجة على قدى.

معاش سؤال اخير نسيت اكتبه فوق, هل تنصحنى اجيبها ولا اجيب 128 زى والدى؟

منتظر رد حضرتك و بشكرك مرة تانية و اسف على الاطالة

اخوك فى الله
محمد

اهلا بيك يا محمد وانشاء الله تطلع عربيه كويسة
انا حجاوبك علي كل اسئلتك انشاء الله وطبعا استخير ربنا قبل اي شيء

كل قطع الغيار متوفرة جديد في الحرفيين عند اوشين وفي اماكن كتير واستيراد وكل حاجه موجوده بس مينفعش تقارنها ب 128

الغفشه ناعمة مبتحسش بحاجة

سعر اعادة بيعها ممتازة الخسارة المتوقعه 2000 جنيه اقصي تقدير

850 سي سي اما موديلات 2000 فهي 1000 سي سي

ايوه متوفرة

18 الف اقصي سعر لانها بتبدأ من 14 او 15 وانت طالع

معلش لما تركبها مش حتعرف تركب اي فيات قديم تاني