أتحرق دمي وفي حالة أنفجار في المخ :@:@:@

**Moustafa_Kamel** · 05-10-2010 09:59 PM

مش عارف اقول ايه على الناس دى
سواء اللى بيسوق و لا اللى بيتفرج عليه

لا تعليق

**Eng.Geo** · 05-10-2010 10:12 PM

المشاركة الأصلية كتبت بواسطة crazylambada

عرفتوا بقى مصر بتعمل الطرق بتاعتها ليه كده
ما علشان منعملش زيهم
و عرفتوا ليه بتعمل جمارك على العربيات
ما علشان برضه منعملش زيهم
و عرفتوا ليه غلوا الطماطم
الله........ ما برضوا علشان منعملش كدا

ربنا يخليكي لينا يا حكومه :d :d

شكرا لحكومتنا علي انهم خايفين علينا

المشاركة الأصلية كتبت بواسطة m_elkhishin

يا راجل حرام عليك
خلفي ايه وأمامي ايه بس
والكابريس ولا اللومينا اللي اتفرمت في الدقيقة 2:38 دي مش دفع خلفي برده؟؟؟؟؟!!!!!!!!!!!

طبعا سواء خلفي أو أمامي ده جنان رسمي لأنهم بيعملوا الحركات دي باستهتار رهيب وعلى سرعات جنونية، لك ان تتخيل انهم بيعملوا الدرفتنج ده ( اللي بيسموه الهجوله) عل سرعة 180 و 200

انما اللي انت تقصده بالدفع الخلفي ده ممكن التخميس(doughnut ) وده في الغالب أخطاؤه بتكون خسايرها أقل لأن السرعة مبتكونش عاليه قوي. بس برده جنان

وفي وجهة نظري الدرفتنج اللي هما بيعملوه ده السحب الامامي أفضل بكتير جدا من الدفع الخلفي في اعادة السيطرة على السيارة، لأن الدفع الخلفي الاوفر ستيرينج فيه بيكون أعلى بكتير جدا.

لأ كدة حضرتك موصلكش اللي قصدي عليه
أغلب الفيديو خلفي
والخلفي ليه طريقة غير بتاعة الأمامي
عشان تلم الخلفي بتسيب البنزين ومتمورش وتحاول تخفف من دورانها
عشان تلم الأمامي هتزود بنزين وفي الوقت اللي بتلاقي في الطريق أستقام
ومش ده اللي بيتعمل في الأمامي أساسا
ده هو اللي بيتعمل بالخلفي بالظبط ولكن مبيعرفوش يلموا العربية ولا حتي كل ما تيجي تعرض ... بيقوموا مزودين بنزين وخلاص وهي بقي حسب أتجاهها ... عالبركة
في كمان غير الكابريس واللومينا ... التويوتا هاي لوكس
شوف بقي التلاتة دول هما عملوا أيه !!

المشاركة الأصلية كتبت بواسطة Moustafa_Kamel

مش عارف اقول ايه على الناس دى
سواء اللى بيسوق و لا اللى بيتفرج عليه

لا تعليق

مش فارقة معاهم

**shaddadfalcon1** · 05-10-2010 10:41 PM

عن الغباء بتاع الناس دي اتحدث

واحد صاحبي عايش دلوقتي في السعوديه وبيقولي مره كنت داخل علي نفق وواخد الشمال لقيت واحد جاي من ورايا راكب جيمس وعايز يعدي ولما معرفش قام طالع عجله علي الرصيف وعجله في الطريف ومعدي

يعني صباح الغباء

**Eng.Geo** · 05-10-2010 10:48 PM

المشاركة الأصلية كتبت بواسطة shaddadfalcon1

عن الغباء بتاع الناس دي اتحدث

واحد صاحبي عايش دلوقتي في السعوديه وبيقولي مره كنت داخل علي نفق وواخد الشمال لقيت واحد جاي من ورايا راكب جيمس وعايز يعدي ولما معرفش قام طالع عجله علي الرصيف وعجله في الطريف ومعدي

يعني صباح الغباء

عنده حق
معاه جيمس
بدأت أحس الفيديو ده حاجة عادية وانا مكبر الموضوع

**Soma_Sooma** · 05-10-2010 10:59 PM

ناس مش تعبانة فى الفلوس

عايزهم ييعملو ايه يعنى

هم مش فالحين غير فى الحجات دى

**Eng.Geo** · 05-10-2010 11:07 PM

المشاركة الأصلية كتبت بواسطة soma_sooma

ناس مش تعبانة فى الفلوس

عايزهم ييعملو ايه يعنى

هم مش فالحين غير فى الحجات دى

يا ريتهم فالحين فيها

**Adham** · 05-10-2010 11:13 PM

ناس عايشة في صحرا و العربيات متوفرة و برخص التراب و الفلوس كتير و مش عارفين يعملوا بيها اية

بيلعبوا بلاي ستيشن بالعربيات

على فكرة جدة مافيهاش شبكة مياة و صرف في 90% من المنازل حسب علمي

علشان هما بيلعبوا بالعربيات و مش فاضيين يجيبوا شركات و يتفقوا معاهم يعملوا شبكات مياة و صرف بدل مابتجيلهم المياة في فناطيس و الصرف في ترنشات

**Eng.Geo** · 05-10-2010 11:19 PM

المشاركة الأصلية كتبت بواسطة adham

ناس عايشة في صحرا و العربيات متوفرة و برخص التراب و الفلوس كتير و مش عارفين يعملوا بيها اية

بيلعبوا بلاي ستيشن بالعربيات

على فكرة جدة مافيهاش شبكة مياة و صرف في 90% من المنازل حسب علمي

علشان هما بيلعبوا بالعربيات و مش فاضيين يجيبوا شركات و يتفقوا معاهم يعملوا شبكات مياة و صرف بدل مابتجيلهم المياة في فناطيس و الصرف في ترنشات

الكلام ده أكيد ؟
أصل الناس ده مظبطة بلدها
هيبقي معندهمش صرف !!!!!
مش عارف الحقيقة
ربنا يديهم مخ

**NoRmAl** · 05-10-2010 11:40 PM

والله حرام كدا
العالم دى مش تعبانه فى حاجه خالص

**m_elkhishin** · 06-10-2010 12:02 AM

المشاركة الأصلية كتبت بواسطة adham

ناس عايشة في صحرا و العربيات متوفرة و برخص التراب و الفلوس كتير و مش عارفين يعملوا بيها اية

بيلعبوا بلاي ستيشن بالعربيات

على فكرة جدة مافيهاش شبكة مياة و صرف في 90% من المنازل حسب علمي

علشان هما بيلعبوا بالعربيات و مش فاضيين يجيبوا شركات و يتفقوا معاهم يعملوا شبكات مياة و صرف بدل مابتجيلهم المياة في فناطيس و الصرف في ترنشات

كلام حضرتك الى حد كبير جدا صح في ما يخص الصرف الصحي والمياه، وانا معاك ان ده شيئ غير حضاري ولكن:

المياه اللي بتجيلنا في فنطاس في جده (اللي طبعا مبنشربش منها وبنستخدمها في الحمام فقط) أكاد أجزم انها انضف بكتير من المياه اللي بتجيلنا في الحنفية في البيت في مصر

اقسملك اني بقالي سنتين في جده عمري ما شفت واحد بيفحط أو يخمس أو يعمل دريفت، ونادر جدا لما تلاقي حد بيسوق برعونه و يعمل غرز وخلافه.(ولما بركز في وشه بحس ان ملامحه مصرية)(بس ده طبعا مينفيش ان في ناس بتعمل كده)

حتصدق لو قلتلك ان دوريات الشرطة في مدينة جده بين كل عربية وعربية عربية أو موتوسيكل، ده غير الشرطه السرية اللي بتطلعلك من تحت الارض، ده غير نظام ساهر اللي بينفذوه حاليا اللي فيه كاميرات سرعة ورد اكس في كل المدن الرئيسية.

انت عارف انهم عملوا قانون خاص بالمفحطين(اللي بيعملو دريفت أو يخمسوا) بتوصل عقوبته ل10 سنين سجن؟؟!!!!!!!

صدقني ومن خبرة في التعامل مع سعوديين كتير، متقدرش تقول انهم أغبياء بشكل مطلق، لأن فيهم كتير جدا اذكياء ومميزين ويكاد يوصلوا للعبقرية، ومتقدرش تقول المصريين أذكياء بشكل مطلق لأن حتلاقي في مصريين كتير اتجمع فيهم غباء العالم كله.

احنا شايفينهم أغبيا، وربنا اداهم الحلق وهما معندهمش ودان، واحنا اللي خليناهم بني ادمين، ومن غيرنا ميسووش بصله، وهما عرب جرب معندهمش حضارة، واحنا حضارتنا الاف السنين

وهما شايفينا نصابين، وفهلوية، وبنحقد عليهم، ويقدروا يشترونا بفلوسهم وشايفين ان نص مصر رقاصين والباقي بيشاور عقله

والحقيقة، ولا هما زي ماحنا شايفينهم ، ولا احنا زي ما هما شايفينا. احنا الاتنين عندنا عقدة نقص بنطلعها على بعض.

أرجو اني ماكونش خرجت عن الموضوع وطولت عليكم واتمنى تقرؤا كلامي بموضوعية ومحدش ياخده بحساسية

الموضوع: أتحرق دمي وفي حالة أنفجار في المخ :@:@:@

LinkBack

أدوات الموضوع

عرض

-

-

-

-

-

-

-

-

المواضيع المتشابهه

المرور أتحرق وملف العربية

بالفيديو-أنفجار 3 سيارات مفخخة أمام كنيسة القديسين في أسكندرية

أنفجار سيارة (نوبل أم 14) Nople M14 من أقوى التصاميم الرياضية حتى الأن

الكلمات الدلالية لهذا الموضوع

المفضلات

المفضلات

ضوابط المشاركة