الموضوع: إيه هي مشاكل ال c3؟

سلام عليكم
الموضوع باختصار إن أنا كنت حموت وأشتري C4 ولكن نظرا لظروف الزواج (لسه عريس من 6 شهور) والإلتزامات اللي ورا الواحد فقررت إني أشتري حاجة تانية مؤقتا لمدة سنة أو إتنين وبعدين أجيب ال C4 .
طبعا قدامي كذا إختيار ولكن وقع إختياري على عربيتين فقط لا غير
فورد مونديو 2000cc jia high line و ستروين C3.
أنا عارف طبعا إن في فرق شاسع بين الإتنين في كل حاجة ماعدا السعر بتاعهم هو اللي متقارب. وإن الإتنين مش أي حد بيعمل لهم صيانة وقطع غيار غالية (طبعا الفورد أغلى).
فسؤالي دلوقتي:
إيه هي عيوب ال C3؟
المشكلة في الفورد إني مش لاقي هاي لاين حالتها حلوة. ولاحظت كمان إن عشان قطع غيارها غالية فمعظم العربيات حالتها تعبانة جدا ومحتاجة مصاريف كتيرة. في حين إن الC3 على حسب ما شوفت معظم ملاكها بيحافظوا عليها وفي كتير حالتهم حلوة جدا.
وياريت زي ما بشوف كتير محدش يطلع يقول لي: طب ما تشوف الكوري ولا الياباني؟ ، لأني وعن تجربة بقول وبالفم المليان
اللي ماركبشي عربيات أوروبي أو أمريكي يبقى ماركبشي عربيات خالص
والسلام ختام

المشاركة الأصلية كتبت بواسطة germin82

الc3 نسخه مصغره من الc4 بالنسبه للشكل

وده من أهم أسباب إني عايز أشتريها

المشاركة الأصلية كتبت بواسطة fares2016

المشكله الشائعه اللى سمعت عنها الكمبيوتر الحديث جدا في السيتروين لدرجه التعقيد..
يعني لازم تدور على ميكانيكي كويس بيفهم في السيتروين من دلوقتي لان العربيه كل شغلها بيعتمد على الكمبيوتر
وانا رأيى انها افضل من المونديو

طبعا القصة دي أنا عارفها كويس، ولكن ممكن حضرتك تقول لي ليه هي أفضل من المونديو؟
لأني شايف إن المونديو تتفوق عليها في قوة الموتور والوسع الداخلي والثبات على الطريق.