سؤال محرج

**ashrafohm** · 05-10-2010 11:23 PM

السلام عليكم

ازيكم يا شباب قسم الصوتيات

انا ملاحظ حاجة ان الناس مصرة تنطق كلمة بيس .. بيز !!

سواء كانت base بمعنى قاعدة يعني لو قلنا قواعد بيانات في الدراسة مثلاً Database تلاقي الناس بتنطقها داتا بيز !!

او كلمة bass اللي بنستعملها هنا اللي هي الصوت الغليظ ودي برضه بتتنطق بيس أصلاً والناس بتقول بيز !!

على فكرة الموضوع وصل لدرجة اني شفت واحد في منتدى كاتب كلمة Science اللي هي العلوم سينز !!!!!!!!!

ههههههههههههههههههههههههه
مش عارف ايه الحكمة من كده .. احنا مش كفاية بننطق العربي غلط .. كمان الانجليزي غلط

يا ريت نصحح المعلومة لبعض والناس تنطق الكلمة بنطقها الصحيح

.. والسلام عليكم

**zakiali** · 06-10-2010 12:21 AM

موروث شعبي

**Dr Ahmed** · 06-10-2010 12:38 AM

بس دا فعلا النطق الصح لإن ال s لما بتيجى بين حرفين متحركين بتنطق z

**ashrafohm** · 06-10-2010 12:58 AM

المشاركة الأصلية كتبت بواسطة Dr Ahmed

بس دا فعلا النطق الصح لإن ال s لما بتيجى بين حرفين متحركين بتنطق z

يا راجل يا طيب .. هاتلي مخلوق واحد الانجليزي هي اللغة الأولى عنده بينطق الكلمة بالطريقة دي

ده غير ان بيس اللي بنستخدمها هنا bass الاس مش بين حرفين متحركين ولا حاجه

ده غير اني اول مرة في حياتي اسمع القاعدة الجامدة دي .. ممكن تديني مثال عليها وتقولي مصدرها لو سمحت؟

**Khaled_Nowaihy** · 06-10-2010 01:17 AM

المشاركة الأصلية كتبت بواسطة ashrafohm

يا راجل يا طيب .. هاتلي مخلوق واحد الانجليزي هي اللغة الأولى عنده بينطق الكلمة بالطريقة دي

ده غير ان بيس اللي بنستخدمها هنا bass الاس مش بين حرفين متحركين ولا حاجه

ده غير اني اول مرة في حياتي اسمع القاعدة الجامدة دي .. ممكن تديني مثال عليها وتقولي مصدرها لو سمحت؟

زى كلمات please، refuse, excuse , use , abuse

انا اشتغلت مع انجليز وامريكان و فرنسيين كمان ... بينطقوا database داتا بيز
الفرنسيين فقط هم اللى كانوا بينطقوها بيس

**ashrafohm** · 06-10-2010 02:01 AM

المشاركة الأصلية كتبت بواسطة Khaled_Nowaihy

زى كلمات please، refuse, excuse , use , abuse

انا اشتغلت مع انجليز وامريكان و فرنسيين كمان ... بينطقوا database داتا بيز
الفرنسيين فقط هم اللى كانوا بينطقوها بيس

مظبوط كلامك والكلمة دي فعلاً في ناس بتنطقها بيس .. وفي ناس بتنطقها بيز ..

لكن برضه السؤال المحير .. احنا بنستعمل هنا bass مش base ودي ما يختلفش عليها اثنين المفروض

ليه بتتكتب بيز

**ashrafohm** · 06-10-2010 02:06 AM

المشاركة الأصلية كتبت بواسطة Dr Ahmed

وانا هعمل لك إيه لو كنت معرفتهاش قبل كده؟ مش ذنبى!
وهجيب لك القاعدة منين دى عارفها من ثانوى!
وهجيب لك برضه مخلوق انجليزى منين .. جيب انت واحد بينطقها غير كده1

عموما فيه أمثلة كتير أكتر من الحصر بس انت تاخد الموضوع ببساطة الأول علشان أعرف أرد عليك وأنا مش متضايق

بالراحة يا دوك احنا مش بنتخانق مع بعض .. بعدين انا اقدر اقولك بمنتهى البساطة نزل اي قاموس ناطق وشوف الكلمة بتتنطق ازاي .. ده غير اني بعشق فريق اسمه Ace of Base وهما في أغانيهم بيقولو اسمهم بيس مش بيز تخيل اسمهم ايس اوف بيز مثلاً !!!!!!

بعدين انا بسألك سؤال بسيط .. هاتلي مثال على القاعدة دي .. انا مش بتخانق معاك .. في واحد تكرم مشكوراً وجاب أمثلة وكلامه مظبوط ما اختلفناش .. مع ذلك في كتير بينطقو الكلمة بيس مش بيز ومنهم الفريق اللي بسمعه وفعلاً هما في اعضاء فيه فرنسيين فبينطقوها سين زي ما الأخ تكرم ووضح ان اغلب اللي بينطقها سين الفرنسيين

كل ده احنا بنتناقش في كلمة مش بتستخدم في القسم هنا بتاتاً اللي هي كلمة base دي معناها قاعدة ولا عمرنا استعملناها هنا

احنا هنا بنستعمل كلمة bass الصوت الغليظ يعني .. ودي نطقها بيس ومفيش حد بينطقها بيز غير الإخوة المصريين وانا حبيت اصحح الفكرة

ايه اللي مضايقك بقا؟

**al_manara** · 06-10-2010 01:42 AM

المشاركة الأصلية كتبت بواسطة Dr Ahmed

بس دا فعلا النطق الصح لإن ال s لما بتيجى بين حرفين متحركين بتنطق z

تمام . بس واضح ان صاحب الموضوع هو الي مش واخد بالة . اقولك مثل . اللوحة الام (Motherboard ) الي بتتباع في السوق اسمها (Asus ) ازوس . الناس بتنطقها غلط وتقول اسوس .

اقولك حاجة كمان عشان تجربها بنفسك . جرب تحط الكلمة الي انت عاوزها في الويندوز خلية ينطقهالك وشوف النطق هايكون اية
وكمان جرب الموقع دة وهو ينطقهالك
http://www.naturalreaders.com/index.htm