هو ايه الكوبلن اصلا ده و مكانه او وظيفته ايه ؟
عرض للطباعة
هو ايه الكوبلن اصلا ده و مكانه او وظيفته ايه ؟
ممكن اثناء غسيل شاسيه السيارة من اسفل تبص عند كل عجلة وتشوف كاوتشة الكوبلن في مكانها ولا لأ
وممكن تكسر العجل على الآخر يمين ومحاولة النظر على الكوبلين اليمين والعكس صحيح
وعموماً اهم حاجه احساسك بالعربية هو دا الي بيخليك تكتشف في مشكلة فيها ولا لأ وكل مشكلة وليها مكان وسبب وحل طبعاً
وباحساسك بالمشكلة بتعرف تحدد مكانها وسببها تقريباً
ولو ماعرفتش تحدد سببها بتروح لفني متخصص وتقوله على مكانها واعراضها وهو بيعرف السبب وبيعالجه بسهولة خصوصاً لو كان فني ماهر
والف مبروك على اصلاح الميجان
بص هو علشان تكون فى الأمان يبقى تروح لحد ينزل المصفحة اللى تحت الموتور و يبص
هو وظيفته تحديداً نقل الحركة من الفتيس الى العجل الأمامى
و فيه نقطة تانية حبيت أوضحها لصاحب السؤال
أن الكوبلن فيه منه أتنين فى العربية بس كل ناحية منهم ليها رأس كوبلن و الرأس دى هى اللى الميكانيكى بيطلق عليها مجازاً كلمة كوبلن
يعنى فعلياً فى 4 رؤوس كبالن فى العربية.....2 ناحية العجل و 2 ناحية الفتيس.
ساعات اللى بايظ بيبقى اللى ناحية العجل و هو ده الأكثر شيوعاً وساعات بيبقى الرأس اللى ناحية الفتيس لوحدها و ساعات الأتنين.
انا عندى نفس المشكلة بالضبط وزاد عليها الان خبطة عند الدوران
اتمنى اعرف اصلحتها عند مين و كام تكلفة الاصلاح
جزاكم اللة كل خير
هيا نفس المشكله اللي عندي وطلع عندي كويل بايظ غيرته من عند المهندس طلعت بـ 250 جنيه فاليو اسباني