رعشة جامدة فى الميجان

**pioneerahmed** · 06-10-2010 12:29 AM

السلام عليكم يا شباب
ملاحظ من فترة ان العربية لما اكون في اخر التاني علي سرعة 40 احس بهزة بسيطة جدا لا تذكر (رجة بسيطة جدا جدا)
ومشيت العربية تمام اسبوع
النهاردة خدت مشواري والعربية تمام وانا راجع وماشي لقيت العربية بتتهز جامد جدااااا والهزة جاية من ورا الدركسيون بيترعش والتابلوة وانا والكراسي و فجاة العربية بطلت جيت ادور دارت و اول لما جيبت ال d كتبتلى check injection قلت اكشف على الكويلات لايت اتنين فاصلين و واحد بيضرب من الجنب
المهم غيرتهم (اصل انا دايما بحتفظ بطقم كويلات كامل فى الشنطة بناء على نصيحة الوحوش)
والمهم مشيت عادى و الطريق كان زحمة فمكنش فى اى مشكلة غير بعد لما روحت و ركنت ببص على الجنوط لقيت الاتنين الى قدام معوجين شوية قلت عادى كل جنوط الميجان ضعيفة روحت تانى يوم استعدلتهم فى المنيل و رجعتهم ورا عشان اطمن

بعد كدة بقى قلت خلاص مش هلاقى رعشة تانى لسة مكملتش الكلمة بعد سرعة 60 رعشة جامدة بس مرتبطة بدوسة البنزين بس و طبعا كل لما تزود السرعة كل لما الرعشة تزيد لكن مجرد ما تمور الفتيس و هى ماشية الرعشة بتختفى تماما

تفتكروا دى تبقى مشكلة اية يا وحوش انا شاكك فى قاعدة موتور

**mada001** · 06-10-2010 01:50 AM

بص ياباشا انا هقولك على حاجه حصلت معايا
اولا انا عندى قاعده الموتور او شداده الموتور زى الزفت كل ما اروح اغير زيت الراجل يقولى حرام عليك غيرها وانا منفض بس العربيه مابتترجرجش يعنى حته القاعده انها السبب فى الرجه دى انا مستبعدها
ثانيا انا كان عندى الكاوتش زى الزفت لدرجه كنت بسمع صوت ونه كده غريبه لما بشغل التكييف ورجه غريبه الشكل رحت جبت اربع فرد بريدجستون تورنزا الجديد مش قادر اقولك العربيه سحبتها اصلا اتغيرت ما شاء الله
اخيرا انا عايز اقولك ان مشكلتك لو مش ميكانيكيه ودى انا مش هقدر افيدك فيها تبقى مشكله كاوتش وترصيص شيك على عجلك

**pioneerahmed** · 06-10-2010 01:59 AM

العجل انا لسة شارية مكملش 2000 كم بريدجستون تورانزا gr90 و الجنوط بقت تمام

و بعدين الرعشة دية مع دوسة البنزين بس و انا ممور العربية زى الفل

**midoammar** · 06-10-2010 02:06 AM

المشكله دي ترصيص يا مدير
لانك بتقول العربيه بتترجرج جامد والرعشه دي ما تعملش كده الا اذا العربيه كاوتشها مش مترصص

**mr_sameh** · 06-10-2010 02:08 AM

ممكن يكون مشكلة في الكبالن

**pioneerahmed** · 06-10-2010 02:08 AM

طيب لية مفيش رعشة و انا ممور الفتيس و على نفس السرعة؟؟

**abdoelkot** · 06-10-2010 02:08 AM

يبقى تبص على قاعدة الموتور او يبقى عندك مشكله مع الانجيكشن لاقدر الله

**pioneerahmed** · 06-10-2010 02:11 AM

المشاركة الأصلية كتبت بواسطة abdoelkot

يبقى تبص على قاعدة الموتور او يبقى عندك مشكله مع الانجيكشن لاقدر الله

انا حاسس انها قاعدة الموتور

بس واحد من الاعضاء واجة نفس المشكلة دية فى عربيتة اللادا و طلعت المشكلة فى فلانشة الكردان

هى الميجان فيها عمود كردان؟

**mada001** · 06-10-2010 02:20 AM

المشاركة الأصلية كتبت بواسطة pioneerahmed

انا حاسس انها قاعدة الموتور

بس واحد من الاعضاء واجة نفس المشكلة دية فى عربيتة اللادا و طلعت المشكلة فى فلانشة الكردان

هى الميجان فيها عمود كردان؟

لا طبعا العربيه دفع امامى وعمود الكردان فى العربيات ذات الدفع الخلفى على ما اعتقد
وماينفعش ياباشا تقارن الميجان بالادا

**pioneerahmed** · 06-10-2010 02:26 AM

المشاركة الأصلية كتبت بواسطة mada001

لا طبعا العربيه دفع امامى وعمود الكردان فى العربيات ذات الدفع الخلفى على ما اعتقد
وماينفعش ياباشا تقارن الميجان بالادا

سؤالى غبى اوى انا عارف بس حبيت اتاكد و بعدين الراجل كان بيحكى نفس الاعراض الى عندى بالظبط

الموضوع: رعشة جامدة فى الميجان

LinkBack

أدوات الموضوع

عرض

رعشة جامدة فى الميجان - انشر الموضوع فى :

-

-

-

-

-

المواضيع المتشابهه

رعشة جامدة

رعشة جامدة في فتيس اللوجان

رجة و رعشة جامدة في الموتور عند التشغيل ؟؟؟؟؟؟؟

رعشة جامدة فى الدركسيون و التابلوة

رعشة جامدة في اللانسر

الكلمات الدلالية لهذا الموضوع

المفضلات

المفضلات

ضوابط المشاركة