المشاركة الأصلية كتبت بواسطة shaddadfalcon1
علشان ده مش بيبقي حب اصلا
ده بيبقي حاجه كده زي اعجاب او هبل او واحد مراهق وكل هدفه انه يتجوز الأنسانه اللي هو شايف انه بيحبها وللأسف معظم الشباب بيبقو كده ويقضو فترة خطوبه واو وحب وغرام ومش عارف ايه ومع اول اسبوع جواز يبتدو يقابلو المشاكل بتاعة الحياه اللي عمرهم مافكرو فيها
مره كنت بتفرج علي خطبه للشيخ وجده غنيم وكان بيقول ان فترة الخطوبه لازم تتكلم فيها مع خطيبتك في المشاكل اللي ممكن تقابلكم وتشوفو هتحلوها ازي وتتكلمو بعقلانيه مش كل حاجه حب وخلاص
الحمد لله طبقت الكلام ده مع خطيبتي والحمد لله كنت كل مره بمشي من عندها متخانقين :ma:
واقدر اقولك اني قضيت فترة خطوبه مليئه بالنكد والخناق بس كل ده فادني بعد الجواز لان معظم الحاجات اللي ممكن تخليني اتخانق معاها انا مريت بيها ايام الخطوبه وعرفت انا ويها ازاي نحلها