حد يعرف ان الحب مع انه احلي حاجه في الدنيا وكل واحد يتمني انه يحب بس ليه علي طول لازم يكون الحب ده فيه حيره و وجع وساعات خيانه ليه ميكونش كله سعاده وفرح هل لان الوجع ده غريزه مرتبطه بالحب؟؟؟؟؟؟؟؟
عرض للطباعة
حد يعرف ان الحب مع انه احلي حاجه في الدنيا وكل واحد يتمني انه يحب بس ليه علي طول لازم يكون الحب ده فيه حيره و وجع وساعات خيانه ليه ميكونش كله سعاده وفرح هل لان الوجع ده غريزه مرتبطه بالحب؟؟؟؟؟؟؟؟
هيكون فى ملل وزهق وتعود
لازم يكون فى وجع قلب وحرقة دم من الطرفين
عشان تشتاقى للسعادة والفرح على رأيك :)
وهى دى الشطة زى مابيقولوا :)))
عندك حق والله وشكرا لردك
باختصار لاننا بشر مش ملايكة وكلنا لينا زلاتنا ومن الزلات بيجي النكد ووجع القلب
شكرا يا نور وانا وانتي خلاص بقينا اصحاب ماشي؟؟؟
اكيد يا جميل بجرد تسجيلك واشتراكك في المنتدى بقينا اصحاب واخوات وصدقيني هاتتبسطي معانا بجد
خلاص اتفقنا
الحب فيه حاجات كتييييير اوي حلوه بس احلا مافي الحب عذابه,, وخصام صغير كده وبعدين الصلح
ياسلااااااااااام :d
صح جداااااااااا
سبب تعاسة البشر هو اختلاف غايتهم - حكمة مقلتهاش
حب ؟؟ يعني ايه !!
الحب دة بيودي في داهية والله العظيم
بس الواحد بيضعف قدااامة
ببساطة لو مفيش حزن او وجع يبقى الفرح مالوش اى معنى
ماهو لو الحياه على طول حلوه
هتبقى ملل
و لو نكد على طول برضه يبقي كأبه
انما الشعتفه بين السعاده و الكأبه
هى دى سر حلاوه الحب
يعنى مثلا انا عملت حاجه زعلت اللى بحبها
و هى زعلت لو انا ماصلحتهاش و اعترفت انى زعلتها و صالحتها
هى مش هاتحس بنفسها و مش هاتحس قد ايه انا مقدرها
و بخاف على زعلها
بل بالعكس لو زعلنا شويه و اتصالحنا
هانرجع احلى من الاول
عشان هى هاتحس انها متقدره بجد و انى بخاف على زعلها
و انا نفسى هاعرف اد ايه انا مبحبش الانسانه دى تكون زعلانه منى
ده بس مثال للتوضيح
فى حاجات تانيه الواحد برضه لازم ياخد بالظروف و الاسباب المحيطه بالانسان
علشان الواحد ساعات بيعمل تصرفات بتبقى ناتجه عن ضغوط هو حاسس بيها او ضغوط عليه
ك زعيق مثلا نرفزه زياده شويه الكلام ده
بس طبعا لازم الطرفين يبقوا فهمين حاجه زى دى
ان كل واحد بيقدر التانى و بيقدر ظروفه
مش موضوع انه ضعف او انه مغلوب على امره
بجد لو الطرفين متفاهمين على كده
الحياه بتبقى بينهم حلوه اوى
و بعد اى لحظه زعل
بمجرد انهم يتصالحوا و يهدوا كدا
بيبقوا عاملين زى الاطفال الصغيرين فى حنيتهم على بعض
و ربنا يملا قلوبنا بالحب و يقربنا من كل اللى بنحبهم
قولوا اميييييييييييين
الحب مينفعش يبقى خيانه..هيا دى اللى بتقتل الحب فعلا..ممكن يكون فى مشاكل وحيره وقلق وخصام عشان أحنا عايشين فى الدنيا وبنتعامل مع بش مش ملايكه وأحنا نفسنا مش ملايكه..انتى أكيد بتتخانقى مع أخوكى فى البيت أو مع أختك وساعات مع والدتك بس ده ميمنعش أنك بتحبيهم ومتقدريش تستغنى عنهم........وهو ده الحب.
الحب ممكن يحقق سعادة نظريا اذا توافرت بعض الظروف اللى من الصعب توافرها عمليا.
أولا لازم يكون الحب من طرفين معجبين ببعض و يكون استمر فترة عشان يتأكدوا انه حب مش أعجاب لحظى و بعدين لازم شخصيتهم تتوافق و ميولهم بحيث يكون أسلوب حياتهم المشترك واحد و أخيرا بعد كل ده لازم الاتنين يكونوا عندهم القدرة عاى التسامح عشان لما واحد يغلط لتانى ميجلدوش أو يشيل فى قلبه و حبه يتهز.
مفيش حب خالي من العذاب والألم والتضحيه
ليه؟لانك منتظر من الطرف التاني كل حاجه مثاليه فلما تلاقي منه هفوات وزلات بتتألم وده الطبيعي لان مفيش انسان كامل
بس اهم حاجه ان الأخطاء(الحاجات الوحشه) متكنش أكتر من الحاجات الحلوه
حب ايه اللي انت جاي تقول عليه
هو في حد فاضي اليومين دوول للكلام ده
أنا شايف مواضيع غريبة عمالة تتكتب من يومين وكلها فى نفس الدايرة
مش دا منتدى سيارات برضه؟
مش المنتدى الاجتماعى وظيفته استراحة جانبية جنب محطات السيارات؟
طالما ممكن إضافة نفس الكلام للمواضيع القديمة ليه بنفتح مواضيع جديدة؟
على فكرة مشاركات الاجتماعى لا يتم حسابها فى عداد المشاركات
people identify their history through their misery
being in misery is a motive to do something, the motive and struggle gives a value, but being happy is the temporary result of chain of struggle that starts over again and again.
nope, what you describe is instinct love, a love that just is there whether they are good or bad, this is not related to how they behave, you can disagree but rarely hate, the other is different, because it is something you gain.
Dr.ahmed, are u sure this is car forum?
للأسف....مافيش حاجة اسمها حب_ولا عشق_ولا غرام_ولا الكلام دة_اللى بيحصل..انك بتشوف بنت جميلة فبتشدك بجمالها وشخصيتها مثلا_دة بينعكس عليه كلمة حب_ونفس الموضوع بالنسبة للبنات_العين هى السبب_لأنها تقع على ما تفضله انت.فأنت بترجم كل دة بكلمة واحدة_هى حب.....
أنا حاسس إنى بكدب على نفسى....
There is no remedy for love but to love more :wink:
أنت بتتكلم عن السعادة الناتجة من تحقيق الذات من خلال السعى فى موضوع معين و تحقيق الهدف.
لو هنربط كلامك بأصل الموضوع...ممكن نقول برضه أن السعادة الناتجة من الحب بسبب تحقيق الذات برضه.
لما أنا بحب واحدة مثلا معنى كده ان عندي استعداد من ناحيتها انى أحس بالسعادة و التقدير الشخصى لنفسى.
لو حصل و بادلتنى الحب هأحس فعلا بتحقيق الذات..أن فى واحد بيحترمنى و أنى مهم و حلجة قيمة و حاجة معتبرة فى حياة شخص تانى و الأهم أن الشخص التانى ده فى نفس الوقت أنا مقدره و معتبره جزء من حياتى و هو ده اللى بيخلى الأحساس قوي.
انت لو حد بيحبك بتحس بأنك حاجة قيمة بس لو انت بتحبه بيكون الأحساس عالى جدا لأن ه جاي من واحد هو أصلا حاجة قيمة بالنسبة لك.
زي المثل اللى قلته فى أول المشاركة دي...السعادة اللى بتنتج عن الحب ده بتخليك تحاول تقويه على أمل انه يزيد و تحب أكتر فتلاقى نفسك حريص اكتر على تصرفاتك...بتحاول تسعد الطرف التانى و هكذا لحد لما يحصل الحاجة المعروفة اللى أسمها و Saturation و يبتدي يحصل الملل بين الأزواج
لانه حُب مقدم على حب الله ورسوله
ولما يكون كده بيكون مقصد الحبيبين مختلف
وطالما اختلف المقصد والغاية ظهر الخلاف الهدام،
هي دى اخرت القعده قدام mpc4 ومسلسلات التركي وسماع اسامه منير
الأول لازم نعرف ايه هو الحب
الحب : اخلاص، وفاء، مودة، احترام،شغف ،خوف، غيرة ، مراعاه الله فكل كبيرة وصغيرة ،رومانسية ،ويبدأ بالزواج
دول صفات لازم تكون موجودة فى الأشخاص المحبة
لو فى حاجة من دى مش موجودة يبقى دة مش حب كامل وفى اكيد حاجة غلط
وانا دلوقتى اقول ان مفيش الحب اساسا
بيقولو الحب اخرتة الزواج (وللأسف الكلام دة صحيح )
مع ان المفروض الحب يكون بداينة الزواج و ليس نهايتة
بس للأسف مجتمعنا الشرقى ماشى بالعكس
اول الجواز بيكون كلام جميل قوى وتصرفات جميلو وكل حاجة حلوة
بعد الزواج بقى تتفاجئ بشخصية تانية خااااااااااااااااااالص (دةمن الطرفين)
لسة سامعة عن واحدة صاحبة اختى اتزوجت من زميلها فى الشغل وكانت قصة حب فظيعة وكان هو بيعملها كل اللى هى عايزاة مجرد انها ترضى عنة والكل كان شايف انة هيريحها و يصونها
مكملتش البنت 6 شهور و كان بيجرى وراها فى الشغل عشان يضربهاااااا وزمايها حاشوة وهربوها منة !!!
ولما روحت بيت اهلها قفلت على نفسها الباب كان هيكسرة ومعملش حساب لأبوهاالكبير دة وضربها قدامة !!!
تفتكرو فى ثقة بعد الكلام دة فحد ؟؟؟
مفيش اصلاحب - الحب دةكان زمان دلوقتى بقى تسلية و مضيعة وقت و خلاص ودة لقلة الحيلة
الحب..!!!!!!!! :s1[1]:
الحب حرفين..تفصيلا وإجمالا..
إن قل حرف أو زاد .أعيانا..
فالحاء حر علي قلب من لم ينل
والباء برد علي قلب من نال .... :B4_237:
علشان ده مش بيبقي حب اصلا
ده بيبقي حاجه كده زي اعجاب او هبل او واحد مراهق وكل هدفه انه يتجوز الأنسانه اللي هو شايف انه بيحبها وللأسف معظم الشباب بيبقو كده ويقضو فترة خطوبه واو وحب وغرام ومش عارف ايه ومع اول اسبوع جواز يبتدو يقابلو المشاكل بتاعة الحياه اللي عمرهم مافكرو فيها
مره كنت بتفرج علي خطبه للشيخ وجده غنيم وكان بيقول ان فترة الخطوبه لازم تتكلم فيها مع خطيبتك في المشاكل اللي ممكن تقابلكم وتشوفو هتحلوها ازي وتتكلمو بعقلانيه مش كل حاجه حب وخلاص
الحمد لله طبقت الكلام ده مع خطيبتي والحمد لله كنت كل مره بمشي من عندها متخانقين :ma:
واقدر اقولك اني قضيت فترة خطوبه مليئه بالنكد والخناق بس كل ده فادني بعد الجواز لان معظم الحاجات اللي ممكن تخليني اتخانق معاها انا مريت بيها ايام الخطوبه وعرفت انا ويها ازاي نحلها
الحب فى رأى بدأ يفقد قيمته بالتدريج بسبب روتين الحياه عندنا والناس تفكيرها كله فى الطماطم والتوريث والشغل ليل ونهار عشان يكفى الاحتياجات + كمان فعلا زى ما قال الاخ hamedo0 اليومين دول بقى حب مهند ونور والمسلسلات التركيه والاسبانيه والهجص دا كله وللاسف اغلب البنات بتتاثر بالحاجات دى جدا والدليل حالات الطلاق لستات متجوزه بسبب المسلسلات دى والرومانسيه الوهميه الى عايزين زيها
بمناسبة الرومانسية بقي
شوفوا الفيديو اللي يعقد دا
Anmelden | Facebook
حب ايه اللى انت جاى تقول علييييييييه
على رأى ابو مروى
ان لم تكن ذئبا اكلتك الذئاب
الحب كالزهور
فى الجمال
و العمر ... :crazy:
صح جدااااااا
احلي حاجه لاحظتها في الاجتماعي
موضوع عن الجواز كله راشق واشطه والحياه فل
موضوع عن الحب برضه الناش شغاله زي الفل
اسلحه تلاقي استشارات جامده
سرقات
قتل
نصب
نهب
والله انتم زي العسل الواحد ياخدكم معاه في اي حوار تسدوا عين الشمس
وبدل اقتراح دكتور احمد وادكتور بحري بتغيير اسم القسم وطبعا دي حاجه انا بعارضهم فيها وبرفضها
احنا نعمل قسم صغنن كده فوق نسميه القعده العربي
ونجيب شيشنا واصحابنا ونقعد نرغي للصبح
بس انا عاوز فوتيه علشان مش بعرف اقعد مستربع رجلي بتوجعني فلازم تراعو سني
----------------------------
فكرتوني بواحد بيقول لصاحبه انا اشتريت كتاب يعلمك ازاي تبقي مليونير في اسبوع فصاحبه قاله اشتري كمان معاه كتاب قانون العقوبات
وبناء عليه بنصح الجماعه مؤيدي فكره الحب انهم يدورا علي مواضيع الجواز في المنتدي ههههههههههههههههه
علشان يبقي عنده درايه كافيه بجوانب الموضوع كله
وكما قال الشاعر
الحب الحب بلوبيف بلوبيف
انا فى الحقيقة مش شايفة اى مشاكل عن الكلام فى الحب لأن الحب موجود فحياتنا الأجتماعية والحب بنمارسة طول حياتنا مع اختلاف مصادر الحب اوانواع الحب ...
وانا شايفة ان اى موضوع بينطرح و بيكون فيةمناقشة بنستفيد منة زى مثلا رد shaddadfalcon1 دة اخدت منة استفادة من تجربتة
يا جماعة ببساطة لوموضوع مش عاجبنى مدخلهوش ..محدش بيرضى جميع الأطراف ومش كل حاجةبنوافق عليها فحياتنا وهنا فى حرية لأى عضو انةيفتح موضوع للمناقشة طالما انة مبيمسش الأداب العامة.. فا لية نصادر مواضيع الأعضاء؟
محدش يزعل من كلامى :ma:
بجد انا استفدت من تجربتك دى جدا :satelite:وربنا يجعل ما بينكم المودة و الرحمة ان شاء الله