عرض للطباعة
السلام عليكم، النهاردة كنت بهزر مع نقل هزار خفيف كده طلعت منه بخبطة فى الرفرف الشمال ورا تقدروا تقولوا حجمها قد الكف كده جنب الفانوس الورانى والحمد لله الفانوس ماحصلوش حاجة .... بصراحة اتنكدت ومحتاج واحد استاذ يخلصلى الموضوع ده فى نفس اليوم ويكون فعلا استاذ سمكرة ودهان ويقدر يرجع كل حاجة لأصلها صاج ولون ... أنا ساكن فى مصر الجديدة فياريت حد يكون فى المنطقة والمناطق اللى حوالينا
تحياتى
أولا الحمد لله على سلامتك
مش عارف أيه علاقه الحته دى بالذات والحوادث فى النيو سيراتو!!!!
أنا أتخبط فيها 3 مرات!!
ولسه كونو عامل موضوع مخبوط فيها
وأنا أهو :))
مش عارف
المهم جرب العقيد خالد ليه موضوع فوق فى الاعلانات
اقتباس:
المشاركة الأصلية كتبت بواسطة normal
على رأيك وسبحان الله أنا لسه مخبوط الخبطة دى امبارح بليل ولسه راجع بفتح النايل موتورز علشان اسال على واحد كويس الاقى نفس الخبطة بس بزيادة شوية فى نفس المنطقة عند اخونا كونو ... بس بصراحة أنا مش عاوز ابهدل نفسى مع قرف الوكيل (عن تجربة سابقة وهنروح بعيد ليه ما هو انت عايش القصة اليومين دول) ومع انى مأمن بس أخلص نفسى بره احسن
اللى أنا خايف منه ان اللون بتاعى هو الميتال برونز فده هل هو ممكن يضرب بسهولة عند حد ولا لازم الوكيل
بص هو المفروض طالما فى كود يبقى بتتجاب صحاقتباس:
المشاركة الأصلية كتبت بواسطة aaet1
المشكله بقى فعلا فى الخامه
فروح لحد كويس وأصرف على الدوكو دا كويس
متسترخصش فى اللون أقصد
والله انا لقيت واحد كده بيستعمل دوكو المانى زى الوكيل حتى سعره غالى شوية فهشوف كده ... يعنى قالى ان الرفرف الورانى ده وعلشان هو لاحم فيه طبعا العتبة بتاعة الأبواب والجزء اللى فوق البابين فلازم يترش كله وادانى تكلفة 450 جنيه وحجزلى ميعاد يوم الاتنين اللى جاى والتسليم ان شاء الله على الأربعاء ... فهشوف كده وربنا يسهل
لو سمكرة بس روح للعقيد خالد لانه بطل يشتغل دوكو
لو عايز حاجة احسن من التوكيل
مركز تكنو وان احنا متعاقدين معاه وعندة مركز سمكرة ودوكو كبير جدا بيساع اكتر من 20 في وقت واحد
وعندهم كابينة دهان حديثة جدا
وبيجبولك الالوان اللي انت عايزها بالخامات اللي انت عايزها
واحنا واخدين خصم 20 % على المصنعيات يعني لو 450 فعلا التكلفة هايتشال 90 جنيه وانت اولى بيهم خاصة انهم محترفين طلعت عربية زميلنا الزواوي زي الفل رغم ان لونها مميز برضه اللي هو دارك بريبري
معرفش انتو بتسموه ايه في كيا
ممكن تروح عند امير وجوزيف فى مصر الجديدة ده مركز عملاق فى كل حاجة وانا متاكد انه هيجيب احسن بوية واحسن سمكرة
انا لحظت فى اكتر من مشاركة ليك بتقول نفس الكلاماقتباس:
المشاركة الأصلية كتبت بواسطة manchy
حضرتك كده فاكر انك بتعمله دعاية احب اقولك انك كده بتعمله دعاية سلبية وده بيدينى ايحاء انه مش لاقى شغل وبيدلل .
احنا لما بنقول لحد روح لمكان كذا بنقول عن تجربة فعلية وعن تجربه انما اسلوبك ده خطا واعتقد ان دكتور امير لو عرف اللى بتعمله هيزعل مش هيفرح .
تانى شى انت كده بتعرض نفسك للايقاف وراجع قوانين المنتدى
كلام ابو ليلى سليم تمامااقتباس:
المشاركة الأصلية كتبت بواسطة abouleila
وفعلا مشاركاتك فيها كتير دعاية للمركز ده
ثانيا انت بتقول انك روحت ليهم
ازاي تقارن المكان ده بتكنو وان
ازاي تقارن جراج تحت عمارة وعاملينه مركز صيانة
بمركز صيانة حقيقي ب 8 روافع هيدروليك وعنبر سمكرة يشيل اكتر من 20 عربية وعندهم كابينة دهان خاصة بيهم
ومركز غسيل خاص بيهم واحدث اجهزة كشف اعطال واحدث جهاز هانتر لظبط الزاويا
كل ده عايز تقارنه بمركز تحت عمارة
مش لاقي حاجة ارد عليك بيها
ليا تعليق بسيط و طبعا ابو ليلي عارف اني بعمل الصيانه للعربيه في تكنو وان لاني خليجي و طبعا كان ليا اكتر من مشاركه بشكر فيها في تكنو وان و ذكرت بعض السلبيات ولكن تكنو وان هو المركز الرسمي ليا تمام...
لكن مع احترامي التام لرايك العزيز يا ابو ليلي العزيز و كذلك رد السيد الكريم/ كريم منير هل يصح ان احنا نرد كده و نحقر من مركز صيانه ونقول عليه تحت عمارة و جراج وازي نقارن و ازاي نفكر ان نقول عليه مش عارف ايه و ايه
وليه يا ابو ليلي حضرتك شايفه بيعمل اعلان؟ هو عشان ذكر مركز مختلف؟ طب ما بنفس المنطق حضرتك كده بتعمل اعلان وبرضه كده تدي الناس احساس انه بيدلل؟ولا انا غلطان... ولو تفتكر يا ابو ليلي في بدايه المشكله مع التوكيل كنا بندور ووصلنا ان المركزين دول كويسيين ومعاهم الميكانكيون العرب اذا انا فاكر الاسم صح ، طب حصل ايه؟؟؟
ولما السيد كريم يقول انه احسن من التوكيل مش ده برضه اعلان؟
وليه حضرتك بتقوله انه بيعرض نفسه لالايقاف؟؟؟ هوة عمل ايه؟
ممكن افهم النقطه دي؟ هل لو ذكرت مركز مختلف او محل مختلف او اي حاجه ابقي بعمل اعلان او اعرض نفسي لاايقاف؟؟؟
احترامي التام لكم و لتكنو و امير برغم اني معرفش شكل مركز امير ولا حتي مكانه
بصراحه انا مستاء من تعليقك و تعليق السيد كريم مع احترامي التام لكم ومتشكر لكم
:majd(2):اقتباس:
المشاركة الأصلية كتبت بواسطة night_phoenix
يا عزيزي يا اخينا الفاضلاقتباس:
المشاركة الأصلية كتبت بواسطة dak3
لو تسمح
شايف الموضوع كبير بلاش تدخل
لحسن نزعل منك ارجوككككككككي
يعني موضوع النور الواطي كفايه
م.حاتم السباعي
اهلا وسهلا يا دكتوراقتباس:
المشاركة الأصلية كتبت بواسطة night_phoenix
اولا لازم اوضحلك حقيقية غايبة عنك
ان تكنو وان دخل البيت من بابه
يعني عمل اعلان رسمي في المنتدى
مش كل شوية يخلي اي حد يعمله دعاية خفية في وسط المشاركات
ايه المانع انه يعمل اعلان يساعد في استمرار المنتدى وفي نفس الوقت يعلن عن نفسه بطريقة شرعية
لكن اعلان غير شرعي هو ده اسلوبهم من زمان وانا متابع اكتر منك بحكم اني مدير المكان
ثانيا تكنو وان رغم انهم عاملين اعلان عاملين كمان خصم لاعضاء المنتدى
وهما مش ملزمين بذلك لان لو عمل خصم حقيقي مش هايحتاج يعلن عندنا رغم ان الخصومات مع التوكيلات فقط
ومع ذلك بيعمل خصم 20 % وكمان عروض دورية للاعضاء
ثالثا امكانياته وتجهيزاته اكبر وارقى بكتير جدا جدا من المركز اللي العضو بيقارن بين تكنو وبينهم
ازاي اقارن مركز صيانة كبير ومجهز بيستقبل اكتر من 20 عربية في وقت واحد بورشة في جراج عمارة لو دخلتها 3 عربيات يقفلوها
لازم نقول كلام بالعقل عشان نعقله
اما بيعرض نفسه للايقاف ليه لان لو تتبعت شاركاته هاتلاقية داخل في كل مووضوع فيه تكنو وان يقول المركز التاني افضل
تبقي دي دعاية ولا اسمها حاجة تانيه
رجاء تتبع مشاركات العضو
واقرا قواعد المنتدى مرة تانية عشان تعرف انا وابو ليلى بنرد ليه بالاسلوب ده
تحياتي
اقتباس:
المشاركة الأصلية كتبت بواسطة abouleila
العضو الموقر كان ليه مشاركة فى موضوع هنا خاص بتكنو وان وقال الاتىاقتباس:
المشاركة الأصلية كتبت بواسطة night_phoenix
يا جماعة اصلا ........ بيعملها ببلاش وانا عملتها عنده مع صيانة 10000 وكله ارخص من تكنو وان بكتير
وفؤجت به هنا يقول فيما معانه نفس المعنى وبالتالى وضحت النية بانه اعلان مباشر لانه لم يذكر السبب ولا عن تجربه ولا ليه مشاركات معانا غير قليلة جدا
لو تراجع كلامى هتلاقى انى قلت ان د / امير وهو صاحب المركز لم يرضيه هذا الاسلوب من الاعلان معنى كلامى انى بشكر فيه وليس شى اخر
مركز امير وجوزيف فى الاصل مركز خدمة لسيارات الستروين ومعتمد من عز العرب وكان لى تجربة معه وتكلمت عليها فى مقابلة الرحاب لو تتذكر ويقع المركز فى جراج تحت الارض ويتم عمل صيانات السيراتو تبع ضمان تربل ايه
اسمع دى يا دكتور اسامة .....المركز من الاصل لا يشتغل فى شغل سمكرة او دوكو على حسب مارأيت هناك .
مركز تكنو وان متعاقد مع المنتدى فى اعلانات كما ترى فى البانر العلوى وبالتالى يدفع فلوس مقابل اعلانه هنا ومن حقه ان يقول ويقدم عروض ولك حرية الاختيار .
انا لم اعمل اعلان للمركز لان فى مشاركتى لم اذكر اسم المركز وبالتالى حضرتك غلطان
راجع قوانين المنتدى وحضرتك تعرف الفرق بين الاعلان المباشر والاعلان بطريقه مفيده للاعضاء سبق وقلت اكتر من مرة لو هناك اى مركز اخر يراه اى عضو مفيد لنا يجب عليه ان يتكلم ويعرض علينا ما سيقدم لنا من اسعار وعروض ولنا حريه الاختيار فى النهاية .
هل مازلت مستاء من تعلقيى ....؟
السيد كريم و العزي ابو ليلي
طبعا لازم اشكر ردكم الراقي برغم اختلاف وجهات النظر وده للمرة الالف تصرف انا متعود عليه منكم..
انا حقيقي مش متابع ردود السيد العضو لكن لفت نظري الموقف واذا كان الموقف زي ما حضرتك شرحت يبقي الحق معاكم في موضوع الاعلان ده
عموما بشكركم مرة تانتيه علي الاسلوب الراقي في تناول امور الاختلاف
شكرا ليكم وطبعا مش مستاء
لان الاختلاف لا يفسد للود قضيه وده من اخلاق الناضجين الواثقين من انفسهم
شكرا لكم
اعتذر وبشده لصاحب الموضوع للخروج خارج اطار الموضوع الاصلى
الله اكبر جت سليمة
وللاستاذ الفاضل صاحب الموضوع الاصلي لك منا كل تقدير
وان شاء الله توفق في مشكلتك
واري انك مترحش ولا مكان من اللي الحبايب قالوا عنهم
تعالي عندي احسن من دول كلهم ههههههههههههه
طبعا انا بهزر لحسن اتوقف يا عم اصل مركز الخدمة بتاعي
فوق السطوح ومفيش اسانسير هههههههههههه
عموما انتا اكيد ان شاء الله ستجد الجماعة بتوع تكنوا وان
بإذن الله عند حسن الظن لان هناك ترشيح من الريس (الاستاذ كريم)
ثم العزيز الغالي عمدة المنتدي (ابوليلي) و كمان الدكتور (اسامه) وطالما زواوي راح هناك فتأكد ان الحمد لله الناس دي زي الفل وربنا معاك
م.حاتم السباعي
لا والله مافيش مشاكل وعلى العكس الأراء الكتير أنا بحبها فى انها بتديك فرصه لأنك تقيم بنفسك وده اللى هعمله وبما ان زى ماذكرت سابقا ان المركز اللى لقيته مدينى ميعاد يوم الاتنين اللى جاى لكن مع ذلك ومع ان عربيتى وكيل إلا انى قررت أستغل اليومين دول فى انى اقوم بزيارة لتكنووان يوم السبت ان شاء الله واعرض عليهم العربية واشوف الوضع هيمشى ازاى وبعديها اقرراقتباس:
المشاركة الأصلية كتبت بواسطة abouleila
فتحياتى لجميع من شارك فى الموضوع ده
موضوع الأعلانات ده لفت نظرى وليه سؤال
كلمة اعلان تنطبق على مراكز الخدمه بس ولا الأكسسوارات
لأنى تابعت مواضيع كتيره للأعضاء فى موضوع الأكسسوارات وناس قالوا متروحش عند فلان وناس قالت روح عند فلان تانى لدرجة أن فى أماكن الأعضاء قالوا عليها سيئه وفيها نصب وأماكن أخرى أتكتب أسم المحل ورقم تليفونه وأسم البائع كمان.
ولو عايز أشترى حاجه وبسأل الأعضاء يردوا عليا فى الموضوع ولا على الخاص.
أرجوا الأفاده وشكرا لكم
مع تحياتى
م/عمرو شرف
انت عسل بجد وملكش حلاقتباس:
المشاركة الأصلية كتبت بواسطة hagan
:36_7_4[1]::T_thum1[1]::majd(2)::puke:اقتباس:
المشاركة الأصلية كتبت بواسطة night_phoenix
كل ده في مصلحة الاعضاء
وانا عن نفسي هقولك حاجه من زاوية تانيه
تكنو وان يكسب في ميزه مهمه
وهيه ان ادارة المنتدى لها صله مباشره مع ادارة مركز تكنو وان فلو لا قدر الله حصل حاجه معجبتكش تقدر الاداره تعمل اتصالتها وتسويلك الموضوع
لكن مع احترامي للمركز الاخر ممكن يكون كويس بس ملكش ظهر فيه - بمعنى انته لوحدك هناك ده مش تشكيك في ذمتهم هناك لا سمح الله بس انا بفكر معاك بصوت عالي
ولك القرار
بينطبق على كل حاجةاقتباس:
المشاركة الأصلية كتبت بواسطة sharafconsult
ولازم تعمل تقرير مشاركة سيئة فورا والمشرف يتدخل
تحياتي
أشكرك جدا للتوضيحاقتباس:
المشاركة الأصلية كتبت بواسطة karim_monir
مع تحياتى
م/عمرو شرف
حبيب قلبىاقتباس:
المشاركة الأصلية كتبت بواسطة aaet1
ابعد عن النقل الله يخليك
انا عن نفسى مش هبص لحد فيهم بعد كده واستنى لحد ما يعدى وامشى بعديه بكيلو :d
تقريبا الحتة دى فيها جاذبية خاصة خصوصا للنقلاقتباس:
المشاركة الأصلية كتبت بواسطة normal
السلام عليكم .... النهاردة وبناء على نصيحة الاستاذ كريم واخوة آخرين فى المنتدى قررت ازور تكنووان واعرض عليهم العربية واشوف رأيهم فى الخبطة واللى ممكن يتعمل، طبعا اخدت عرض منهم، وزى ما قلت سابقا انى كنت زرت مركز تانى من يومين هرمزله بـ (*) واخدت منهم برضه عرض وقررت انى اعرض على حضراتكم العرضين وساعدونى فى الاختيار
1- بالنسبة لحجم المركزين: فالاتنين متقاربين ...يمكن نكنووان اكبر حجما شوية أما التانى فمتخصص بس فى السمكرة والدهان
2- المدة:
مركز (*): هسلم العربية الاتنين الصبح .... هستلمها الأربعاء آخر النهار
تكنو: العربية هتاخد 4 أيام معاهم ولكن ممكن أجيلهم يوم الثلاثاء يخلصوا السمكرو وآخدها وأمشى وارجع السبت للدهان واستلمها آخر النهار
3- اللى هيتعمل: الخبطة زى ما قلت سابقا فى الرفرف الشمال اللى ورا قرب الفانوس
مركز (*): هيترش الرفرف ومعاه العتبة والجزء اللى فوق البابين لانهم موصولين كل ده ببعض زى ماحضراتكم عارفين.
تكنو:هيرش الجزء المخبوط لغاية قرب الباب الخلفى فقط.
4- نوع الدهان: الاتنين بيستخدموا نفس نوع الدهانات الألمانى
5- التكلفة:
مركز (*): 450 جنيه
تكنو: 400 جنيه وممكن يكون فيه لسه الخصم بتاع نايل موتورز على المصنعيات على ما أعتقد
6- المكان: أنا ساكن فى عمارات العبور فى صلاح سالم
مركز (*): فى شارع بورسعيد قرب وصلته مع صلاح سالم
تكنو: فى الحرفيين
إيه رأيكم؟؟؟
مازلت مصر علي ان مركزي اللي فوق السطوح اكبر و اوضح ومنك لربنا ههههههههههههههههههههههههه ههاقتباس:
المشاركة الأصلية كتبت بواسطة aaet1
اخي الفاضل العرضين احسن من بعض بس افضل انك تسأل في تكنوا لو الرش امتد ليغطي كل الاجزاء اللي العرض التاني هيغطيها ده تكلفته كام مع اني متأكد ان كلما قلت مساحة الرش كلما كان هذا افضل عموما بعد كده اسأل علي الخصم بتاعنا وقارن بقه في الفلوس ولا تغفل ان لنا ضهر في تكنوا يعني لو حاجة مش عجباك او التنفيذ مش عارف ايه هب هنا يظهر دور ادارة المنتدي ولا تنسي انهم في تكنوا عارفين اننا نمامين يعني هنقول كل حاجة لاصحابنا فأري ان لتكنوا ميزتين و الرأي الاول والاخير لحضرتك ولك مني خير تحية
م.حاتم السباعي