المصرية ولا فاهمين الساجا من كوز الذرة
عرض للطباعة
المصرية ولا فاهمين الساجا من كوز الذرة
روحت انهاردة توكيل العجوزة ماعجبنيش كلام الاخ اللي هناك
بيقولي 69900 وكان بيقول من اخر الشهر هاتزيد تبقى مش عارف كام وسبعين كدة مش فاكر بالظبط ...
والاستلام بعد 20 يوم انما اللون الابيض ممكن استلمو دلوقتي انما الاحمر - اللي انا عايزو - مش موجود وبيقول الشحنة اللي جاية كلها محجوزة...
المهم بصراحة انا ماعجبنيش كلام الاخ اللي هناك خالص ومحسسني انو بيتكرم عليا وبصراحة معجبنيش خالص اسلوبو على عكس الكلام اللي بسمعو من الاخوة هنا على كمية الاحترام اللي بيتمتع بيه الناس بتوع الوكيل..
ان شاء الله اروح يوم السبت لفرع الصحراوي واكلم الاستاذ محسن صالح على حسب كلام الناس انو راجل في قمة الاحترام وان شاء الله اخلص واشوف هاعرف استلم امتى..
توكلنا على الله
اعتقد كدا انك كلمت واحد كل الناس كارهاه
انا مش فاكر اسمه لكنه اسلوبه مش لذيذ خالص
بالعكس والله انا روحت قبل كدا العجوزه في مهندس هناك كويس جدا بس الصراحه مش فاكر اسموا اكيد انت روحت و كان في مهندس رخم هههههههههههه معلش روح الصحراوي بقس لأستاذ محسن احسن
علي فكره
المصريه دول مش فاهمين حاجه
انا روحتلهم الخميس اللي فات في المرغني قالولي احنا مش بنشتغل في البروتون عشان تقيله في بيعها والسبت اللي بعديه جبت جرنال الاخبار لاقتهم عاملين الاعلانات بتاعتهم وحطين فيه جميع انواع البروتون
ده ايه الهطل ده