حاجة غريبة في سعر الساجا اوتوماتيك في المصرية

**m10_10** · 06-10-2010 10:57 AM

امبارح روحت يا جماعه بروتون اللي في الصحراوي بس كانت الساعه حوالي 7 تقريبا..

انا كنت رايح على اساس اني قريت ان مواعيد العمل من 8:30 ص لحد 8:30 م

طبعا روحت لاقيت الدنيا مقفلة وضلمة يادوب كدة لفيت حوالين عربيتين مركونين كدة ومقفولين..

انا محتار اينعم بينها وبين ال i10 بس بصراحة يعني مادفعش 70الف في عربية 1100 سي سي..

المهم روحت عالمصرية الجديد اللي في داندي مول يمكن الاقيها - انا كنت روحت قبل كدة ومالاقيتهاش - بس روحت وسألت ومالاقيتهاش..

المهم انا كنت سألت واحد من الشباب اللي هناك عنها فبيقوللي انها مش موجودة للعرض دلوقتي .. المفاجأة اني بقولو سعر الاوتوماتيك كام قاللي 65000 ؟؟

طبعا 65000 دي اققل من السعر اللي كونتاكت اللي هو مكتوب بالظبط 68900 يعني زيادة تقريبا 4 الاف جنية

السؤال هنا هل دي اخر موديلات 2010 فعاملين عليها خصم عشان موديلات 2011 ؟؟

تاني حاجة امتى اصلا هاتنزل موديلات 2011 وهل الموديلات الجديدة هايكون فيها حاجة زيادة في الاوبشن ولا تعديلات معينة ؟؟

اسف للاطالة

**mahmoudelmehy** · 06-10-2010 12:40 PM

ما اظنش يمكن هو اتلغبط ما بين المانيوال والاتوماتيك- سعر المانيوال هو السعر ايللي هو قاله لحضرتك
انما الاتوماتيك فهو 69000

وموديل 2011 انا كنت سألت في التوكيل قال هينزل علي شهر 12 - ومفيهوش اي حاجه جديده عن موديل 2010

**m10_10** · 06-10-2010 01:11 PM

اللي استغربتلو انو طلع السعر دة من ورقة معاه ..
حتى انا قلتلو انت متأكد قاللي اه اهو الاوتوماتيك ب 65000 جنية

اكيد فية غلط

**khpopo** · 06-10-2010 02:29 PM

فعلا ده سعر المانيول
بس كانو عارضين فى رمضان قى مدخل داندى مول واحد تبع عز ربنا يكرمك بيها عن قريب
ربنا يوفق

**Ayman_52** · 06-10-2010 02:33 PM

انا بقلق من المصريه دى , بس لو فعــلا دا كان سعر الاوتـو ... اتشيك عليها كويس وتوكل على الله

وربنــا يوفقك للاختيــار الخير يارب

تحيـــــــــــــاتــى

**m10_10** · 06-10-2010 03:19 PM

ادعولي ربنا ييسر الحال وابقا من احدث اعضاء بروتون الجامدين

**Ayman_52** · 06-10-2010 04:17 PM

ربنــا يوفقك يارب , ويسهلك كل عسيـر ويوقفلك ولاد الحلال ويبعد عنك شـر النـاس

ومبـروك مقدمــا , وتستلم على الف خير يارب

واحنـا تحت امرك فى اى استفســار

تحيـــــــــاتــى

**m10_10** · 06-10-2010 06:56 PM

المشاركة الأصلية كتبت بواسطة ayman_52

ربنــا يوفقك يارب , ويسهلك كل عسيـر ويوقفلك ولاد الحلال ويبعد عنك شـر النـاس

ومبـروك مقدمــا , وتستلم على الف خير يارب

واحنـا تحت امرك فى اى استفســار

تحيـــــــــاتــى

الف شكر يا ايمن باشا
انا كنت قريت قبل كدة ان مش عارف بكلم حد معين وبيعملي خصم كدة ولا حاجة ..

حدش يعرف مين دة

**Ayman_52** · 06-10-2010 07:03 PM

ا/محسـن صالح -0105119209-

وتقوله انك من طرف -ايـمـن- , بس الصراحه مش عارف هل فى تخفيض دلوقتى ولا لا ... بس كلمه وشوف كده باردوا

**spiderloking** · 06-10-2010 07:08 PM

لأ لأ اكيد هوه غلط و قالك سعر المانيوال او ممكن يكون مش فاهم انا لما روحت المصريه بتاعت المعادي من فتره كدا قبل ما اجيب العربيه مكنوش عارفينها اساسا انا اللي قولتلهم عليها و جابوها المعرض و الناس بقيت تتفرج عليها و اول مره يشوفوها كان عندي شويه مشاكل تبع البنك عقبال ما خلصتها و رجعت للمصريه تاني قالولي اتباعت ههههههههه بس الحمد لله حجزت واحده تانيه و جاتلي بعديها بيوم