عرض للطباعة
انا بحط Mobil 1 علطول و نادر لما بفحص مستوى الزيت, النهاردة وانا بزود مياه المساحات قولت اشوف بالمرة, لقيتة اعلى من العلامة التانية بحوالى 1 سم, والزيت ده بقالة بتاع 6000 كيلو, يعنى ماشى كل ده و مستوى الزيت اعلى من المطلوب, ده ليه ضرر على الماتور؟, و ازاى ا قدر انقص الزيت الزيادة؟ و شكرا...
تنقصه
تفتح الطبة
تاخد الزيت فى وعاء نظيف
تقفل الطبة
تقيس تانى
لو قل اوى زود من الزيت اللى شلته
هو مرة حصل معايا لما الزيت كان اكتر من المطلوب
البوجيهات عرقت زيت و العربية بقت بتنتش جامد ولا حتى بتسحب
اكيد مع العمر بيهلك الموتور
المشكله الاكبر في ذياده الزيت عن الماكس وهو المفروض يكون تحت الماكس تتمثل في زياده الضغط ونتيجه لذلك هتلاقي تهريب زيت من الاويل سيل الاضعف وكمان زكر بالمنتدي عند وصول الزيت الي الكرنك سوف يقوم بعمل خفق له ويعمل ريم وبزلك يفقد الزيت خواصه لانه بيكون عباره عن ماده ريميه نتيجه لضربات الكرنك المتتاليه له وسوف يشبه البيض المخفوق وطريقه القياس بعد وضع الزيت الجديد يتم تشغيل السياره لمده ۳ دقائق تقريبا ومن ثم اطفائها والانتظار حوالي ۱۰ دقائق وبعدين تقوم بقياس الزيت ويراعي ان تكون السياره في وضع مستوي .
للاسف الشديد معظم الميكانيكية اللى بيغيروا الزيت بيكونوا متخلفين عقليا , عندهم اعتقاد ان الخطر فى نقص الزيت اما زيادته عن الmax فهو امر محمود من وجهة نظرهم , يعنى مثلا عربيتى النوبيرا ما لقيتش ميكانيكى فى مصر ما قاليش انها بتاخد 3.5 لتر زيت مع عدم تغيير الفلتر , 4 لتر فى حالة تغيير الفلتر , و فى الحالتين بالكشف على الزيت بتلاقيه اعلى من الماكس.
حصلت في عربية واحد صاحبي والموتور ولع ( لا قدر الله ) بسبب الضغط والحرارة الزيت ملقاش مكان يتمدد فيه فولع.
أوحش شىء
يعنى زيت ناقص جميل جدا ومقدور عليه
زيت زياده
كذا موال ربنا يستر
يا أخي الكريم
أولا انت فحصت مستوى الزيت امتى وازاي
اصل 1 سم زيادده ده استحاله بجميع المقاييس يكون الماتور مشى ده كله اساسا
فحضرتك قياسة الزيت انك توقف العربيه على ارض مستوية وتترك العربيه حجوالي 15 او 20 دقيقة
وبعد كده تطلع عصاية المقياس وتنظفها جيدا وبعدين تحطها تاني في مكانها وبعد 2 ثانية تطلعها تاني وتشوف القياس اد ايه
العصاية بيبقى فيها علامتين واحده بجوارها f والأخرى l
لو الزيت في كل الأحوال بين العلاميتن اي كان فكده امان
لو الزيت طلع فوق حرف f فده اللي مش امان
ومساوئ زيادة الزيت :
- زيادة في استهلاك البنزين
- عزم اقل للماتور
- لو الزيت زايد قوي يبقى الماتور بالسلامه بعد فتره من الزمن
وان شاء الله خير بإذن الله
ده حقيقى فعلا, فاكر انه زياده مش مشكلة خير و بركه! مع انى و انا و اقف معاه و هو بيغير الزيت ,كان معايا جركن بقية المره الى فاتت, قلتله حط ده الاول و كمل من الجديد و انا كل مره فعلا بعمل كده, لقيتة حط الجديد الاول لمجرد ان هو ما بينه و بين نفسه ميبقاش سمع كلامى, قلتله مش قلتلك حط القديم الاول, قالى بمنتهى الثقه وهو قالب وشه يا باشا هى هى انا عارف انا بحط قد ايه, قولتله بالحرف الواحد بدل ما تحط زياده, قالى لأ متقلقش, و الغريب ان ثقته الغريبه فى نفسه دى هى تقريبا اللى ادتنى احساس انه فاهم و متأكتدش من المستوى إلا بعد كل ده, الحمد لله, فعلا لازم تتأكد من كل حاجة بنفسكاقتباس:
المشاركة الأصلية كتبت بواسطة mr_kenawy
بالضبطاقتباس:
المشاركة الأصلية كتبت بواسطة NoRmAl
شكرا لرد حضرتك, انا فحصت الزيت الصبح و العربيه كانت راكنة و مدارتش من اليوم اللى قبليه و كانت على سطح مستوى و تقريبا قستها اكتر من 30 مره لأنى من قلة حيلتى حطيت علبة المناديل جمبى و كل شويه اطلع المقاس امسحه بمنديل يقوم شايل معاه 3,4, نقط زيت والزياده تقل اى حاجة, واتضح ان عشان الفكره دى تنجح اعدلى بتاع يومين اعمل الحكايه دى, المقاس تقريبا مبيتحركش من مكانه, مقدار الزياده هقيسه باضبض ان شاء الله بس هو بالنظر تقريبا مابين 1 سم و 0.5 سم, و الغريب ان تقريبا مافيش اختلاف كبير فى الاداء, السحب اقل حاجه بسيطه بس كنت فاكر ان عشان بقالى حبه منضفتش فلتر الهواء, بس الملحوظ فعلا و انا بسافر العربية كانت بتجيب 165-170 كم\س اخر مره سافرت كانت 155 - 160 تقريبا و الله اعلم ممكن تكون عوامل تانيه بس انا محسيتش بفرق ملحوظ غير دهزاقتباس:
المشاركة الأصلية كتبت بواسطة أبو عبدالله
ان شاء الله هغير الزيت كله النهاردة لزيادة الإطمئناناقتباس:
المشاركة الأصلية كتبت بواسطة A.Saad
ربنا يستراقتباس:
المشاركة الأصلية كتبت بواسطة Hacker5
اكيد و الا مكانوش عمله علامة full المفروض منزودش عنهااقتباس:
المشاركة الأصلية كتبت بواسطة mr_sameh
غالبا زيادة كبيره اوى يعنى اتملى لحد فم الماتور مثلا, و ربنا يستراقتباس:
المشاركة الأصلية كتبت بواسطة mr_vampire
من احسن الردود بصراحه و سألت مهندس سيارات قريبى و تقريبا قاللى نفس الكلام, شكرا لرد حضرتك وجميع الردوداقتباس:
المشاركة الأصلية كتبت بواسطة naser_56
الله ينور عليكم يا رجالة ونصيحتي لاي حد يغير زيت يقيسو بعد التغير علي طول وهوا عند بتاع الزيت او الميكانيكي
أتأكد أن الزيت مقاسو مظبوط يا باشا .. لأن 1 سم زياده .. معناها 1 لتر زياده