هل الماروتي تستحمل مشوار شغلي يوميا 80 كم رايح جاي ولا كتير عليها
عرض للطباعة
هل الماروتي تستحمل مشوار شغلي يوميا 80 كم رايح جاي ولا كتير عليها
إن شاء الله تستحمل يا باشا
انا بعمل في اليوم تقريبا 80 كيلو على الدائري
ومافيش مشاكل بفضل الله
طبعا تستحمل
فين المشكله
صون عربيتك تصونك
اعمل صياناتها الدوريه وغيرلها فلاترها وبوجيهاتها فمواعيدها واول بأول واظبط كاوتشاتك وتوكل على الله
واهم حاجه الزيت يتغير في مواعيده وانواع نضيفه غير كده متقلقش ان شاء الله
بالتوفيق
ياراجل ده لو موتسيكل يستحمل فما بالك بعربيه
وبعدين حضرتك ماشوفتش منها تاكسى؟
اكيد شوفت وعارف التاكسى بيعمل كام كيلو فى اليوم العربيه ممتازه
ال80كيلو لا تعتبر استخدام لا ي سياره اي كان نوعها
تعتبر استخدام خفيف
80 كم دا استهلاك عادى
السيارة مع الاستعمال الجيد والصيانة المعتادة دون اهمال ممكن تعمل من 150 ألف الى 200 ألف كيلومتر دون حاجة لفتح المحرك
ف ال 80 كيلومتر دول لو قلنا انهم بيتعملوا 5 مرات فى الأسبوع يعنى 400 كيلومتر فى الأسبوع يعنى 2200 كيلومتر فى الشهر يبقى احنا بنتكلم تقريبا فى ستة سنوات قبل الحاجة لاجراء اصلاحات مكلفة ويمكن ان يطول الأمر الى 8 سنوات مع القيادة المعتدلة
النهاردة العربية اللى بقالها 6 سنوات بتتباع ب 24 ألف، احنا هنقول انها هتتباع بعد 6 سنوات بما يقابل النهاردة 22000 ألف مش 24000 ألف، يبقى التكلفة فى 6 سنوات هى 15 الف جنيه يعنى 2500 جنيه فى السنة يعنى 250 جنيه فى الشهر يعنى 8 جنيه فى اليوم، هنضيف عليهم 9 جنيه بنزين يبقى 17 جنيه و 8 صيانات يبقى 25 جنيه، دى تكلفة استخدام السيارة الماروتى ل 80 كيلومتر فى اليوم ، ثلثها انت هتكون دفعته مقدما وثلثها هتدفعه بشكل اسبوعى للوقود وثلثها بشكل ربع سنوى للصيانات ، اما بالنسبة للتحمل فطالما انها مافيهاش مشكلة تخليها تسخن وطالما ان اطاراتك وفراملك ومحركك وآلات جرك بحالة طيبة فلو حابب تعمل بيها 200 كيلومتر كل يوم مش هتقول لا
ربنا يبارك فيك يا أستاذ سبعاوى
مش صعبة ولا حاجة والتكلفة دى يومية لان لو حسبت الزيوت والكاوتش والبطارية والسيور والبوجيهات ألخ على مدى سنوات استعمال السيارة وقسمتها بتطلع قد البنزين تقريبا
وبعدين لو حسبت 80 كيلو ب 25 جنيه ، يعنى المشوار الواحد ب 12.5 ، انت اساس لو عملت ال 40 كيلومتر دول بالموصلات العامة وركبت 3 مواصلات هتدفعلك 8-9 جنيه. مش عايز تركب عربية من الباب للباب واسمك باشا راكب عربيتك وتزود 3 جنيه؟ ناهيك طبعا عن انك لو ركبت تاكسى فى مشوار ال 40 كم دول مش أقل من 50-60 جنيه للفردة الواحدة (40 كم) ، التكلفة كدة بالنسبة للماروتى حوالى 30 قرش للكيلومتر تكلفة كليه وهى تقريبا اقل تكلفة استعمال سيارة فى مصر( عندى التكلفة المتوسطة لاستعمال الكورولا حوالى 60 قرش للكيلومتر)
50 وللتأكيد تعال نحسب تكاليف الصيانة ل 50 ألف كيلومتر
10 عبوات زيت محرك ثمنهم 750 جنيه
5 فلاتر زيت ثمنهم 60 جنيه
4 إطارات ثمنهم 1200 جنيه
بطارية 500 جنيه
3 تيل أمامى ثمنهم 100 جنيه
طقم طنابير أمامى 120 جنيه
تيل خلفى 100 جنيه
تغيير زيت فرامل 30 جنيه
تغيير سائل تبريد 30 جنيه
تغيير زيت فتيس 30 جنيه
4 مساعدين + مقصين أمامين فى افضل الظروف يعيشوا 100 ألف هنقسم ثمنهم على 2 لل50 الف يبقى 500 جنيه
نصف ثمن علبة ديريكسيون 150 جنيه
فانوسين + اكصدام (فى افضل الظروف ، مش هنوسع عن كدة) 200 جنيه
30 بوجيه (3 بوجيهات كل 10 آلاف كم) 210 جنيه
2 ابلاتين + 2 كوندنسر: 80 جنيه
5 فلتر هواء 75 جنيه
طقم سيور 200 جنيه
اصلاحات بالاطارات والجنوط 200 جنيه
5 مرات غسيل للسيارة فى المحطة 100 جنيه
اصلاح شرخ واحد لزجاج السيارة 65 جنيه
3 أطقم مساحات زجاج 100 جنيه
المجموع على مدى 50 ألف كيلومتر 4800 جنيه (مع ملاحظة انى متكلمتش عن اى سمكرة او بوية) ،
تكلفة البنزين للسيارة فى 50 ألف كيلومتر تقريبا 5000 آلاف جنيه لو بنزين 90 او 92
يعنى تقريبا تكلفة الصيانة قد تكلفة البنزين علشان كدة بقول لك كل جنيه بنزين حط جنبيه جنيه للصيانة
طيب يابشمهندس احنا لو بنحط بنزين 80 بحكم خبرتك هل في مشكله عالعربية؟؟
خصوصا ان كذا حد جرب وقال مفيش ادنى فرق وكمان في عربيات اعلى من كده (صني مثلا ) وبيحطو 80
؟؟
متاااااااااااابع الحوار الشامل اللى بالقرش والكيلو و وكل حاجه ....
مستيني انا كمان راي حضرتك ف بنزين 80
انا لغايه دقتي عامل بيه 3700 كيلو
طبعا تستحمل ان شاء الله انا مشوراى اليومى كبير اكتر من 80 كيلو وبتاعتى مستعملة بس خد بالك تحافظ عليها
العربية نسبة انضغاطها مش مرتفعة وطالما انك بتقدر تظبط الكهرباء بتاعتها على وضع مستقفش فيه مع بنزين 80 استعمله، مع الاهتمام بتظيف الكاربراتير كل فترة
لكن لو بتحط بنزين 80 والعربية بتسقف منك فهنا منقدرش نقول ان(ماشية ومفيش مشكلة) ، لأ هى ماشية وفيه مشكلة ضخمة لأن التسقيف بيقصف عمر الموتور بدرى
بعنى بالمختصر التسقيف هو الفيصل، بتسقف متحطش 80 مبتسقفش حط 80
اتثل شويه ع الغيارات ظبط الكهربا هتكون تمام
يعني الاول لحد 20
و التاني لقبل ال 40 بحاجات بسطه نقول 30 حتي
و التالت لحد ال 50 او اكتر معاك لل 60
و بعدها الرابع
طب انا عندي بتظهر لما بقرص جامد ع غيار بس لما بحس بكدة بشيل الحمل ع طول مع الدواسه
يعنى باختصار بدال فى 80 يبقى تدي غيار حقه وبهدوء ودة علشان ماتسقفش كتير
واذا سقفت فترة وشلت حمل وبدائت فى التزودي بشويش يبقى تمام ولا ايه ياكبير...
انا بحط 92 ولا اسمع صوت تسقيف نهائيا لا مع حمل ولا فى مطلع ولا مع قرص ولا مع الحر ولا مع تحميل العربية ولا اى شئ ، اللهم إلا لو حصلت تفويلة من محطة بنزينها فى نسبة مية ودى انا بحاول اتلافاها قدر الامكان
لو هتحط 80 أخر الكهرباء وحاول متسمعش تسقيف ابدا، انت بتكون عارف العربية هتسقف امتى ، سايسها انها متسقفش، لكن اوعى تعود نفسك انها ممكن كل شوية تسقف فى اول الغيار مرة وللا اتنين ومش مشكلة، لأ هى مشكلة
تسلم يا كبير,,,, والله مستعان ,,,,
أسلام عليكم
يا أستاذ سبعاوى
أرجو النصيحه
ناوى اجيب إنشاء الله الماروتى
وكنت بفكر اجيبها إستعمال
وكنت ناوى على حاجه تكون كسر زيرو في رنج 25000 موديلات 2008 أو 2007
إيه رأيك و لا ماتفرقش اجيب حاجه موديل اقل في رنج 18000
برجاء الإفاده أفادكم الله
أستاذ / سبعاوى المحترم
أنا باحط زيت موبيل XHp 5000 بسعر 115
ممكن أحط حاجة أوفر بس بكفاء كويسة ؟؟
تمام اتمام اوفر واجود...؟