السلام عليكم
انا عندى الفرامل ضعيفة وهغير التيل والطنابير
تنصحونى باى نوع وعاملين كام
ويكون نوع نضيف و ومش غالى اوى
فى انتظاركم
تحياتى
عرض للطباعة
السلام عليكم
انا عندى الفرامل ضعيفة وهغير التيل والطنابير
تنصحونى باى نوع وعاملين كام
ويكون نوع نضيف و ومش غالى اوى
فى انتظاركم
تحياتى
أفضل انواع الطنابير هي الطنابير البريمبو الالماني وتمنها 175 الى 180 جنيه , بس ياريت تلاقي الاصلي
وهات معاهم طقم تيل كوري اصلي في حدود 90 جنيه تقريبا , وكده يبقا تمااااام اوي
و ممكن تجيب التيل الياباني لكنه اغلى شويه , في حدود 130 جنيه تقريبا
ولو عندك جنوط اسبور او حديد (14 فيما فوق) وامكانياتك الماديه تسمح , يستحسن تعمل التعديل ده :-
http://www.nilemotors.net/Nile/102600-a.html
وده نفس التعديل
http://www.nilemotors.net/Nile/103361-a.html
ولو في امكانيه كمان اعمل ده :-
http://www.nilemotors.net/Nile/102608-a.html
وكده يبقا انت عندك فرامل مش موجوده عند حد تاني غير اعضاء نايل موتورز :-)
ونصيحه اخيره , ابعد عن الطنابير الصيني , والـ sk الالماني (لانها مش الماني) وبتبوظ بعد 5000 كم من الاستخدام , بتعمل عالى و واطي
بالتوفيق ان شاء الله
متجبش التيل الكورى العادى توكل على الله وهات الاصلى الفرق فى الفرامل يستاهل ال 60 جنيه الفرق
ان شاء الله اجيب الطنابير البريمبو الالماني زى ما قولت يا استاذ محمد لان انا معنديش جنوط
بس مش عارف اية الفرق بين التيل الكورى الاصلى اللى ب 90
والتيل اليابانى اللى ب 130
يعنى بيعيش اطول مثلا ولا فى الفرامل بيكون احسن
ولا مفيش فرق بينم
ارجو التوضيح
وبشكرك كل الشكر استاذ محمد على مساعدتك الدائمة للجميع
انا تحت امرك يا استاذ طارق
وانا شخصيا محاولتش ادقق مع الفروق بين انواع التيل وبعضها , لكن على ما اظن الفرق بيكون في جوده الخامات المصنع منها التيل
وده بيفرق في العمر الافتراضي للتيل وكمان كفاءته
يعني مثلا معدل تأاكل التيل الجولد الكوري اسرع بكتير مع معدل تأاكل التيل الكوري الاصلي , وده اللي بيخلي التيل الاصلي يعيش اكتر , وده بناءا على تجربتي لـ التيل الجولد والتيل الاصلي
وكمان مثلا بتفرق في تيل ناشف وتيل حنين على الطنابير , يعني انا مثلا جربت مره التيل الجولد ده و من حظي الكويس والحمد لله طلعتلي علبه فيها تيل مضروب , والتيل كان عامل زي الصخر وبوظلي الطنابير (نحتها)
وبردو في تيل كفاءته بتقل مع الإجهاد الحراري والاستخدام المستمر والمتلاحق للفرامل , وده بيأثر على كفاءة الفرامل , وفي تيل بيتحمل اي عوامل وكفاءته بتكون ثابته من اول المشوار لنهايته
انا شخصيا مجربتش غير التيل الجولد , والاصلي , وحاليا راكب عندي الاصلي , وكلامي كله من واقع استخدامي الشخصي
وبردو عشان حضرتك تكون عارف لو هتشتري الاصلي , التيل الكوري الاصلي بيكون ضهر التيل لونه اخضر غامق
انا بستعمل الريمسا طنابير و تيل
بصراحة ممتازين جدا
بس خالى بالك لان فية منة مضروب
الطنابير الريسما ميه ميه هتلاقيها 200 جنيه تقريبا انا عن نفسى مركب طنابير اصليه الاتنين 500 جنيه وتيل اصلى gm
هتلاقيه 150 جنيه ابعد عن الصينى ابو 120 جنيه دة زباله
شكرا لتواجدكم الجميل
وان شاء الله اجيب التيل الكورى الاصلى
فى حاجة تانى ممكن تتعمل مثلا زيت الفرامل فى زيت نوعوا كويس ولا اى مش فارقة ؟