اى المحركين اقوى و لماذا؟؟

**midoelking** · 08-10-2010 06:04 PM

بص يا كبير ال 1300 اقوى عشان 2 كام يعنى بمثابة محركين فى بعض و الصبابات بتفرق فى كمية الهواء و الوقود الداخلين للمحرك بعنى لما عدد الصبابات بيزيد المحرك قوته يتزيد

**SkyBird** · 08-10-2010 07:24 PM

سمعت ان الكاربارتير بيخلى الموتور يطلع قوة اكثر من الانجكشن
هل ده صحيح ؟

**MNabeih** · 08-10-2010 08:05 PM

المشاركة الأصلية كتبت بواسطة semsem kane

قوة الماتور بتحدد عند حاجات كتير مش عدد الاحصنة بس

اولا : القوة الحصانية : وهية ماينتجة المحرك من القوة الناتجة من العلاقة بين عزم الدوران وقوة دوران المحرك وهية قوة يتم قياسها نتيجة عدة حسابات معقدة وعشان اسهلها عليكما القوة الحصانية =عزم الدوران (رطل/قدم) × عدد دورات المحرك(دورة/دقيقة)] ÷ 5252 والرقم دة ثابت على فكرة بس محدش يسالنى هو جية ازاى هو احنا عرفناة كدة

ثانيا : العزم :

وعزم المحرك مهم جدا انة يكون عالى عشان يقدر يجر العربية من الثبات بسرعة وخفة وبيتم قياس عزم المحرك من القوة التى نحصل عليها من عد لفات الكرنك

ثالثا : السعة اللترية :

السعة اللترية لاى ماتور بتتحدد عن طريق كمية الوقود اللى بتاخدها غرف الوقود الموجودة فى المحرك اثناء شوط السحب وطبعا بياخد نسبة من خليط الهواء والبنزين وبيختلف السعة اللترية لاى ماتور على حسب قطر الغرفة (البستم)

يعنى بالبلدى كدة لو ماتورك سعتة اللترية 1300 سى سى يبقى بياخد قدهم مثلا بمعدل تقريبى خليط هواء وبنزين داخل البستم وبعد كدة البوجية يدى الشرارة الكهربائية بتاعتة عشان تحدث عملية الانفجار

فى النهاية عشان تاخد ماتور قوى لازم يكون معادل مابين العزم والقوة بقدر الامكان
لانك عشان توصل لتوب سبيد من ماتور القوة الحصانية فية عالية عن العزم يبقى هتاخد وقت

يبقى لازم يكون الماتور متوافر فية عزم لان ماتور عزمة قوى معناة عمر اطول للمحرك لانك بتاخد قوة الماتور من غير ماتضغط علية

وبردة خلى بالك ان الفتيس لية عامل كبير جدا فى الوصول للسرعة القصوى للعربية بسرعة

الله ينور.

**MNabeih** · 08-10-2010 08:42 PM

معلومة صغيرة,
في التسارع, كل ما اقصى عزم كان عند rpm عالي كل ما كان التسارع افضل بس علي حساب عمر الموتور.
يعني لازم تحرق علي الغيار عشان تحصل علي افضل تسارع(بتبقي النقلات طويلة و في سحب لاخر الغيار),
في حين لما بيكون اقصى عزم عند rpm واطى, ما بتحرقش قوي علي الغيار بتنقل عند rpm واطي(عمر اطول للموتور) بتاخد عزم الموتور كله عند rpm واطي (في الشد ما بتستناش لحد اخر الغيار لأن ببساطة مالهوش لازمة انت خلاص اخدت عزم الموتور)
و بردو الgear ratios بتفرق جامد.
و في الحقيقة اللي بيخلي العربية اللي عزمها عند rpm عالي احسن من العربية اللي rpm واطي, ان الاول ممكن مثلا التالت يجيب معاه 140 و التاني عند 140 بيكون خلص الرابع, يعني لو واحد محترف في النقلات تبقي العملية مافيش فرق بالعكس ساعتها هايكون التاني موتوره يعيش اكتر!!!!!
و الله اعلم.
تحياتي.

**husseinthemaster** · 09-10-2010 04:36 PM

تمام الموضوع جميل جدا

**essamenen** · 09-10-2010 08:44 PM

الى بيتحكم فى عزم الدوران هو طول مشوار البستم وتصغير القطر لو العربيه cc 2000 يبقى حجم الازاحه الواحد 500 cc ممكن نتجكم اثناء التصميم اننا نطول مشوار الشوط ونصغر قطر الاسطوانه زى المرسيدس 200 موديل 80 الاول ممكن نجيب بيه لحد 60 ك \س لاكن معظم العربيات 2000 cc الاول بيجيب لحد 30 ك\س مع انها نفس حجم الماتور وهو ده عزم الدوران .لاكن مش شرط يبقى الماتور يستهلك لو عزم الدوران عالى

المشاركة الأصلية كتبت بواسطة MNabeih

معلومة صغيرة,

في التسارع, كل ما اقصى عزم كان عند rpm عالي كل ما كان التسارع افضل بس علي حساب عمر الموتور.
يعني لازم تحرق علي الغيار عشان تحصل علي افضل تسارع(بتبقي النقلات طويلة و في سحب لاخر الغيار),
في حين لما بيكون اقصى عزم عند rpm واطى, ما بتحرقش قوي علي الغيار بتنقل عند rpm واطي(عمر اطول للموتور) بتاخد عزم الموتور كله عند rpm واطي (في الشد ما بتستناش لحد اخر الغيار لأن ببساطة مالهوش لازمة انت خلاص اخدت عزم الموتور)
و بردو الgear ratios بتفرق جامد.
و في الحقيقة اللي بيخلي العربية اللي عزمها عند rpm عالي احسن من العربية اللي rpm واطي, ان الاول ممكن مثلا التالت يجيب معاه 140 و التاني عند 140 بيكون خلص الرابع, يعني لو واحد محترف في النقلات تبقي العملية مافيش فرق بالعكس ساعتها هايكون التاني موتوره يعيش اكتر!!!!!

و الله اعلم.
تحياتي.

**MNabeih** · 09-10-2010 11:01 PM

المشاركة الأصلية كتبت بواسطة essamenen

الى بيتحكم فى عزم الدوران هو طول مشوار البستم وتصغير القطر لو العربيه cc 2000 يبقى حجم الازاحه الواحد 500 cc ممكن نتجكم اثناء التصميم اننا نطول مشوار الشوط ونصغر قطر الاسطوانه زى المرسيدس 200 موديل 80 الاول ممكن نجيب بيه لحد 60 ك \س لاكن معظم العربيات 2000 cc الاول بيجيب لحد 30 ك\س مع انها نفس حجم الماتور وهو ده عزم الدوران .لاكن مش شرط يبقى الماتور يستهلك لو عزم الدوران عالى

انا بصراحة مش فاهم اة علاقة الكلام دة باللي انا بقوله, و بعدين انت بتقول ان معظم المواتير ال2000 بيجيب 30 كم في الساعة علي الغيار الاول,بسسسسس!!!!!!!!!!!!!!!!!!!!