اول حاحجتين بعد القسم هعملهم الاهتمام
اولآ :- بميزانيه التعليم وتظبيطها تظبيط كلي وجزئي ممهما خدت
ثانيآ : الاهتمام بالبحث العلمي واوجه لوه ميزانيه محترمه
ثالثآ :- الصحه تظبيط ميزانيه الصحه والتعامل مع المواطن علي اساس انه انسان
اول حاحجتين بعد القسم هعملهم الاهتمام
اولآ :- بميزانيه التعليم وتظبيطها تظبيط كلي وجزئي ممهما خدت
ثانيآ : الاهتمام بالبحث العلمي واوجه لوه ميزانيه محترمه
ثالثآ :- الصحه تظبيط ميزانيه الصحه والتعامل مع المواطن علي اساس انه انسان
كلام رائع وردود تستحق التحية
لكن ....
الغريب بقى ان كل الحكام كانو بيقولو نفس الكلام قبل ما يبقو حكام ........
واول ما يركبو ....... الكلام كله بيتغير
الكرسي له فعل السحر
وللأسف .... للأسف فعلا :Zb_sor1[1]:
دي طبيعة سائدة في المصريين ..... في الغالبية العظمى من المصريين ..... لما بيتحكمو في بشر ..... بيفترو ..... حتى على بعضهم
حتى في الوظائف العامة والخاصة كذلك
تلاقي الواحد من دول برة الوظيفة ملاك ... وبيقول نفس الكلام اللي احنا بنقوله
لكن لما بيتعامل مع الناس او الجمهور اللي بيتحكم فيهم من واقع وظيفته ..... بيبقى فرعون
أقسم بالله العظيم أن احافظ على الكرسي الجمهوري
و وحياة الإخوة هاحافظ على الدستور و القانون
بص يا باشا انا لو اشتغلت في Team بحكم طبيعة شغلي و كنت Leader فيه بحاول محسسش اي حد اني ريس عليه و بحاول اخليهم يعملوا اللي المفروض يتعمل و بمزاجهم مرة شدة و مرة لين مرة هزار و مرة كلام في العضم بس الحمد لله مفيش اي حد من اللي اشتغلت معاهم او اشتغلوا معايا الا و اصحاب الحمد لله
اللي اقصده هو ان بالكلمة الطيبة و انك تسمع اللي قدامك و تقدره هتقدر تاخد عينه الكلام ده بيبقى على مستوى كام بني ادم مبالك بقى بشعب 80 مليون طيب زينا و كل طموحاتو انو يتعامل كانسان و يشعر باداميته
و زي ما استاذة نور قالت ان اللي يتقي ربنا و يبقى عارف انو شايل مسئولية شعب و هيتسئل عن واحد واحد فيه يوم القيامة صدقني مش هيعرف ينام غير لما الدنيا تتظبط و انو يكون مظلوم مش ظالم
لو قدامى فعلا انى اكون رئيس جمهوريه عمرى ماهقبل لانى مقدرش اشيل مسئوليه كبيره جدا زى دى وخصوصا فى الزمن دا.. كدا كدا فى النهايه هلاقى نفسي خسران
اللي اقصده يا نور
ان الشعب بيشتكى ويتباكى على العدل المسلوب ....والحق المنهوب
لكن نفس الاشخاص لما بيبقو في موضع يتحكمون فيه في الآخرين الامر بيختلف تماما ....مفهوم العدل والظلم بيتغير تماما .....
شوفي اي موظف ولو بتاع امن في اي جهه حكومية
ح تلاقية برة شغله زي ما كلنا بنتكلم ....... غلبان ومظلوم ونفسه العدل يتحقق والمساواة بين الناس تتطبق
لكن شوفيه بقى لما ربنا بيعطيه سلطة للتحكم في اي بشر ....... بيبقى واحد تاني تماما حتى الابتسامة في وجه أخيه بيستخسرها
انا مش عاوز اعمم ...... لكم دي النسبة الطاغية فينا ...... للأسف
وده عن مشاهدات وتجارب
إنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
والله يا حاج احمد انا مشفق على الرئيس القادم اياً كان مين هو, لكن فعلاً
صعبان عليا جدااا, الراجل ده هيكون بصدد مشاكل كتييييييير و ابرزهم...
1- يصلح اخطاء من سبقوه, و يقضي على الفساد و الفوضى اللي تسببوا فيهم
2- يبدأ بعدها يصلح الاخطاء و الفساد العادي و اللي موجود في اي دوله
المشكله الاكبر بقى و اللي هتصعب عليه الامور, ان نسبه كبيييير جدااا
من الناس اتعودوا على الفوضى و الرشاوي و المحسوبيات و الفساد......
كما لو انه جزء طبيعي و عادي من الحياه اليوميه لكل مواطن, و صعب تغيره
لكن مش مستحيل, و ده هيعتمد على مدى ارادة الشعب في التغيير (للاحسن)...
البلد فيها كم هائل من المشاكل (الحرجه) و الضخمه, و مش من السهل
علاجها, و لو تم عمل خطة لعلاج المشكلات دي والاصلاح, مش هتكون
باي شكل من الاشكال اقل من 15-20 سنه.... و ربنا يدينا طولة العمر
البنيه التحتيه محتاجه عملية احلال و تجديد لانها على اساس هش و عشوائي
حقيقي البلد في مرحله حرجه و صعبه و غير مبشره بخير, و وصلنا
لنقطة انقلاب الـCurve... اما للافضل... او للاسوأ و عليه العوض في البلد كلها
انا شخصياً بكره اصلاح ما افسده الاخرون لاني لو قبلت ده, بكون للاسف
مسؤل تماماً قصاد الناس على اصلاحه كما لو اني انا اللي افسدته بنفسي,
و الناس مش هتفتكر ان ده كان بسبب اللي فاتوا, لأ.... هيفتكروا بس
ان انت الرئيس الحالي, و انت المسؤل قصادنا عن تحسين الاوضاع و الاصلاح
حتى في شغلي... العامل يقولك انا عندي اشتغل من الاول على نظافه
في مساحه اضعاف المساحه دي, ولا اني اعدل او اغير متر واحد في شغل
حد قبلي كان غلط او بدون ضمير, و لو قبل ياخد منك ضعف اجره العادي,
و بردو مش بيطلع الشغل سليم 100%, و ده لان اللي قبله اسس غلط..!!!
حتى انا عندي مبدأ في شغلي, اني مش بدخل على شغل غيري مهما كان
مكسبي في العمليه دي كام, لان اكيييد هدفع في المقابل مجهود و فلوس
اكبر بكتييير من العائد اللي هيعود عليا... و بردو هكون انا الخسران
لاني في الاخر هيتقال ان انا اللي عملت الشغل ده, و للاسف مش سليم 100%
و مش بالجوده المعهوده عني في شغلي و المعروفه عني كسمعه... يبقى ليه؟؟؟
و الله البلد بقت محتاجه معجزه علشان حالها يتصلح, او ان كل الناس
تتحد و يقرروا يصلحوا من نفسهم و سلوكهم, و يكونوا اساس الاصلاح...
لنا الله...