المشهد ..... نهار خارجي
المكان .... مجلس الشعب
الزمان ..... في يوم ما ........ قبل يوم القيامة
الشخص .... انت
"أقسم بالله العظيم أن أحافظ على النظام الجمهورى وأن أحترم الدستور والقانون، وأن أرعى مصالح الشعب رعاية كاملة، وأن أحافظ على استقلال الوطن وسلامة أراضيه".
بعد ان أديت القسم واصبحت رئيسا للجمهورية ....
ح تعمل اية لو بقيت رئيس الجمهورية
بس من غير تجاوزات عشان الموضوع ما يتقفلش
" هحافظ علي النظام الجمهوري و هحترم الدستور و القانون و هرعي مصالح الشعب رعاية كاملة
و هحافظ علي استقلال الوطن و سلامة اراضية "
انا عارف ان اللي هعملوا صعب و محدش يقدر علية بس ادعولي اقدر اعملة
اول حاجه هاعملها افتح حسابين تلاته فى سويسرا علشان احول عليهم الغله
اعتقد ان ده الطبيعى
و الله أنا كنت حاطط برنامج كامل للإصلاح ... بس عشان هو كبير ... حاولت أفكر فى كيفية تنفيذه ..
لقيت الموضوع ده هيستغرق حوالى 20 سنة مجهود متواصل ...
أنا مقدرش أتحمل مسئولية زى دى حاليا .. فالتفكير فيها بيتعبنى
ما تبدا انت يا حاج احمد
انا عن نفسي هتنحى عن منصبى بعدها على طول...لان مقدرش اتحمل مسؤوليه ملايين من البشر...و مش هقدر اصلح ما افسده من قبلى فى عشرين سنة.
هو ممكن يا حاج احمد ان تعالج واحد مدمن بقاله عشرين سنة بيتعاطى المواد المخدرة والمسممةفى يوم وليلة...البلد دى بقى عبارة عن.............................................. ..................
بس دى مسؤوليه لا يتحملها بشر....و خصوصا فى الوقت الحالى....وربنا يستر و يولى من يصلح
ح اغير الدستور ان الرئيس يقعد مدتين فقط .... ويمنع ترشيح اقاربه حتى الدرجة الثالثة بالوظائف القيادية بالدولة الا بعد خروجه من السلطة بكام سنةاقتباس:
المشاركة الأصلية كتبت بواسطة ASKAFRAWY
واضع حد اقصى( مبلغ محترم مش اي كلام ) للدخل لموظفي الدولة ( للدخل كله مش للمرتب الاساسي .... فاهمني ):ma:
وانزل بنفسي كل يوم ساعة او ساعتين متنكر الى الشوارع علشان اشوف بنفسي البلاوي اللي بتحصل
وامنع العزايم والولائم اللي بتتعمل على نفقة الدولة
وامنع اي مواكب للمسئولين .... يمشو ف الطريق زي باقي خلق الله
واضاعف ميزانية التعليم 30 مرة
....
و....
و.....
وبعدين اصحى م النوم
هصوم 3 ايام بعدها وعيش بقي يامعلم. ولو حد قالي انتا اقسمت هقوله لاء متقلق منا صومت.
و هتجيب الفلوس منين؟؟؟ ما هو المشكلة مافيش :ma:اقتباس:
المشاركة الأصلية كتبت بواسطة aif
يا سنة سوخة يا ولاداقتباس:
المشاركة الأصلية كتبت بواسطة mr_vampire
ده انت ناوي بقى ...... :ma::ma:
انا اول حاة هعملها هلغي القسم
علشان اعفي اللي جيين بعدي من الاحراج وتحمل وزر الحلفان
ماهو لما اعمل حد اقصي لدخل موظفي الدولة ...... الفلوس ح تبقى موجودةاقتباس:
المشاركة الأصلية كتبت بواسطة seiffoz
اصلهم هما اللي مخلصينها ....اي وكيل وزارة او رئيس مصلحة او لوا جيش او شرطة او مدير امن ... بيلهف مالا يقل عن ارنبين كاملين .... ناهيك عن مصاريفهم والبذخ الحكومي اللي عايشين فيه
حا استقيــــــــــــــــــــ ـــــــــــــــــــــــــ ـــــــــــــــــل
- أول شئ أحدد لنفسي زمن محدد للتنازل عن السلطة و أكتب رسالة لنفسي لأقرأها في تاريخ التنازل (يمكن تفوقني لو ضليت)
- نبدأ التغيير في خطة محددة طويلة الأمد أولها
- تصعيد كوادر محترمة و ده حيحتاج خطة صبورة من الإحلال البطئ و المنسق كأن أغير الوزارة كل سنة مع تخفيض أعمارهم من الخمسينات في السنة الأولي للاربعينيات في السنة الثانية بنسبة 50% للثلاثينيات في السنة الثالثة بنسبة 25 % للثلاثينيات في السنة الرابعه بنسبة 50% - الغرض من ذلك تبديل الأجيال حتي نصل لجيل لم يتعايش مع الفساد
- إعلان الحرب علي الإكراميات و الرشاوي اللي مغرقانا و تغليظ العقوبات
- وضع جهة إدارية لمتابعه و رقابة جهاز الشرطة أداءا و مظهرا في الشوارع
- رفع الحالة المعنوية للجيش بالاهتمام بالتدريب الفردي البدني و العلمي و تشجيع البحث العلمي و تجارب التصنيع العسكري للسلاح التقليدي
الموضوع كبير بس دي المبادئ و هكذا ، قصة طويلة أرجو أن أموت دونها أو حتي بالقرب منها
حتى لو وفرنا كل ده ... مافيش موارد للدولة ... لا صناعة نضيفة ولا زراعة ...اقتباس:
المشاركة الأصلية كتبت بواسطة aif
الموضوع محتاج خطة ... و لازم الشعب كله يعيش على التقشف لفترة
ده فرصة بعجوة يامعلم وطبعا كلنا عارفين ان بالفرصة مبتجيش للانسان غير مرة واحدة ولازم ينتهزها ويستغلها الاستغلال الامثل وعلي اكممممممممممممل وجه.اقتباس:
المشاركة الأصلية كتبت بواسطة aif
ماهو الاس لما تحس انها بطلت تتسرق وان فيه امل للأحسن .... اكيد الامور ح تختلفاقتباس:
المشاركة الأصلية كتبت بواسطة seiffoz
الكارثة دلوقت بقت اليأس والاحباط واللامبالاة وعدم وجود انتماء ولا حس باي مسئولية او وطنية
لما يبقا فيه قدوة .... الناس ح تتغير بالتدريج
الناس على دين ملوكهم
كلام حضرتك منطقى جدا ... و مقنع ...اقتباس:
المشاركة الأصلية كتبت بواسطة aif
طب أنا عندى إستفسار تانى ...
تفتكر حضرتك لو بقيت الرئيس ... أمريكا هتسيبك ؟؟؟ ولا ناوى تعمل معاها إيه ؟؟؟
و الله العظيم يا باشا لسة كنت بفكر في الموضوع ده النهاردة بس خفت قوي من لأني لو بقيت مكان الريس دي مسئولية ضخمة بجد و هتسئل على كل عيل ماشي في الشارع و كل نملة يوم القيامة بس الملحوظ هيبقى اني هبدأ ارسي شوية مفاهيم زي مثلا احترام القوانين و اللي يخالف يتعاقب فعلا و مفيش حد اعلى من الثاني القانون يطبق عليا قبل ما يطبق على الشعب
جهات رقابية على كل اجهزة الدولة لضمان عدم وجود رشاوي ولا محسوبية
التعليم التعليم التعليم التعليم التعلييييم هو ده اللي هيرفعنا ان شاء لله هبدأ بطلبة ثانوي مع الجامعة و خصوصا كليات تربية علشان دوول اللي هيخرجوا للاطفال الصغيرة و يحاربو حالة السواد اللي موجودة دلوقتي في البلد و و بالتالي يطلع جيل محترم و بييفهم مش جيل اي كلام
هيبقى فيه رقابة على اللي بيتعرض في التلفزيونات و اللي بيتقال فيها
هخلي مصر كلها باشارات بتوقيت علشان الدنيا متتزحمش بشكل كبير يهني تبقى زي وسط البلد كدة و كاميرات مراقبة علشان المخالفات و متابعة الطريق و التحرك السريع في حالة اي اختناقات
هظبط الجهات الخدمية و الطوارء زي الاسعاف و المطافي و الدفاع المدني كلو
هحسن من مستوى المستشفيات الحكومة علشان الغلابة يتعالجوا بقى لأنهم شبعوا قلة قيمة و عنتظة من ناس متستاهلش و قلة ضمير
هحاول ارفع قيمة الجنيه المصري مقابل الدولار من خلال مثلا اني اخلي التعامل مع الدول الاجنبية يبقى بالجنيه في قناة السويس مثلا
هشجع التعليم الصناعي علشان نبدأ ننتج و نصدر و تبقى حاجات عليها القيمة
هعمل وزارة اسمها وزارة رعاية الاختراعات و المخترعين و اي حد عنده فكرة مهما كانت صغيرة يقعد مع ناس بتفهم و يحاول يخلو الفكرة البسيطة دي فكرة كويسة و يتوالوه بس ده طبعا في الوقت الحالي هيبقى من خلال رجال الاعمال
هشجع رجال الاعمال انهم يساعدو الشباب الصغير مساعدة بجد مش كلام جرايد مقابل تخفيضات في ضرايبهم علشان انهي البطالة او اققللها و اجيب موارد تصرف على الكلام ده
هخلي المعاش بتاع الناس الكبيرة في السن يوصل ليهم لحد عندهم او على الاقل في الشارع بتاعهم و هرفعوا علشان الناس دي هتكون خدمتنا بقالهم على الاقل 35 او 40 سنة و من حقهم علينا اننا نريحهم
هرجع تسعيرة الخضار و الفاكهة و اللحمة زي زمان
هعمل ضريبة رفاهية على اللي عندو اكثر من خط موبايل لنفس الشخص زيو زي العربيات هو خط واحد كفاية عاوز اكثر ادفع الا لو كان لشغل بيدر دخل على البلد
هرفع من شأن عسكري المرور و هفجر كل امناء الشرطة و كل سنة يبقى ليهم تحليل نفسي و اجتماعي و لازم يكونوا متعلمين و طبعا مش هنرمي الموجودين دلوقتي في الشارع لأ هنعلمهم و ندربهم و نمتحنهم اللي ينجح يعدي و اللي ماينجحش نحاول نوجد له بديل
مش هاخد تقاريري من الحكومة بتاعتي و بس لأ ده انا هخلي ليا ناس جوة و برة يجيبولي اخبار البلد و اللي الناس بتقوله مش علشان اعتقلهم ولا اعاقبهم لأ علشان احقق مطالبهم المعقولة
هعمل مؤتمر شعبي كل فترة بيني و بين الاناس علشان اشوف البلد رايحة لفين من وجهة نظرهم
اييييييييي انا شكلي وقعت من على السرير بس فعلا انا نفسي في الكلام ده انو يحصل و ان البلد دي تبقى احسن بلد في الدنيا دي كلها و الشعب المصري بدل ما كرامته متهانة جوة و برة بلده لأ يتشال على الراس جوة بلده و براها كمان
عارف ان اللي بقوله ده المدينة الفاضلة بس لازم نحلم علشان نحقق الحلم ده في يوم من الايام
أول حاجة هاعملها .. هالغي اشتراك المترو :)
واحشنا يا أستاذنا والله :)
ممممممممممممم هصوم برضو ثلاث ايام:d
و اعين نفسي القائد الاعلي لكل حاجه في البلد يعني جيش شرطه مطافي اسعاف اي حاجه هبقي انا القائد بتاعها و بعدين اغير النظام من جمهوري لملكي بقي و اعييييييييييييييييييييش
رجاء فقط عدم تجاز الخطوط الحمراء لعدم حذف الموضوع
حاطبق الشريعة الاسلامية
حاقفل مصلحة الضرايب
حافتح بيوت للمال و الزكاة
تغيير الدستور بالكامل بدل من عمليات الترقيع و العك اللى معمول فيه دلوقتى
اقصى مدة للحكم حاتكون مدتين و المدة 7 سنيين
اعادة النظر فى مجانية التعليم
تنفيذ مشروع منخفض القطارة
وقف تصدير الغاز لاسرائيل
تخفيض حصة الشريك الاجنبى فى مشروعات الغاز و البترول
بيع صحيفة الاهرام و الجمهورية و الاكتفاء بجريدة واحدة كجريدة قومية (لزوم الكشف عن المنافقين و اعتقالهم )
وقف برنامج الخصخصة
زرع القمح اجبارى على كل مستثمر يمتلك اكتر من 20 فدان بواقع 2 فدان على كل 20 فدان يعنى 10 % من المساحة
عودة التسعيرة للاسواق
ممم ده اللى فى دماغى دلوقتى
1- هعين رئيس وزراء ومجموعة وزراء اقل عدد ممكن
اكون ضامنة نزاهتهم وهراقبه في نفس الوقت
2- هاهتم بالزراعة وخصوصا السلع الاستراتيجية زي القمح والارز والقطن
3- اول ما يكون عندي اكتفاء ذاتي من المحاصيل الاساسية همنع اي استيراد من الخارج وخصوصا امريكا
4- هالغي مرتبات الموظفين وهاخلي الفلوس بنظام العمولة بمعنى فلوس على اد انتاجك وجودة انتاجك
5- هأمم اي اراضي اتباعت بتراب الفلوس لاي مصري او اجنبي
6- هاطبق حدود الشرع ( السارق تقطع يده ) على سبيل المثال
7-هظبط المناهج التعليمية بمعنى ان الخشو الفاضي للمناهج يتلغي وكل طالب يدرس المواد اللي تؤهله للكلية بس
يعني مش يبقه واحد عايز يدخل تجارة واخليه يدرس جغرافيا !!!
8- هعمل تخطيط جديد للمدن وهانقل كل المصالح الحكومية للمدن الجديدة
9- هاقنن الاسعار بتحديد هامش ربح معقول وهامنع الاحتكار
تعبت انا هاستقيل وحد غيري يكمل ...........
يااااااااااااااارب ماتكتبها علي
انا ابقي مرئوس ومابقاش رئيس
هقول برنامجى الإنتخابى ..
بالنسبة للتعليم:-
1- إستيراد نظام التعليم المانى أو الأمريكى .. إستيراد كامل ... مع حذف الأجزاء التى لا تنطبق مع العادات و التقاليد .
2- جعل التربية الدينية مادة أساسية و رئيسية .
3- تدريب المدرسين على تدريس المناهج . ( حتى خروجهم من الخدمة كحل مؤقت )
4- إستيراد نظام جامعى جديد بالكامل ألمانى أو أمريكى بالمدرسين الأجانب .. و إدارة أجنبية ( تمنع إدارة مصرية من الجيل الحالى) .. و يتم تدريب الشباب الخريج الجديد من النظام التعليمى الجديد على الإدارة .
5- لا لمجانية التعليم الجماعى .. 50% من الخريجين هم من يدخلون الجامعة .. منح للمتفوقين أو بفلوسهم ..
6- تطوير التعليم الأزهرى و دمجه مع النظام الالمانى للتعليم .
بالنسبة للتخطيط :-
1- إستيراد نظام تخطيط كامل من اليابان لحل الأزمات المرورية .. مع تعيين مديرين يابانيين حتى إكتمال المشروع بالكامل ( 40 عاما) .
2- يحظر البناء حول القاهرة ... اليابانيين يحددوا أى بقعة أفضل للبناء مرة أخرى ..
3 - اليابانيين يقومون بالتخطيط الكامل لشبكات المرافق و الخدمات و الوزارات و الحكومات إلخ إلخ .
بالنسبة للامن:-
1- إلغاء قانون الطوارئ .
2- تقييد صلاحيات الشرطة بالكامل .
3- إستيراد نظام إدارة الشرطة من الولايات المتحدة الأمريكية.
بالنسبة للأخلاق:-
يخضع الكل للقانون و العقوبات المشددة و توعية و حملات أخلاقية إلى أن يموت الأجيال الحالية و ينشأ جيل جديد مجدد .
بالنسبة للسياسة الخارجية :-
1- الخروج تماما من الصراع العربى الإسرائيلي. مع تقنين قنوات الإتصال مع الإسرائيلين و الإكتفاء بيبيانات الشجب الإدانة.
2- التعاون مع الأمريكان و الروس و الألمان و اليابانيين و الإنجليز من أجل التطوير .
3- التعاون مع الدول الإفريقية و مساعدتها.
4- مافيش مانع التعامل مع الدول العربية و تقديم العون السلمى و الإقتصادى .
5- الإستفادة من تجارب الصين.
القانون :-
الشريعة الإسلامية هى تشريع القانون المسلم .
تطبيق القانون الأمريكى على الأخوة المسيحين حيث أنهم لا يؤمنون بالعقيدة الإسلامية و لا يمكن محاسبتهم على ما لا يؤمنوا به .
المجتمع:-
إرهاب المجتمع من العقاب القاسى .. حتى يعمل يعمل يعمل خائفا من العقاب .
نظام ديكتاتتورى إلى حد ما . .. إعادة كرامة المواطن المصرى .
إعادة الهاربين بالأموال من الخارج .. أو جثثهم ..
و إعادة الثروات المنهوبة ..
توظيفها حسب الخطة اليابانية المستوردة للتخطيط .
الجيش:-
التعامل مع الامريكان و الروس و الإنجليز و الفرنسيين ... مع إصلاح نظام الجيش و نظام التجنيد .
الدستور:-
قصر ولاية الرئيس على فترتين 5 سنوات كل منها ... ..
ده ملخص ..
دى اشاعاتاقتباس:
المشاركة الأصلية كتبت بواسطة aif
انا اعرف وحد ساكن فى الاوضه اللى جنبى
طلع معاش من سنه ونصف على منصب وكيل اول وزاره
لحد دلوقتى مشتراش عربيه وكل مكافأته طلع بيها الحج هو ومراته والباقى مبلغ بسيط ميجيبش عربيه سيراتو من اللى ماليه البلد
وكل اللى يمتلكه فى حياته بيت على اده وقد ولاده ولسه مكملش تشطيبه بعد 36 سنه خدمه فى الحكومه فى جهه حكوميه مهمه وطبعا مش هقولك على معاشه اللى ميكملش 1000 جنيه
وقبل ما يطلع على المعاش كان مرتبى اكبر منه فى شركه خاصه
كلام بجد بقي
هطبق نظام اسرائيل :(
بمعني اني هدي الصلاحيات كلها لرئيس الوزراء بس انا ابقي فوقه و مراقب عليه
مش يبقي الرئيس كده منه للهواء مفيش حد يعرف يحاسبه
شكرآ لثقتكم الغاليه فى اختيارى رئيس للخرابه ديه وطبعآ لازم ارد الجميل بآ عتقال جميع اعضاء المنتدى وعلى رآسهم كريم بيه منير وطبعآ المحسوبيه هتتجلى فى احسن صورها لاختيارى حبيبى وحوش رينو كوزراء وعلى رأسهم احمد بيه كمال لرئاسه الوزراء وخاصه انه عمل كثيرآ تحت قياده نظيف فى الفلاحين (القريه الزكيه) وسياده العقيد خالد للدفاع ونعمل ورشه كبيره لتصليح الدبابات ونركب لها سنسور بارك وجنوط 17 والكتور احمد فارما لوزاره الصحه ومكافحه الكحه وشنورى بيه لامن الدوله لقدرته على ادخال الرعب على اعضاء المنتدى والعضو سيف لوزاره الزراعه لامتلاكه طياره ف 16 لاستخدمها فى رش المبيدات واحيانآ لاباده المناطق العشوائيه والاوكار المستخبيه والاخ نوبى هيمسك وزاره الشئون الاجتماعيه لدرء الفتنه بين الشمال والجنوب وتوحيد القطرين وممكن افتح باب المناقشه لترشيح باقلى المناصب فى الوزارات الباقيه علشان انا ديموكتاتورى ليبروقراطى عنصرشيوعنازى(0مااااااااااا ااااااااااااااااااااااااا ااءءء)
هاعمل بمبدأ "" نلبسها لمصيلحى ونبقى نرفده هاهاهاها ""
يعنى من الاخر انا مش احسن واحد دى شغلانه عايزه مجهود و عليها عواقب كتير بس كنت هاقول لمجلس الامم كلامكو مش ماشى عليا واللى عايز اعملو هاعمله واللى عايز يضرب نووى يضرب وبعد كده اعين شيخ جامد اوى كده فاهم فى امور الدين زى محمود المصرى مثلا رئيس بدالى وهوا يعيش بقى ههههههههه
وانا ارجع تانى افكر هاجيب عربيه ازاااااااااااااى:p
تفتكر هيكفوك دة مصر فيها خير كتيرررررراقتباس:
المشاركة الأصلية كتبت بواسطة razini89
ياراجل اكبش و شيل دة بنوك سويسرا كلها متكفيش
الرئيس لوحدة مش هيقدر يتابع كل حاجة اهم حاجة اختيار طقم نضيف موثوق فيه و مؤهل للعمل كل في موقعه و كل واحد منهم اتاكد انه اختار برضة طقم موثوق فيه تحتيه
و هكذا باقي الجسد هيتصلح حتي المفسدين مش هيلاقوا غير انهم يتصلحوا علشان يقدروا يعيشوا بأمان
:toot::toot: اصحوا بقى رايحين الشغل
http://www.tt5.com/files/2010/10/fun...sue-125-23.jpg
هعمل ماكينات فى الشوارع للمواطنين مينفعش التزوير واللعب فيها بأى شكل اجمع فيها ارآئهم وتصويتاتهم عن اى موضوع او مشكلة عشان انفذ للأغلبية اللى هم نفسهم فيه واعرف رأيهم بصراحة
طول عمرى بحلم انى اكون رئيس دولة
بس لما باجى افكر بتمعن
الموضوع اصعب من مجرد لقب مسئولية كبيرة اوى
سيدنا عمر كان خايف ان بعير تتعثر فى العراق يحاسب عليها
فما بالك بشعب 80 مليون
انا متنحى
انا بقي مش حخاف ومش حجري
حمسك البلد وححلف القسم
وححاول باقصي جهد اني اعمل حاجات كتير
1- تطبيق الشريعه الاسلاميه وجميع الحدود علي جميع المسلمين وعمل قانون للاحوال الشخصيه للاخوه المسيحيين نظرا لاختلاف العقيده بيننا وبينهم
2- وضع خطه لتطوير انظمه مرور والاستعانه بالخبرات المصريه المهاجره لبلاد الغرب واستدعاء جميع العلماء امثال احمد زويل وغيرهم للمساعده في التطوير ومن يرفض الحضور يتم منعه من دخول البلاد نهائيا وسحب الجنسيه المصريه منه
(مش بعد ما البلد تتعدل ييجي ياخد خيرها بس)
3- الغاء جميع الرخص الموجوده في مصر بلا استثناء واقول بلا استثناء وعمل اختبار جديد المتبع في جميع الدول الاوروبيه والعربيه ما عدا احنا ان اللي معاه رخصه ده يبقي فعلا سواق مش واحد يعرف امين شرطه في وحده المرور يمشيله الدنيا اي راجل واي ست لازم يكون بيعرف يسوق
اما سواقين الميكروباص والتكاتك دول فحتتلغي رخصهم والعربيات حتتسحب ومفيش حد حيقعد علي طاره الا اما يكون عدي من اختبار سواقه اشد من سوااقه الملاكي واختبار في تنزيل الركاب واخدهم وحيتعملهم محطات زي الاتوبيس العادي يقفوا فيها ويتعمل مشروع كبير حكومي تتعمل فيه ميكروباصات حكوميه ممكن السواقين يستغنوا عن الشغل الحر ويبقي موظف بعدد ساعات عمل اما بالنسبه للتاكسي فحيتلغي كل مشاريع التاكسي الفاشله دي وتتبني الحكومه فكره تاكسي بعداد محترم مسعر جبريا السواق اللي ميمشيش عليه يبقي فيه عقوبات رادعه عليه
3- وضع خطه لتطويرالتعليم وادخال نظام التعليم الامريكي (american diploma ) (igse اللي الناس بتدفع الالاف الجنيهات في المدارس الخاصه عشان تعلم ولادها كويس والاهتمام بتعليم اولاد القري والنجوع والمراكز ورفع مستواهم المعيشي
4- عوده الفلاح الي ارضه والاهتمام بالزراعه عشان مصر ترجع ارض خضرا تاني
5- بناء المدن الجديده للشباب بشروط خاصه ومقيده للشاب عشان لا يبيع ولا يعمل
ياخد شقه يسكن فيها مقابل مبلغ بسيط والمدن دي حتكون في الصحرا
6- الغاء المركزيه في العمل
بمعني كل محافظه حيكون فيها الاوراق الخاصه باهلها والتعاملات الشخصيه والتعليم كل ده يكون في مكان في المحافظه عشان محدش ينزل القاهره وفي نفس الوقت الغاء جميع الهيئات الحكوميه والمصالح والشركات الموجوده في منطقه وسط البلد وتحويلها الي منطقه سكنيه راقيه
7- عمل شبكه مواصلات حديثه بالمترو تربط جميع نقاط مصر ببعضها توفيرا لاستهلاك السيارات وتقليلا من حده زحام المرور
8- بعد كده بقي نيجي للحاجات اللي بتودي الشباب في داهيه الممثلين والممثلات والمغنيين والمغنيات والكلاب دول كلهم يتاخدوا كده في طياره ويتشحنوا علي اي داهيه تاخدهم يااما يبطلوا الهبل ده ويشوفولهم حاجه عدله يعملوها بدل ماهما مصدعينا طول النهار كده وغلق جميع الكباريهات وتحويل شارع الهرم الي مكان ثقافي وندوات يتجاب فيها دعاه يعرفوا الناس دينهم شعراء علماء كبار موظفي الدوله يقعدوا مع اهالي مناطقهم يشوفوهم عاوزين ايه
9- تقديم تقرير دوري شهري من كل وزير وكل محافظ يقول فيه ايه الانجازات اللي حققها في الشهر ده ويتم التحقيق في الانجازات دي ولو متعملتش يستقيل من منصبه فورا ويرجع الي صفوف الجماهير
10 - انشاء جهاز مخابرات داخلي علي اعلي مستوي يتم اختيار العاملين فيه بعد اختبارات دقيقه لضمان نزاهه هولاء الاشخاص يكون مهمتهم الرقابه علي جميع اجهزه الدوله جميعا من وزراء ومحافظين وجهاز الشرطه لمكافحه الفساد
11- رئيس الجمهوريه والوزراء والمستشارين وجميع المناصب القياديه في الدوله موظفين عاديين جدا لا يحق لاحد منهم تغيير سكنه او خروجه في موكب وغلق الطريق للمرور وما يحدث الان من فوضي عبثيه تجعلنا نظن ان الوزير معاذ الله اله وليس انسان
12 - تحديد المده الرئاسيه ب5 سنوات قابله للتجديد فتره واحده فقط مع رسم خطه واسعه المدي من قبل الحكومه لتطوير البلد بغض النظر عن تغيير شخص الرئيس ولا يحق لاي رئيس في اي فتره او زمان ما تعديل الخطه الموضوعه الا بعد استشاره كبار موظفي الدوله والحكومه وبعدها يتم عمل استفتاء شعبي علي جميع مواطني الدوله بداخلها وخارجها لنري اذا ما كان شعب مصر موافق علي تغيير اي نقاط في الخطه الموضوعه ام لا وان لم يتم الموافقه من قبل الشعب فلا يتم التعديل
13- تعبت من الكتابه والموضوع مش يوم وليله بس مش مستحيل ولا صعب ياريت بلاش نبره اليأس وبالمناسبه بجد لو اتحطيت في المنصب ده حجيب كل الموجودين دلوقتي ارميهم في السجون ويتم محاكمتهم محاكمه شعبيه علي الي بيعملوه فينا
...حاجة من اتنيناقتباس:
المشاركة الأصلية كتبت بواسطة wesam_salom
1- انه كان في مكان مالوش لازمة ....يعني وكيل وزارة تعبانة ومكانة مش حساس وهو مش عارف يظبط امور
2- انه راجل عفيف .... من ضمن ال 1% الشرفاء
....
يعني م الآخر
يا إما مش عارف يتربح .... او مش عاوز يتربح
دي الامور الداخلية علشان الناس اللي فقدت الامل ترجع تعيش من تاني والحالة الانتاجية والمعنوية والوطنية ينبعث فيها الحياهاقتباس:
المشاركة الأصلية كتبت بواسطة seiffoz
اما امريكا والامورالخارجية ...... اكيد لها موازين تانية
مافيش حاجة بتتغير في يوم ولا سنة ......يعني ماتجيش تقف قدام القطار وتقول يارب استر
المؤمن كيس فطن
شوف ماليزيا عملت ايه
دلوقت لو حبت تنفصل اقتصاديا عن امريكا تقدر بسهولة ...... والانفصال الاقتصادي .... يتبعه السياسي
وعلى رأي زهير
ومن لم يصانع في أمور كثيرة .... يضرس بأنياب ويوطأ بمنسم
ياراجل ده ابراهيم عيسى اللي هو معارض ومغضوب عليه وف جرنال معارضاقتباس:
المشاركة الأصلية كتبت بواسطة wesam_salom
دخله الرسمي من الدستور عشرات الآلاف ف الشهر
..
خد عندك امثلة .....
الوزراء
مستشارين الوزراء ( قرايبهم )
سكرتارية الوزراء اللي بيلبسو ميني جيب
مديرين مكاتبهم وامنهم
رؤساء البنوك ونوابهم ومديري الفروع
معظم موظفي هيئة الاستثمار .... الكبار طبعا
كوادر الحزب الوطني
لواءات الجيش
لواءات الشرطة
الضرائب والجمارك وضرائب المبيعات ...... المناصب القيادية اللي بتنفذ بدون نقاش
..
أكمل ولا كفاية كدة ؟؟؟؟؟؟؟
اقتباس:
المشاركة الأصلية كتبت بواسطة azmeralda
وهرجع نظام الوقف بشكل اكبر
وبيت المال والزكاة بدل الضرايب
وهلغى الضريبة العقارية
وهعمل نظام قرض حسن بدون فوايد للى عايز يشترى اى حاجة او يتجوز
وهلغى الضرايب على العربيات
شكرا لاختياركم ليا كرئيس ووعد منى لو حصل لاشتغل 18 ساعة فى اليوم
وارجع مصر من تانى فى ظرف 7 سنين وانا متأكد ألف مليون % من كلامى ..... هيكون فيه متابعة لكل الوزراء
هقطع ميزانية قناة السويس لمدة سنة واحدة واوجها للبحث العلمى كاملة والاختراعات تخيلوا لما تعرفوا ان 5 مليار دولار
تتحط لكدا .... انا عارف انه مش مبلغ كبير بس احسن من اللى محطوط دلوقتى تقريبا 5 مليون دولار
عندنا كل حاجة تؤهلنا نكون فى المقدمة والصدارة.... كفاية ان عندنا عقول وهو دا المهم
والله الموفق