تغيير زيت الفتيس ونوعه؟؟؟؟

**hanosh** · 07-10-2010 12:54 AM

السلام عليكم
انا عندى كورولا 2008 mmt
وكنت بسأل عن نوع زيت الفتيس اللى احطه هل هوا مانيوال ولا اتوماتيك وما هى المده اللى بيتغير عليها
وهل هناك فلتر زيت للفتيس ولا لا؟؟
كان عندى استفسار من ساعة ما شتريت العربية فى 2 2008 وكل ما اجيب R علشان ارجع ساعات بيعلق معاى ويدينى N وتقعد تنور وتطفى مرتين ويدى صوت لمرتين وبعدين يعشق حد عنده تفسير
وشكرا

**Unendlich** · 07-10-2010 10:05 PM

هو أخويا معاه العربية و الكلام اللي هاكتبه ده منقول من الكتالوج بتاعه
زيت مانيوال بمواصفات LV API GL-4
في الكتالوج مكتوب إن الزيت بيتغير كل 45 مع الإستخدام الشاق جدا يعني في حالات
1- بتقتر دايما حاجات
2- بتمشي على 80% من السرعة القسوي للعربية (يعني أغلب الوقت ماشي فوق ال 160 170)

في حالة الاستخدام الطبيعي يتم الكشف عليه كل 45 إنما مش مكتوب يتغير امتى ... بس لما يلاقوه مش تمام هيغيروه

مكتوب في الموقع بتاع تويوتا جنوب افريقيا إن لزوجة الزيت 75-90w

و بالنسبة لل R فـجرب تسيب رجلك على الفرامل لحد ما العربية تعشق

أرجو ان اكون افدتك

**Sharky** · 07-10-2010 10:41 PM

المشاركة الأصلية كتبت بواسطة hanosh

ا
كان عندى استفسار من ساعة ما شتريت العربية فى 2 2008 وكل ما اجيب R علشان ارجع ساعات بيعلق معاى ويدينى N وتقعد تنور وتطفى مرتين ويدى صوت لمرتين وبعدين يعشق حد عنده تفسير
وشكرا

جرب زى ماقالك Unendlich

لو ماظبطتش يبقى على ما اظن دا المشكلة الشهيرة فى فتيس الكرولا MMT
N-Error

**hanosh** · 08-10-2010 12:43 AM

المشاركة الأصلية كتبت بواسطة Sharky

جرب زى ماقالك Unendlich

لو ماظبطتش يبقى على ما اظن دا المشكلة الشهيرة فى فتيس الكرولا MMT
N-Error

اولا شكرا للرد من الاخوة
بالنسبة لل n error فمن ساعة ما استلمت العربية من اول دفعه وصلت مصر فى 1 2008 فعمرها ما جت والعربية عندى الحمد لله زى الفل بس جه ميعاد تغيير القطع حسب الدور ورحت غيرت وللاسف عندها عرفت معنى ال N error لانى بمجرد استلمت العربية طبعا مكدبتش خبر ورجعت بيها على الغردقة و سمعت صوت احتكاك فى الغيارات اول مرة اسمعها وطبعا انتم عارفين انى التوكيل بيسلم العربية على اخر وقت يعنى على 4.30 او خمسة انا قلت يمكن ده تليين المهم كملت واول ما وصلت الغردقة ريحت العربية وبعدين جيت اشغلها حصل ال n error اتصلت بحماية المستهلك وحجزولى تانى يوم المهم العربية طوول الطريق عند كل كمين تفصل وتجيب n وانزل ازق حاجة زفت المهم العربية فصلت خالص امام التوكيل فرع التجمع طبعا علشان حماية المستهلك لقيت المدير مستنينى واستلموا العربية قعدت يومين بس الحمد لله لحد دلوقتى مفيش حاجة
وبالنسبة لل r فأنا ناوى اروح اكشف عليه احتمال سوفتوير لانه بيعشق بعد ما يدى صوت صفارة مرتين وده كان بيحصل من ساعة ما استلمت العربية ومهتمتش لانها بتحصل قليل خالص وفى الرجوع فقط