الموضوع: صدق أو لا تصدق.. 80 مليون جنيهاً أجر تامر حسني في أول دراما تليفزيونية له

في بس يا جماعة حاجة عايز اقولها

دلوقتي حضراتكم بتقارنوا مرتب الاستاذ الجامعي بالمغني , طب دة بيقبض منين و دة بيقبض منين ؟

الاستاذ الجامعي بيقبض من الحكومة , من جهة يادوب بتديلوا ال٣٠٠٠ جنيه و لو اديته جنيه واحد زيادة يحصل عجز في الميزانية

انما المغني او الممثل , يبقبض من منتج , يعني من مال خاص , مال لو اتصرف منه ال٨٠ مليون مش مشكلة , دة بيزنس , هيرجعولوه ١٦٠ مليون

يعني بدل ما المنتج يحط ال٨٠ مليون في البنك , حطهم في مشروع مسلسل هيرجعوله منه اضعاف

انما لو كانت الحكومة هي البتدفع للمغني كدة , يبقى ساعتها نهاتي و نقول

و على فكرة , سامي العدل طلع في برنامج بدون رقابة و بيزعق و بيقول , لو عمرو وافق يعمل فيلم هديله ٥٠ مليون و لو هيعمل مسلسل هديله ١٠٠ مليون جنيه , ماله و هو حر و عارف يستثمره ازاى

هو حر لكن دا اسمه سفه رجال اعمال

و من حقنا اننا نتكلم و نعترض ,,, لاننا فبلد فقيرة

و هذا السفه شيء مستفز جدا للناس

و مين قال لحضرتك انه عشان كسبهم ميبقاش سفه

هو حر فماله , يعمل بيه الي هو عايزه يكسب , ميكسبش , ان شاء الله يولع هو و تامر حسني فيوم واحد

دا شيء لا يعنيني اصلا !!

لكن لما البلد يبقي كل الي معاهم فلوس فيها من الفنانين المبتذلين امثال تامر دا و رجال الاعمال " الحرامية " , مع قلة النماذج الكويسة سواء فالوسط الفني او غيره

يبقي دا شيء يدعو للقرف بصراحة ,,

مين اصلا تامر حسني عشان ياخد المبلغ دا ؟ هل هو فنان فعلا ؟ هل هو شخصية محترمة ؟

ليه كل الي عالسطح فالمجتمع المصري بقوا من الحثالة , و النماذج النضيفة قلت !!

والسفه هو دفع فلوس في شيء لا ينفع و لا يضر ,, من غير فايدة عائدة عليه او علي مجتمعه

يا جماعة ياريت نفهم اننا دولة نامية متخلفة اساسا , لما نبقي نتقدم فأي مجال نبقي نفكر فالفن بالشكل دا .

مش كفايه انك قريت الخبر كمان ناقلهلنا ................... احنا ناقصين ................

المشاركة الأصلية كتبت بواسطة M.almaghraby

لا لا يا سيف اعذرني ,,, اوت منك دي يا معلم

ازاي عرض و طلب؟؟؟ احنا مش هولييود ,,, و تامر دا مش بن افليك مثلا

و بعدين احنا مختلفين عن العالم في حاجة ,, ان الاساتذة و الدكاترة و المحامين و صفوة المجتمع برا واخدة حقها و زيادة

لما 50 cent ولا Miley cirus يبقوا ثروتهم ملايين محدش بيهتم و عادي

لكن احنا في ناس بتموت من الجوع و دولة فقيرة م........ و حالنا بقا صعب اوي

تقوم تدي لواحد 80 مليون جنيه فدور فمسلسل هايف من شخص هايف؟؟

لا طبعا ,,, دا سفه و قلة ادب و حاجة بنت ستين *&%^^&%*&

المشاركة الأصلية كتبت بواسطة factorialx

لا ده مش منطق

إنت دولة متخلفه 40% من سكانها فقرا و الباقي مش يا دوب عايش
عندك مرتب استاذ الجامعه 3000 جنيه لو عنده عيلين بس هيتبهدل و يشحت كمان ده أستاذ الجامعه
ما بالك بقى بالموظف العادي

البلاد اللي إتقدمت دي زي ماليزيا كوريا سنغافورة تايوان و كانت حالتهم من 50 سنة حاله زفت و تخلف أكتر مننا بمراحل
وصول للمرحله دي بحاجه واحده بس التكافل الإجتماعي و العدالة الإجتماعية
و كله هيتصلح
سوق عرض و طلب لما تكون حاجه تضخ أموال في الإقتصاد المصري و تستثمر مصانع تقلل البطاله مساكن تقلل مشكلة السكن صيانه للطرق
أما الأفلام و المسلسات دي حاجات تافهه ملهاش فايده

مصر فيها ملون طفل شوارع ملوين يا عالم يا ناس يا خلق
و تقولي السوق عرض و طلب
شيكابالا مين المعفن اللي يقبض 24 مليون
غادة عبد الرازق دي ميين دي عشان تقبض 12 مليون

السوق عرض و طلب ده في أمريكا مش في مصر

يعنى بالمنطق ده بقى أسرق من الأغنياء و أدى الفقراء ...

من حكم فى ماله فما ظلم ...

أنا منتج ... و عايز أزود ثروتى ... و عارف إن فى ناس بتحب تامر حسنى ... و هما ببيدخلوا على النت و التلفيزيون يتفرجوا عليه مخصوص ... و هكسب وراه إعلانات قد كده ...

فلما أديله مكسب 12 مليون جنيه ... و أكسب أنا 30 مليون جنيه ... إيه المشكلة؟؟؟ مالى .. انا حر ...

طالما أديت الزكاه إللى عليا و أديت كمان صدقات و مظلمتش حد و مأكلتش حق حد .... إيه يمنع ادى ده إيه و أدى ده إيه ؟؟؟

و يا فاكتوريال إكس .. ليه تشتم الناس كده هتاخد ذنوب من الهواء يا راجل ....


طب إنتم مش عايزين الراجل يأخد فلوس كتير رزقه ... عايزين إنتم إيه ؟؟