-
ضمان بيكانتو 2011
السلام عليكم و رحمه الله و بركاته
بقالى اكتر من سنه بقرر اشترى سياره هاتشباك و تكون كويسه و اخيرا قررت شراء البيكانتو و اتفرجت فى اكترمن مكان عليها و امبارح روحت سمير ريان و قدمت طلب شراء و فى انتظار الموافه ان شاء الله ( سبب اختيارى لريان انى جبت للمدام هيونداى اكسنت 2010 اوتوماتيك فى شهر يناير اللى فات و كانوا محترمين معانا جدا فى المعامله حتى لما جابولنا لون كان فيه خربوش بسيط جدا من نزه البلاستيك المدام رفضت تستلمها و هما بصراحه وافقوا و تانى يوم علطول بعتوا جابوا واحده تانيه و وقفوا كلهم يسلموها و فصصتها حته حته و الحمد الله سياره زى الفل ) المهم مش هطول عليكم انا دلوقتى عاوز اعرف بالنسبه للكيا هل بستلم الضمان بتاعها مع السياره ولا من التوكيل لان الهيونداى لما روحنا اول صيانه كله كان متسجل على الكمبيوتر و مكنش فى موضوع دفتر ضمان ده بس مش عارف ده موجود فى الكيا ولا النظام مختلف ؟
يا ريت حد اتعامل مع سمير ريان او معارض تانيه يفيدنى فى موضوع الضمان ده و يقولى كمان الصيانه الاولى بعد 1000 كم ولا بعد 5000 و افضل مكان قريب منى انا فى مدينه نصر .
اه على فكره انا هاخد معايا الميكانيكى بتاعى بتعامل معاه من اكتر من 10 سنين و ثقه كبيره جدا و قالى هاجى استلم معاك .
و شكرا للمنتدى الرائع ده
-
اتاكد الاول انها وكيل ومش خليجي لان الخليجي بيكون من غير ضمان او تدفع فلوس زيادة ويقولك اشتريلك ضمان ....وخلي بالك من سمير ريان كويس جدا جدا !!!!!!!!!!
لو وكيل المفروض بتاخد كتيب الضمان من المعرض اللي جبت من عنده العربية لان هو بيجيبه من التوكيل وبلاش يدخلك في حورات ويقولك روح انت جيبه
-
الكيا ليها كتاب ضمان
بتاخده منه بعد الترخيص
الصيانة 1000
الاقرب ليك
القطامية
بلاش روكسى
-
شكرا
شكرا ليكوا اوى و انا فعلا ناوى اخد بالى اوى لما استلم و عشان كده الميكانيكى بتاعى هيجى معايا و قالى هنفصصها حته حته و موضوع خليجى او توكيل انا كلمتهم النهارده و قلتلهم العربيه اللى انا حاجزها خليجى ولا توكيل رد عليا الموظف و قالى توكيل و لو خليجى لازم كنا هنقولك مينفعش منقولش انها مش خليجى و تلاقيها بعد كده خليجى و قالى اتاكد زى ما تحب لما تستلم ان شاء الله بس كده انتوا اديتونى رايين يعنى لو قالى الضمان بعد الترخيص اوافق ولا اغلس و اقوله الضمان اخده مع العربيه ؟
بالنسبه للتاكد اعرف منين و انا بستلمها انها توكيل يعنى ايه اللى يثبتلى من غير موضوع الضمان ده يعنى مثلا هلاقى حاجات معينه فيها او فى الورق بتاعها ياكد انها توكيل ؟
-
انا جايب من عندهم بيكانتو 2010 فى شهر ابريل خالى بالك اهم شئ من غطاء البطارية وكمان العدة بتاعة العربية شوف انا اوا حاجة استلمت العربية بدون ورق وطبعا كنت قلقان جدا انها من غير ورق وبعد يومين استلمت الورق وبعد كدة روحت رخصت العربية وجبتلهم صورة من الرخصة قالى تعالى بعد اسبوع استلم الضمان انا جبتها وكيل كاملة مانوال علشان الاتوماتيك فيها ضعيف وبالذات انتا مشغل التكييف هتلاقى السحب ضعيف انما من غير تكيييف تلاقى العربية طيارة الوكيل الكاملة المانوال 2 زجاج كهرباء وسنتر ابواب والشنطة بتفتح مع السنتر وتقفل معاه ومرايات واكصدمات بلون العربية
ندخل على العربيات الخليجى بتلاقى فيها اربع زجاج كهرباء او اثنين وكمان مساحة خلفية وفوانيس شبورة وفانوس استوب خلفى على الزجاج الخلفى وممكن كمان تلاقى فيها ايرباج واسبيلر خلفى ومريات كهرباء
انا جايب ليها كاسيت كويس جدا وفيها درجة لون التبلوة البرتقالى وصوتة مع السماعات تحفة وشكلة كمان
وهوا شبه الكاسيت الاصلىkemwood 5110u ربنا يوفقك
-
نسيت اقولك الصيانة بتتعمل بعد الف كم وكانت تكلفتها 280 جنية مصرى وكان فيها غسيل الموتور وبعد كدة تعمل صيانة 10000 ان شاء الله وخالى بالك جمع اى مشاكل ممكن تظهرلك فى العربية وقولهم عليعا فى صيانة الف وعملتها فى ابورواش علشان هما احسن من فرع روكسى مع انى من مدينة نصر والعربيى بتاخد 2 ساعة فى الصيانة
-
أنا أستلمت كتيب الضمان من المعرض نفسه بعد مرخصت
خد صوره الرخصه وأدانى الكتيب
يعنى مجبتوش من الموزع او مركز الصيانه
تقدر تتأكد بسهوله هى خليجى و لا وكيل من الvin
ومبروك مقدما على العربيه
تستلم على خير
-
انا مش عارف اشكركم ازاى يا جماعه على الاهتمام بالموضوع و ده يخلينى اتشجع و اسال حاجات تانيه طالما لقيت ناس استلمت من عنده
هو انا هستلم ورقها فى يوم غير الترخيص ولا بيقابلنى واحد فى المرور و يخلص هو و يسلمنى الرخصه ؟
و معلش جديده عليا موضوع ال vin دى مش عارف معناها ايه معلش ده جهل منى
بعد الامكانيات اللى قولتوها فى الخليجى زياده عن التوكيل بقول دلوقتى يا ريت يغلط و يجيب الخليجى :)))))
انا على فكره طالب الفول اوبشن مانيوال
شكرا ليكم اوى و يا رب ابقى بيكانتاوى قريب :)
-
vin
ده رقم ااشاسيه بالبلدى
شوف يا نمر
عاشر رقم من الشمال لو A تبقى 2010
B تبقى 2011
كمان
النمور فى كيا وبالذات الغالى نورمال عندهم مواقع بيعرفوا منها العربية مصدرة لاى بلد يعنى لمصر ولا لدولة تانية
او انك هتاخد الرقم ده كله من العربية من اوله لاخره
وتتصل ب 35391480
35391484
تسأل على مدير الضمان وتديله الرقم وتقوله عايز اتاكد انها توكيل
ولو شاكك فى المعرض
خليه يكتب لك انها توكيل فى محضر الاستلام او ايصال الحجز
الرقم ده فين بقى
على قايم السواق اللى عند الباب اللى بيركب منه تحت هتلاقى ورقة سودا تيكيت يعنى عليها الرقم او
اسفل الزجاج الامامى ناحية السواق من برة العربية
عادة انت ممكن تاخد الورق غير يوم الترخيص
وتتفق على مندرب ييجى معاك المرور او لا
انا خدت الورق وكان معايا صديق ليا ظابط فى الوحدة نفسها قبل كدة
وبعدين ما تندم انك جبت توكيل
لان التوكيل فيه ضمان ليه
كل حاجة ليها مزايا وعيوب
-
انا كنت بفكر كده فعلا زى ما حضرتك بتقول انى اول ما اشوفها قدامى هاخد الرقم و اكلم التوكيل من الموبايل و انا واقف و احاول اعرف المعلومه دى بس السؤال هنا يعنى هو مش هيخاف على سمعته مثلا لو كان عاوز يدينى 2010 و انا متفق على 2011 و اكيد هيعرف انى لازم هعرف مع الترخيص و ثانيا اكيد برضه هيبقى عارف انى لما اعرف انها خليجى و انا متفق انها توكيل مش هسيبه و هعمله قلق مش عارف انا فكرت كده لقيت انه لازم بيعمل حساب الكلام ده برضه على العموم انا مش عاوز اسبق الاحداث ده حتى الموافقه بتاعه البنك لسه مجتش اصلا بس كده او كده انا هحرص لانى سمعت من الميكانيكى بتاعى انه مره كان فى ورشه فى عين شمس و شاف عربيه سيراتو جديده من عند جابر عبد الشهيد و اكن فيها خبطه فى الباب و بيظبطوها و هيحطوها فى المعرض تانى
تعرفوا يا جماعه لو التوكيل نفسه بيسلم السيارات بسرعه و مفيش فترات الانتظار و يسهل الاجراءات مكنش الواحد لجا للناس اللى ممكن نشك فيهم و نعمل حساب لكل خطوه معاهم
الله المستعان
Content Relevant URLs by
vBSEO 3.6.0 PL2