ارجو الرد يا خبراء الدايو

**besso33** · 22-03-2008 12:13 AM

سيارتي لانوس اتوماتيك موديل 98 ومشكلتها لما بطلع بيها اي مطلع بتيجي علي السرعة بين 40 و 50 كيلو متر/ ساعة وبلاقي السرعة دي بقت ثابته وعداد الأر بي ام بيفضل يزيد وبضطر اوقف العربية وادورها من جديد علشان تتظبط مع انها سحبها في العادي ممتاز ، رجاء الإفادة عن السبب

**badblood** · 22-03-2008 02:01 AM

زيت الفتيس بقالك قد ايه مغيرتوش هو والفلتر(اكشف عليه)
ولو المشكله في الزيت اكشف كوبيوتر ممكن تقالي حساس مش مظبوط ولازم تغيره
لان كان عندي نفس المشكله وغيبر زيت الفتيس كله والفتر والحمد لله بقت تمام

**besso33** · 27-03-2008 11:06 PM

انا شاري العربية وعملت معايا 15000 الف كيلو وهي الأن عامله 155000 كيلو وبصراحة معرفش اللي كان صاحبها غير الزيت اكتي وفين بيكون فلتر زيت الفتيس

**besso33** · 03-04-2008 01:45 AM

ليه يا جماعة مفيش حد رد علي سؤالي من فضلكم

**ahmedsrs** · 03-04-2008 02:40 AM

اعتقد الفتيس الأتوماتك هو الى فيه فلتر لاكن الفتيس العادى بدون فلتر

**tamermadi** · 03-04-2008 03:44 AM

فلتر الزيت هتلاقيه لما تفك الكارتيره

المفروض انك تغير زيت الفتيس مدام انت متعرفش هو اتغير امتى

والتغيير هياخد تقريبا 6-7 كيلو زيت اوتوماتيك

ولازم تغيرو عند حد بيفهم عشان يعرف يظبط مستوى الزيت عن طريق طبه فى الفتيس من تحت عشان هو مالوش مقاس زيت عادى .

واي استفسار عن اللانوس الاوتوماتيك انا موجود

**emadno1** · 04-04-2008 08:09 PM

الزيت فى الفتيس الاتوماتيك لازم يتغير كل مدة معينه اعتقد 40000 كيلو
شوف الموضوع دة علشان الفتيس ميطرش منك

الاخ تامر بما انه واضح انك معاك عربيه لانوس اتوماتيك ايه رايك فى اداء الفتيس و عيوبه و سحب العربيه معاك و بتجيب لغايه كام لان ناس كتيره مخوفانى منه و فى عربيه حلوه قدامى صاحبها كرهها بسبب كل الناس عماله تقوله حد يجيب لانوس اتوماتيك دى .........

فياريت تفيدنى

**kemoelord** · 04-04-2008 08:25 PM

السلام عليكم :_ طبعا بمناسبه موضوع الاستاذ " besso 33 " وهو ان لما بيجي يطلع اي مطلع بتبقى السرعه ثابته ,,, انا للاسف عندي نفس المشكله انا معايا " لانوس 99 مانيول " وبيحصل معايا نفس الموقف ولكن مع اختلاف السرعه انا عندي السرعه بتثبت على ( 70 او 80 ) كـــم ومش عندي عداد ال Rpm يعني مثلا المطلع الموجود في طريق كارفور اكتر من مرة اطلعه بس يكون معايا ناس بالعربيه اضغط على دواسه البنزين العربيه ما بتزود سرعتها وبتفضل ثابته وممكن اشم ريحه كده كمان هل السبب ايه ؟!!!!!!