ارجو الرد من خبراء السيراتو

**shark12345** · 22-05-2009 05:04 PM

امبارح يا جماعة استلم احد اصدقائي نيو سيراتو مانيوال وكان فيه بعض الاشياء نريد الاستفسار عنها وهي

1-عداد السرعة والكيلو متر مش شغلاين كلمنا المعرض قال كده طبيعي ولما نستلم الضمان والافراج الجمركي حتشتغل فكنت عاوز رئيكم وبرجاء السرعة قبل ما نرخص
2- نور التابلوة علطول منور حتي و الفوانيس مطفية

ارجو الافادة وجزاكم الله خيرا

**Ahmed Samy** · 22-05-2009 05:19 PM

العربية دي اتلعب فيها و فصلوا عداداتها علان يمشو بيها براحتهم ...و خصوصا المعارض خارج القاهرة لأن العربة بتسافر على الطريق سواقه مش على ناقلة

انت مستلمها من الشركة ولا من معرض ...

بضمان الوكيل ولا خليجي ....

والنور تلاقيهم لطشو فيشته و هما بيفكو كابلات العدادات .........

لو ممكن تغير العربية دي ...غيرها

ولو مش ناوي ....يبقى خليك عارف للي فيها

**ahmadyusuf** · 22-05-2009 05:27 PM

اكيد طبعا الكلام ده مش طبيعى و انا من رايى الشخصى انك متقبلش تستلم العربيه بالشكل ده , و فعلا فى معارض بيمشوا بالعربيات و يسقوها و انا مره كنت رايح اتفرج على العربيه فى معرض فى مدينة نصر لقيت عربيه سيراتوا واحد ركبها و مشى و بسال صاحب المعرض عن العربيه اللى بفتحة سقف قالى كانت لسه موجوده من دقيقتين !!!

**dasboot** · 22-05-2009 07:34 PM

1- موضوع نور التابلوه ده طبيعي جدا, طول ما المفتاح في الكونتاك هيفضل منور, عربيتي كده
2- موضوع العداد ده بقي نصب, العربيه دي فصلوا عدادها و سفروها سواقه و ممكن يكونوا عملوا بيها مشاوير

و انا لو مكانك اخرب بيتهم و لو مرضيوش عليك و علي جهاز حماية المستهلك وش

**TeMoON** · 22-05-2009 09:16 PM

المشاركة الأصلية كتبت بواسطة dasboot

1- موضوع نور التابلوه ده طبيعي جدا, طول ما المفتاح في الكونتاك هيفضل منور, عربيتي كده
2- موضوع العداد ده بقي نصب, العربيه دي فصلوا عدادها و سفروها سواقه و ممكن يكونوا عملوا بيها مشاوير

و انا لو مكانك اخرب بيتهم و لو مرضيوش عليك و علي جهاز حماية المستهلك وش

الله ينور عليك يا استاذ زياد ولكم باك ومنور المنتدى وانا معاه فى الرد دا انك تخرب بيتهم وتقدم شكوى لحقوق المستهلك عشان المعارض نصابة وبتسرق والمفروض صاحبك كان اشتراها من موزع معتمد بتكون انضف من 100 معرض

**dasboot** · 22-05-2009 09:52 PM

المشاركة الأصلية كتبت بواسطة temoon

الله ينور عليك يا استاذ زياد ولكم باك ومنور المنتدى وانا معاه فى الرد دا انك تخرب بيتهم وتقدم شكوى لحقوق المستهلك عشان المعارض نصابة وبتسرق والمفروض صاحبك كان اشتراها من موزع معتمد بتكون انضف من 100 معرض

ربنا يخليك يا تيتو, انا هنا كل يوم والله بس بتخانق مع اعضاء الإتحاد العام لمؤيدي الإلنترا في الموضوع بتاع الإلنترا احسن من السيراتو :)

**TeMoON** · 22-05-2009 10:08 PM

المشاركة الأصلية كتبت بواسطة dasboot

ربنا يخليك يا تيتو, انا هنا كل يوم والله بس بتخانق مع اعضاء الإتحاد العام لمؤيدي الإلنترا في الموضوع بتاع الإلنترا احسن من السيراتو :)

يا زياد باشا لولا اختلاف الاذواق لبارت السلع هو شايف ان الالنترا احسن هو حر احنا شايفين الكيا احلى احنا احرار بس طبعا المعروف ان كيا فى التوكيل وفى مصر كا عربية احسن من هيونداى هو شايف انها احسن من السيراتو فا انت كدا رديت علية وتمام اوى هو هيشترى هيونداى الف مبروك هيشترى سيراتو بردو الف مبروك ياباشا السيراتو عربية حلوة والالنترا عربية حلوة هو الى هيركب مش احنا وهو الى هيتبهدل فى التوكيل بردو مش احنا وهو الى هيتلسع من اونكل غبور بردو مش احنا
بس انت قمت بشغل جامد وبتصد الهجوم الشرس على النيو سيراتو وربنا يخليك لشركة كيا وكل الكياوية وانا عاوز اعرف اية اخر اخبارك مع فوزية (النيو سيراتو ) ابئة طمنا

**dasboot** · 22-05-2009 10:17 PM

المشاركة الأصلية كتبت بواسطة temoon

يا زياد باشا لولا اختلاف الاذواق لبارت السلع هو شايف ان الالنترا احسن هو حر احنا شايفين الكيا احلى احنا احرار بس طبعا المعروف ان كيا فى التوكيل وفى مصر كا عربية احسن من هيونداى هو شايف انها احسن من السيراتو فا انت كدا رديت علية وتمام اوى هو هيشترى هيونداى الف مبروك هيشترى سيراتو بردو الف مبروك ياباشا السيراتو عربية حلوة والالنترا عربية حلوة هو الى هيركب مش احنا وهو الى هيتبهدل فى التوكيل بردو مش احنا وهو الى هيتلسع من اونكل غبور بردو مش احنا
بس انت قمت بشغل جامد وبتصد الهجوم الشرس على النيو سيراتو وربنا يخليك لشركة كيا وكل الكياوية وانا عاوز اعرف اية اخر اخبارك مع فوزية (النيو سيراتو ) ابئة طمنا

ده كلام اكيد بس احنا بنتناقش في فنيات هندسية, بس هما بيتناقشوا بغل و عصبيه اوي, لاكن متخافش انت فاكر انت قلت ايه علي إللي بيتخرج من كليتي

ششششششششششششش
و فوزيه تماااااااااااااااااااام, كايده العزال في الشوارع و في ناس من سكان كفر "الهنادوه" بالذات بيستفزوني علشان اشد في الشارع لكن انا حارق دمهم :b4_592:

**TeMoON** · 22-05-2009 10:24 PM

المشاركة الأصلية كتبت بواسطة dasboot

ده كلام اكيد بس احنا بنتناقش في فنيات هندسية, بس هما بيتناقشوا بغل و عصبيه اوي, لاكن متخافش انت فاكر انت قلت ايه علي إللي بيتخرج من كليتي

ششششششششششششش
و فوزيه تماااااااااااااااااااام, كايده العزال في الشوارع و في ناس من سكان كفر "الهنادوه" بالذات بيستفزوني علشان اشد في الشارع لكن انا حارق دمهم :b4_592:

يا زياد باشا يا جامد اية الحلاوة دى يا كايد العزال وياحرق دم البشر اية الجمال دا الله ينور يا معلم وان شاء الله لما استلم واحضر لاليكس لازم اكلمك واقابلك ونشد سوا

ونفرج البشر على السيراتو وجمالها وانت اخبارك اية فى الامتحانات والمذاكرة طمنا عليك

**shark12345** · 23-05-2009 01:27 PM

شكرا يا رجالة علي ردودكو وانشاء الله حنتصرف في الموضوع ده والعربية ضمان الوكيل وجيبنها من معرض في مدينة نصر بس يا جماعة في نقطة العربية نزلت من شاحنة العربيات ادام عنينا هي وكذا عربية كمان كانوا جايين المعرض يس انا حبلغ صاحب السيارة ومتشكر ليكم كلكم علي سرعة الاستجابة

الموضوع: ارجو الرد من خبراء السيراتو

LinkBack

أدوات الموضوع

عرض

-

-

-

-

المواضيع المتشابهه

مشاكل معايا في السيراتو قبل 10.000 ارجو الرد

ارجو الرد يا خبراء الواجا

ارجو الرد من خبراء البيجو

ارجو الرد خبراء الكورولا

استفسار ارجو الرد بشأن السيراتو

الكلمات الدلالية لهذا الموضوع

المفضلات

المفضلات

ضوابط المشاركة