الرخصتين اتسحبوا_وبدون وصل_على ترعة المريوطية.وأتخانقت مع الظابط وكنت هاتحبس.

**i_Am_Legend** · 07-10-2010 07:27 PM

للأسف البلد دى_خلاص خربت_وقريب هاتحبس فى ضرب ظابط_اللى حصل_دلوقتى_انا ماشى على طريق المريوطية_لفينا 3 مرات والطريق مكسر_فجأة لقيت رصيف ارتفاعة_اقل من 10 سم_وعليه تراب_وأثار كاوتش_وعربية ميكروباص بتلف_فلفيت انا كمان_وبعديا كيا سبورتاج_لفت معايا_فجأة لقيت نقيب طلعلى أترمى قدام العربية_وقفت فى أيه_ياعم_قالى الرخص_ليه إن شاء الله_قالى طلعت الرصيف_قولتلة رصيف ايه_قالى دا_قولتلة دة رصيف_حضرتك انا راكب 127_مش شيروكى_قالى دة رصيف_قولتلة يعنى انا والناس دى كلها مش بنشوف_راح واخد رخص ال3 عربيات_وقالى رووح لرئيس الوحدة_واقف هناك_رحتلة انا والناس_قالنا انتوا لفيتوا من على الرصيف_صاحب الكيا ومراتة هايتجنوا_يقولوا_يا أستاذ فين الرصيف دة_المهم جبنا آخرنا معاه_قال هاتروحوا يوم السبت تاخدو الرخص من مرور فيصل_ومافيش وصل_طيب إزاى مافيش وصل_هاتروح تاخدها من مرور فيصل بالبطاقة_إزاى ياعم_طيب هامشى بايه_قال بكرة الجمعة_ولو حد وقفنى_قالى ماعرفش_دى ما لهاش وصل_انت هاتروح المرور_وهاتخدها بالبطاقة_انا إتنرفزت عليه_قولتلة هاتعمل قانون بمزاجك_وخبط معاه جامد_وصوتى على جامد_والدى كان معايا_قالى خلاص سيبة فى داهية_قولتلة فى 60 داهية_حبة نصابين_الظابط بقى هايتجنن_قولتلة انت جيبينك منين انت معقد_وبابا يسكتنى_والناس تهدينى_بابا زقنى فى العربية_ورحت ماشى وفضلت واقف ما مشيتش_لحد ما الناس مشيت_علشان أتأكد انة ما دلهمش وصل_وبردة_ما أخدوش_ومشيوا_قولولى بقى أعمل ايه فى الحوار دة

**i_Am_Legend** · 07-10-2010 07:31 PM

انا هاتجنن ياريتنى ضربتة_انا بكرههم

**محمد محمد** · 07-10-2010 07:39 PM

لعله خير.
هدي نفسك بعد ما تاخد الرخص لو قابلت الناس اللى كانت معاك حاولوا تعملوا فيه شكوي او محضر.

**3ateef** · 07-10-2010 07:40 PM

ولا اى حاجة...

تروح مرور فيصل تاخد الرخصة...

**mahamedaraby** · 07-10-2010 07:40 PM

ربنا معاك ويعينك يارب

وفعلا الحته بتاعت ترعه المريوطيه ده ولا فيها رصيف ولا فيها اسفلت
والله تحس لما تدخل على لجنه انك داخل على قوات الاحتلال بالظبط

اللى اقدر اقول ليك ان ده لينك ممكن تبعت شكوى فى الظابط اللى عمل كده وانه مش من حقوا ياخد الرخصه بدون وصل ده اللينك وربنا يسهل وجرب

ظˆط²ط§ط±ط© ط§ظ„ط¯ط§ط®ظ„ظٹط© - ط´ظƒط§ظˆظ‰ ظˆط¨ظ„ط§ط؛ط§طھ ط§ظ„ظ…ظˆط§ط·ظ†ظٹظ†