أسعار قطع غيار الـ 127

**kotamy12** · 08-11-2008 12:24 AM

مرايا جنب 25 جنيه وصعب تلاقيها بس ممكن تركب مرايات شاهين
فوانيس خلفيه 45 جنيه بدون خريطه
غمازات 1 جنيه
فانوس امامي 12 جنيه
حشو اسكترا 6 جنيه
اسكترا كامله 120 جنيه
فانوس اشاره امامي 6 مصري 10 جنيه ايطالي ومش موجود
فيبره اخره الشنطه 30 جنيه
كوندنسر 8 جنيه فرنساوي
ابلاتين 10 جنيه فرنساوي

**sleepyhammer** · 10-11-2008 01:49 PM

عندك حق يا اخ ياسر اسكندرية اسعارها مولعه هنا وبجد مش اي حته فيها تلاقيها رخيصة ربنا معانا

**lord2006** · 14-11-2008 10:20 AM

مين يعرف حد بتاع قطع غيار استيراد كويس و اسعارة معقولة ؟

**sherif_habeb** · 24-11-2008 02:53 AM

شكرااااااا

**mohamed_badr29** · 25-11-2008 12:56 PM

السلام عليكم و رحمة الله و بركاتة

معلش انا هخرج شوية عن موضوع اسعار قطع الغيار
انا عايز اشترى عربية سوبر فيورا وكنت عايز اعرف اعرف منين الفرق بين 127 و الفيورا و السوبر فيورا وهل مكتوب فى الرخصة ؟
وانا معاية حوالى 13000 الف ممكن يجيبوا سوبر فيورا حلوة ولا تكون تعبانة ؟

وجزاكم الله خيرا

**thegoodhacker** · 25-11-2008 04:37 PM

المشاركة الأصلية كتبت بواسطة mohamed_badr29

السلام عليكم و رحمة الله و بركاتة

معلش انا هخرج شوية عن موضوع اسعار قطع الغيار
انا عايز اشترى عربية سوبر فيورا وكنت عايز اعرف اعرف منين الفرق بين 127 و الفيورا و السوبر فيورا وهل مكتوب فى الرخصة ؟
وانا معاية حوالى 13000 الف ممكن يجيبوا سوبر فيورا حلوة ولا تكون تعبانة ؟

وجزاكم الله خيرا

السوبر فيورا هي ال127 موديل 86 و 87 ........ موديل سنة 85 كان فيه منه فيورا وفيه منه سوبر فيورا
السوبر فيورا تفرق عن الفيورا في انها بتبقي خمس سرعات امامية و بيبيقي فيها ساعة ديجيتال في السقف فوق مراية الصالون و بيبيقي فيها كده علي شمال السائق جهاز الصراحة ما اعرفش فائدته ايه الصراحة بس حتلاقيه مفصول في معظم العربيات ....... فيه ناس بتقول ان الجهاز ده بيرسم منحني يظهر فيه استهلاك البنزين و بيعطي انذار في حالة زيادة الاستهلاك عن حد معين ..... و فيه ناس بتقول انه بيعطي انذار عند وصول السيارة للسرعة القصوي لغيار الجيربوكس.......الله اعلم اي الرايين هو الصحيح بس حتلاقيه مفصول في 99 % من العربيات السوبر فيورا يعني مش حيعتبر ميزة .......
بالنسبة لموضوع الرخصة فمش شرط يبقي مكتوب فيها سوبر فيورا ممكن يكتبوا نصر 127 و ممكن يكتبوا فيورا بس زي ما قلتلك موديل 86 و 87 سوبر فيورا وهما اخر موديلين من العربية دي.......
بالنسبة لسعر السوبر فيورا اللي حالتها كويسة مش حتقل عن 16 الف جنيه فبالتالي لازم تصبر شوية لغاية ما تكون بقية المبلغ يا اما ممكن تجيب 127 بس موديل اقدم شوية زي موديل سنة 82 مثلا حتلاقيها في حدود المبلغ اللي معاك

**mohamed_badr29** · 26-11-2008 09:44 AM

انا متشكر جدا جدا على الافادة الاخ thegoodhacker وعلى المعلومات القيمة دى بس افهم من كلامك كدة ان العربية ال127 اقل من موديل 85 متكونش سوبر فيورة صح ؟؟؟؟

**Ahmad_Nawwara** · 27-11-2008 12:04 PM

ياريت حد يقول لنا أسعار الدينامو وأفضل انواعه .. ضروري جدا

**thegoodhacker** · 27-11-2008 04:45 PM

المشاركة الأصلية كتبت بواسطة mohamed_badr29

انا متشكر جدا جدا على الافادة الاخ thegoodhacker وعلى المعلومات القيمة دى بس افهم من كلامك كدة ان العربية ال127 اقل من موديل 85 متكونش سوبر فيورة صح ؟؟؟؟

ايوة تمام كده ...... موديل 84 بيبقي فيورا بس ....... موديل 85 فيه منه فيورا وفيه سوبر فيورا ......... موديل 86 و 87 سوبرفيورا بس