الحمد لله ............حادث الغريب بس مش عارف اعمل ايه ؟

**JapRuleZ** · 07-10-2010 08:25 PM

كنت راجع من الشغل فى وقت متاخر من الليل و مجهد , و اثناء القيادة على سرعة 90 -100تقريبا , و انا باخد ملف

خفيف فى الاتوستراد لقيت الدركسيون لف بزيادة و خرجت السيارة عن السيطرة و لفت مرتين و طلعت على الرصيف

انا مسمعتش صوت فرقعة كاويتش و هو عامل حوالى 40,000 كيلومتر مش عارف تفسير الموضوع ده ايه

العربية عاملة 70,000 ك و طول عمرى باخد الملفات الخفيفة عل سرعة دى ...السيارة نوع يارس

دى حاجة .....الحاجة التنية انى قررت اخدها التوكيل عشان اشخص الاضرار بظبط ايه اللى فيها

و معرفش حد فى الحرافيين شغال تويوتا كوييس و مش مأمن اوى ليهم

ياريت حد يدللنى

اللى انا شفته ان صاج الحماية تحت الموتور عاوز يتغيير و الرادياتير سليم بس مال شوية لورا و الاكصدام بايظ الباقى
مشفتش المقصات و العجل معرفش .......

**JapRuleZ** · 07-10-2010 08:40 PM

يعنى الحادث بسببب الكاوتش ولا اختلال عجلة القيادة ؟

الكاوتش كان فيه واحد منهم بايظ اليمين اتجاه لف السيارة فى الشارع

و تانية دى السليمة لازم تتغيير بردو ولا لا ؟

**د.محمود صلاح** · 07-10-2010 09:13 PM

فقدان سيطرة أكيد ..

**pro_samir** · 08-10-2010 03:25 AM

حمد الله علي سلامتك

غالبا فعلا كان في حاجه علي الأرض ، صعب تحدد ان كانت بسبب الكاوتش أو لأ لأنه ممكن يكون باظ من الخبطه في الرصيف إلا لو كنت فاكر بالظبط ايه اللي حصل

لو عايز ميكانيكي كويس في الحرفيين ممكن تبعت لكريم منير هيظبطك ان شاء الله في الموضوع ده خصوصا ان معاه تويوتا ، وقطع الغيار مفيش اكتر منها في الحرفيين جديد واستيراد

سيبك من التوكيل انت عارف اسعارهم وكمان حتي لو هتعمل مقايسه بيبالغو فيها جدا وبيقولو علي حاجات تتغير وهي مش مستاهله ، وهترجع زي الأول بإذن الله متقلقش

**JapRuleZ** · 09-10-2010 01:58 AM

ا
لعربية مانيوال مفيهاش ABS و نقش الكاوتش واحد

انا خايف بس شغل العفشة و الميكانيكة متبقاش تمام فى الحلافيين زى التوكيل

مكان الحادثة بعد ما شفته اعتقد اليارس متستحملش اللفة دى على 100km/hr ( مبين فى الصورة الملف اللى قبل منزل المطار و بعد oasis )

**BLOODY_STONE** · 09-10-2010 06:56 PM

اتوقع حاجة على الارض لأن ناس هنا كتير بتقولك بتاخد ملفات على ال 140 و عادي ...
عالعموم قدر الله و ما شاء فعل
و ابقى طمنا عملت ايه ..

**pharonicking** · 09-10-2010 07:32 PM

مادام العربية لفت مرتين تبقى عملت oversteering يعنى كسرت الدركسيون جامد
فلفت بسرعتها وممكن كمان اللى ساعد الموضوع ان يكون فيه رمل عالارض خلاها تلف
قدر اللله وماشاء فعل بسيطة انشالله