لخبراء الملكة ارجو تسعير كورولا 93

**ellhosam** · 07-10-2010 09:23 PM

السلام عليكم معروض علي تويوتا 93 الملكة 1600 انجكشن وارد معاقين حالة ممتازة فبريكة برة وجوة بس الحلو ميكملش مفيهاش بور ولا تكييف كنت عايز اعرف تساوى كام وهل ممكن اركب البور والتكييف ويكلفو كام واسف علي الاطالة

**mr_sameh** · 08-10-2010 02:57 AM

اولا اكيد هي 1400 مش 1600
انا معروض قدامي عربيه اختها ومعاقين علي 48 الف بس ممكن توصل 45
بالنسبة للتكيف سهل يركب هيكلفك في حدود 3000 جنية استيراد
الباور هيكون مكلف شوية

**ellhosam** · 08-10-2010 09:56 AM

شكرا يا باشا علي الرد بس انا اعتقد انها 1600 علي العموم اتاكد و هو فعلا 45 الف معقول خصوصا انها بدون تكييف وبور علي كل حال صحبها مخدش قرار نهائي بالبيع هو بيجس نبض وفي البيع الفعلي طبعا لازم تسعير العربية عند كام تاجر كدة علي الماشي بس انا الصراحة متردد شوية عشان يعنى العربيةالجديدة لازم يكون فيها بور وتكييف وفي راى بعض الناس بتفضل العربية علي وضعها يعني لو ركبت تكييف وبعد مصريفةودوشتة ممكن يكون فية مشاكل علي كل حال شكرا يا باشا ولو احد الاعضاء الافاضل عندة خبرة في الموضوع ( الموديل -السعر- التكييف- البور) وشكرا

**mr_sameh** · 08-10-2010 04:18 PM

بالنسبة لتركيب التكييف مفيش منه خوف لانك هتجيبة من بتوع الاستيراد يعني هيشيله من عربية اختها بالمواسير والكمبروسر والتلاجه والمروحة والسربنتينة
علي فكرة الموضوع ده انا عملتة لواحد صديقي وكان زي الفل وكانت نفس مواصفات العربية المعروضة عليك و1400 سي سي
وشغال تمام
اما الباور ممكن يركب بس هتغير الاسكترا وتغير دشمة الدركسيون وكمان تجيب طرمبة باور بالخراطيم وهيشتغل تمام بس موضوع مكلف ومرهق

**ellhosam** · 08-10-2010 06:00 PM

الف شكر يا استاذ سامح حضرتك افدتنى جدا بمعلوماتك القيمة و الموضوع بدأ يشعشع في دماغي وشكلي كدة هركز علي العربية دى .... وربنا يسهل

**mahmoudselim** · 08-10-2010 06:17 PM

طب ما تدور علي واحدة فيها تكيف وباور و1600 وارد برضو هتعمل معاك 50 او 52 .. افضل من قرف الصنايعية

**ellhosam** · 08-10-2010 07:09 PM

يا استاذ محمود الفكرة اني معنديش خلفية كبيرة في موضوع البيع والشراءو العربية الكورولا دى مع واحد زميلي في الشغل وهو بيفكر يبيع والعربية كويسة جدا واهم حاجة اني عارف العربية كويس وسليمة وطبعا هاستريح من التعامل مع التجار والعيوب الخفية في اى عربية غيرها ... اعتقد انها فرصه كويسة بس ربنا يسهل و زميلي يوافق يبيع علي 45 الف وشكرا للجميع

**mahmoudselim** · 08-10-2010 07:35 PM

المشاركة الأصلية كتبت بواسطة ellhosam

يا استاذ محمود الفكرة اني معنديش خلفية كبيرة في موضوع البيع والشراءو العربية الكورولا دى مع واحد زميلي في الشغل وهو بيفكر يبيع والعربية كويسة جدا واهم حاجة اني عارف العربية كويس وسليمة وطبعا هاستريح من التعامل مع التجار والعيوب الخفية في اى عربية غيرها ... اعتقد انها فرصه كويسة بس ربنا يسهل و زميلي يوافق يبيع علي 45 الف وشكرا للجميع

ان شاء الله ربنا يكرمك وتشتري العربية.. ماشاء الله عربية محترمة جدا علي فكرة ومريحة جدا .
ممكن برضوا تنزل مع زميلك كدا نزلة للحرفيين وتعرف اسعار الحاجات دي كام وهتعملهم عند مين وتكلفة تركيبهم قبل ما تشتري العربية علشان كل حاجة تكون واضحة قدامك ومفهومة قبل الشراء . وربنا يوفقك في الحاجة الكويسة.. ولو في اي مشاكل في انك تجيب الحاجات دي او تركيبهم ابعتلي علي الخاص وانا هدلك علي واحد هيجيب معاك من الاخر في الموضوع دا ان شاء الله.

**seadaelbeda** · 08-10-2010 10:26 PM

ياريت تقولى تكلفة البور كام لوسألت عليه

**mr_sameh** · 09-10-2010 12:55 AM

المشاركة الأصلية كتبت بواسطة seadaelbeda

ياريت تقولى تكلفة البور كام لوسألت عليه

شوف الاسعار وانا ممكن اخدمك لان ليا واحد صاحبي شغال في استيراد التويوتا

الموضوع: لخبراء الملكة ارجو تسعير كورولا 93

LinkBack

أدوات الموضوع

عرض

-

-

-

-

-

المواضيع المتشابهه

الي اصحاب كورولا الملكة من 92 الي 97

مطلوب كورولا الملكة

مطلوب كورولا الملكة

تابلوه كورولا الملكة

لخبراء هيونداي ارجو تسعير عربية

الكلمات الدلالية لهذا الموضوع

المفضلات

المفضلات

ضوابط المشاركة