(اناحطيت بنزين 80 فى الميجان)

**ecybrarian** · 09-10-2010 09:25 PM

المشاركة الأصلية كتبت بواسطة Ahmed A.Maksoud

يا حاج هشام الناس دى بيقولوا كلام فى الهوا..........ملكش دعوة بيهم

ما انا عارف...انا قلت اعمل مشاركة زي بتاعة د.أكمل..على اساس إن الحاج رينو مش فاهم في العربيات فكتب على التانك بيانات غلط

..سيبك انت..ليك وحشة والله

**Hosam_Optrawy** · 09-10-2010 11:06 PM

المشاركة الأصلية كتبت بواسطة x512

انا ليا واحد صاحبي ابوه صاحب محطه بنزين كان بيحلفلي انو في عربيات جيتا و باسات كات بتحط 80 في الفتره اللي البنزين فيها غلي كدا من سنه تقريبا او 2....الصراحه مصدقتوش...بس دلوقت لقيت ان في ناس ممكن تعمل كدا!!

جيتا وباسات !!!!

مش عارف أقول ايه والله

يعنى اللى شارى جيتا اللى اقل حاجه فيها ب 170 والباسات معديه ال 200

بيحط فيها بنزين 80 عشان يوفر 50 جنيه فى التفويله

مستخسر ال 50 جنيه ولا بيحسبوها ازاى مش فاهم

دانا احدث عربيه شوفتها واقفه فى طابور بنزين 80 كانت النترا جديده لسه بالنمر التجاريه قولت اكيد دى بتتأجر عشان كدا بتتبهدل

لكن واحد معاه جيتا او باسات ويحط 80 !!

**ecybrarian** · 10-10-2010 12:05 AM

المشاركة الأصلية كتبت بواسطة princeno

جيتا وباسات بيتحطلهم 80 سورى يعنى دول ناس معفنة

مش شرط... ممكن يكونوا مزنوقين..أنا اعرف واحد حط بنزين 80 في عربية مرسيدس كومبروسور!! كان في المنيا (شمال الصعيد) وما لقاش ولا بنزينة على الطريق (إلى القاهرة) فيها بنزين 92 مش 95..اضطر يحط بنزين 80..والعربية رجعته القاهرة..بس طبعا على الصيانة عدل عملوا حاجة اسمها تنظيف دورة بنزين...ودا على مسئولية صاحب العربية إللي حكى لي الحكاية

البنزينات في البلاد (الأقاليم) صعب تلاقي فيها 92 فما بالك 95...أنا فاكر على طريق شرم (مثلا) لازم تفول عند النفق وإلا... وطريق العريش مافيهوش غير بنزينة واحدة فيها 92 في العريش نفسها!!!!!

**x512** · 10-10-2010 12:18 AM

مش شرط... ممكن يكونوا مزنوقين

دا احتمال...و احتمال تاني انو شاري العربيه بالعافيه يعني يدوب بيقسطها...في ناس كدا غاويه منظره...معاه 100 الف..بدل ميجيب عربيه بيهم لا يحيب عربيه ب 170 او 200 و يقعد يقسط الباقبي بس يبقي اسمو راكب عربيه ب كذا الف...في عقليات كدا

**yousef1978** · 10-10-2010 12:31 AM

السلام عليكم ورحمة الله وبركاته

يا جماعة يا ريت نبطل أسلوب الهجوم في الحوار

الراجل سأل سؤال واللي يقدر يفيده بدون تهكم أو هجوم يتفضل

لكن ما فيش لازمة للتهكم او التشكيك في نيته أو إفتراض أشياء في علم الغيب

كل واحد أدرى بظروفه وكمان هل هو عامل الموضوع وحاططلها ولا لأ دي مش قضيتنا طالما هو قال في بداية سؤاله إنه فولها تمانين يبقى نفترض حسن النية والصدق ونتحاور معاه على هذا الأساس

بعدين انا نزلت مصر اليومين اللي فاتوا وانا من المنيا ولقيت كل الناس جايبه عربيات جديدة وكلهم سواء ملاكي أو تاكسي بيفولوا بنزين تمانين وأنا للأمانة شفت الكلام ده في الهيونداي الفرنا الجديدة والشيفروليه الأفيو وكمان أوبل فكترا موديل سبعة وتسعين وقولت صاحب الأفيو انت كده بتهلك السيارة قاللى أديني سنتين من ساعة ما جبتها لا الموتور صقف ولا صوته علي ولا حاجة من اللي بيقولوا عليها وماشية معي كويسه جدا

وانا عن نفسي أخدتها منه وسوقتها خمسين كيلو ما حسيتش بفرق

يمكن لأن السرعات في مصر بقت بطيئة لوجود مطبات حتى على الطرق السريعة أو يمكن حسب رجلين السواق وطريقة قيادته

ده اللي أعرفه والله أعلم

**elkebeer_awy** · 10-10-2010 12:45 AM

طيب النيوسيراتو ايه نظامها؟؟
انا لقيت واحد امبارح بيفولها 80
ده العادي بتاعها ولا هو معفن؟؟

**ashrafsadany** · 10-10-2010 01:13 AM

المشاركة الأصلية كتبت بواسطة ecybrarian

ما انا عارف...انا قلت اعمل مشاركة زي بتاعة د.أكمل..على اساس إن الحاج رينو مش فاهم في العربيات فكتب على التانك بيانات غلط

..سيبك انت..ليك وحشة والله

هوا صحيح الحاج رينو حج فعلآ ولا عمل عمره بس

**ICE_MAN** · 10-10-2010 03:01 AM

المشاركة الأصلية كتبت بواسطة Hosam_Optrawy

جيتا وباسات !!!!

مش عارف أقول ايه والله

يعنى اللى شارى جيتا اللى اقل حاجه فيها ب 170 والباسات معديه ال 200

بيحط فيها بنزين 80 عشان يوفر 50 جنيه فى التفويله

مستخسر ال 50 جنيه ولا بيحسبوها ازاى مش فاهم

دانا احدث عربيه شوفتها واقفه فى طابور بنزين 80 كانت النترا جديده لسه بالنمر التجاريه قولت اكيد دى بتتأجر عشان كدا بتتبهدل

لكن واحد معاه جيتا او باسات ويحط 80 !!

المشاركة الأصلية كتبت بواسطة elkebeer_awy

طيب النيوسيراتو ايه نظامها؟؟
انا لقيت واحد امبارح بيفولها 80
ده العادي بتاعها ولا هو معفن؟؟

ايجاااااااااااااااااااااا اار
انا مرة واحد قالى انه مش بيحط غير بنزين 80 فى اى عربية بياجرها حتى لو كانت بورش !!!!!
و على فكرة للاسف فيه ناس كتيير بتفكر كدة