الموضوع: (اناحطيت بنزين 80 فى الميجان)

المشاركة الأصلية كتبت بواسطة yousef1978

السلام عليكم ورحمة الله وبركاته

يا جماعة يا ريت نبطل أسلوب الهجوم في الحوار

الراجل سأل سؤال واللي يقدر يفيده بدون تهكم أو هجوم يتفضل

لكن ما فيش لازمة للتهكم او التشكيك في نيته أو إفتراض أشياء في علم الغيب

كل واحد أدرى بظروفه وكمان هل هو عامل الموضوع وحاططلها ولا لأ دي مش قضيتنا طالما هو قال في بداية سؤاله إنه فولها تمانين يبقى نفترض حسن النية والصدق ونتحاور معاه على هذا الأساس

بعدين انا نزلت مصر اليومين اللي فاتوا وانا من المنيا ولقيت كل الناس جايبه عربيات جديدة وكلهم سواء ملاكي أو تاكسي بيفولوا بنزين تمانين وأنا للأمانة شفت الكلام ده في الهيونداي الفرنا الجديدة والشيفروليه الأفيو وكمان أوبل فكترا موديل سبعة وتسعين وقولت صاحب الأفيو انت كده بتهلك السيارة قاللى أديني سنتين من ساعة ما جبتها لا الموتور صقف ولا صوته علي ولا حاجة من اللي بيقولوا عليها وماشية معي كويسه جدا

وانا عن نفسي أخدتها منه وسوقتها خمسين كيلو ما حسيتش بفرق

يمكن لأن السرعات في مصر بقت بطيئة لوجود مطبات حتى على الطرق السريعة أو يمكن حسب رجلين السواق وطريقة قيادته

ده اللي أعرفه والله أعلم

المشاركة الأصلية كتبت بواسطة cementman

هو ليه الهجوم الشديد على الراجل ؟؟؟
كل واحد حر فى عربيته!!!!

اكيد كل واحد حر طبعاً

بس برده ما ينفعش احط بنزين 80 في عربيتي واعمل اعلان عن بيعها وألبس الي هايشتريها الغلط الي انا عملته فيها لانه غالباً مش هايكون صريح ويقوله انا كنت بحط للعربية بنزين 80 وهي المفروض يتحطلها اقل حاجة 91 وإلا مش هاتتبعاع ولا ايه؟؟

ولو افترضنا انه قال للي هايشتري انه بيمون بنزين 80 تفتكروا لو حد من حضراتكم الي كان هايشتري كان هايرضى يشتريها؟؟؟

جرب تحط سولار عشان يبقي اسمك وفرت