اقتباس المشاركة الأصلية كتبت بواسطة cryptonx مشاهدة المشاركة
طبعا الناس هنا سردت كل حاجة ممكن تتقال كتر خيرهم .

انا بس حقول نقطة زيادة في اختيار سيارة من الاتنين ...

اختيار اي سيارة من دايهاتسو ... حقتبس كلام من جيريلي كلاركسون مرة ... انه اختيار عقلي او منطقي مش مبني على حب , مبني على عملية و نطرية و حسابات رياضية .

و ده لا يسيء للسيارة في شيء بالعكس اكيد ملاكها بيحبوها .

بس لما تقارنها بسيارة ايطالية ...

لو اختارت الايطالية .. يبقى لسبب وحيد بس انك " وقعت في حبها " اذا كانت فيات او الفا او خلافه ...

يعني ممكن تكون عارف ان السريون اختيار " عملي " اكتر ... بس متقدرش تقاوم انك تبص على الايفو مثلا او تشتريها ..

و ده كان ناس كتيرة في المنتدى هنا بتتريق على بتوع فيات ... لما نعد نقول الروح و الاحساس و الصورة ... وللاسف دي حاجة غايبة عن معظم السيارات الاسيوية .في الفترة الي فاتت .

و ايه فكرك ان ناس مش معاها الايفو اصلا ... بس ببتحلف بيها حتى لو مجربهاش او قراء عنها ؟؟؟
- هي دي ايطاليا و هي دي الروح و الحب الي بينتج من سيارة ايطالية .

--

حتى لسيارات اقل جمالا بكثير من الايفو ... او اقدم ... لو قارنتها بسيارات في نفس الفترة الزمنية حتلاقيها اجمل واشيك .

يعني الى يومنا هذا ... مين هنا ميتمناش يركب الفا 147 ؟

شوف عربية نزلت من 2000 او 2001 ... و مازال شكلها عصري و جميل جدا الى يومنا هذا !!!!

---

هل اختيار سيارة مبني على حب فقط او انجذاب او روح ... هو شيء صحيح ؟ ممكن تطلع عملية كمان ؟ ممكن متطلعش ؟

هل اختيار سيارة مبني على عملية فقط دون الاعجباب بيها شيء صحييح ؟

اسئلة تسالها لنفسك و انت بتجيب العربية .. و تشوف انت دماغك ايه و احتياجك لايه بالظبط .
كريم باشا...انت قلت كلمتين جامدين قوي ..فعلا انا حاسس بكده !!!
فعلا ممكن تختار عربية لاسباب عملية بحته بغض النظر عن اي حاجة تانية و في عربيات انية تركبها و تبقي مبسوط بيها جدا و مش متخيل انك تركب غيرها و انت مش عارف ايه السبب....

انا من الناس اللي اول حاجة لازم اقبلها في عربية الشكل و الستايل بتاعها و بعد كده نتكلم في اي حاجة تانية و نشوف تنفع ولا لأ....يعني لو عربية شكلها مش عاجبني و في كل المميزات اللي في الدنيا صعب اجبها لان دي حاجة هاشوفها كل يوم و هاقضي وقت كبير جواها لازم اكون منجذب ليها في الاول و بعدين نشوف هي تنفع ولا لأ

نفس نظرية اختيارك للملابس....في واحد عايز اللبس العملي...المريح....سعره معقول...مش محتاج مكواه
و في ناس تحب تلبس ماركة معينة...ة استايل محدد...ومستعده تدفع سعر اعلي رغم ان ممكن الكلابس دي تكون مش عملية و محتاجة عناية و محافظة اكتر....ده صح و ده برده صح...و انا مقتنع ان كل واحد يليق عليه لبس معين و عربية معينه مش لازم كلنا نلبس نفس اللس و نركب نفس العربيات
الهدف من الموضوع ده مش ان احنا نقول من احسن...الهدف اننا من خلال المناقشة و الخلاف و الجدال نكشف العربيتين لصاحب السؤال عشان هو يعرف ايه احسن ليه هو مش ايه احسن للناس اللي مشاركة