الف مبروك شكلها حلو انا عندى واحد بس شماسة
عرض للطباعة
الف مبروك شكلها حلو انا عندى واحد بس شماسة
الشاشة روعة و فعلا لايقة جدا جدا علي العربية
الصور مش باينه لييييه ؟
الصور مش باينة
لان فى مشكلة فى موقع img shack والمشكلة دى عند كل الاعضاء اللى رافعين على الموقع بتاع ايمج
وحتلاقى الحال دى على اغلب الاعضاء هنا وفى كل المواقع الاخرى
وباذن الله المشكلة ترجع تتحل عندهم , عشان دى كارثة بامانة , وتعب ناس كتير راح هدر فى الحكاية دى
ربنا يكرم باذن الله ويسر الحال
أستاذنا العزيز بيشوى
مبروك على الشاشة شكلها حلو جداً ربنا يبارك لك فيها، بس أنا كان لى ملاحظتين:ـ
أولاً: إنت فعلاً كنت عايز تبيع السيارة الصنى وليه هى زعلتك فى حاجة؟؟ ده أنا اشتريتها على حسك يا باشا.
ثانياً: الصورة الأولى فيه شئ مربوط فى المفتاح ونازل من الزجاج الأمامى يا ترى إيه ده؟؟!!!!
ومرة أخرى تقبل مرورى وألف 1000 مبروك.
شكرا على المعلومات دى بس الحقيقه منظرها مش حلو ,ممكن لو ركبت فى السقف يبقا افضل
كمان دى ميه فى الميه هتتسرق , لأن الحراميه مبيغلبوش و هيكسروالزجاج و ياخدوها و فى راى ان مش المشكله ان الشاشه تتسرق لكن المشكله فى انك بتلفت الناس لعربيتك و دا ممكن يخليها كلها تتسرق
اخر حاجه و اهم حاجه انتا كدا بتعرض حياتك للخطر , بالتاكيد عنيك هتفضل رايحا جايه ما بين الطريق و الشاشه , صدقنى دا يعتبر جريمة فى حق نفسك و اسرتك لأنك عارف شوارعنا عامله ازاى و الناس بتسوق ازاى
و علشان اؤكد لك على كلامى دا , تخيل نفسك ماشى فى طريق سفر و بسرعه عاليه و قدامك واحد مركب الشاشه دى و سايق , هتكون قلقان و انتا بتعدى من جمبه ولا لأ ؟
نصيحتى انك تركز فى الطريق
الله يبارك فيك استاذ harizy و اعتبرها بتاعتك.
أولا بالنسبة لبيع العربية ديه اشاعات مغرضة .. هو اصلا في عربية محترمة زي النيسان في السوق .. تاكد ياباشا انها اشاعات و النيسان هي النيسان و مفيش بعد كده
ثانيا بالنسبة للي مربوط دا عبارة عن دلاية لريال مدريد و دلاية لنوكيا و متشعبط فيها حيوان الكوالا المشهور في استراليا :)
الله يبارك فيك مرة تانية
ههههه بصراحة حضرتك اول عضو يقول ان منظرها مش حلو بس عارف انا كنت بفكر فعلا اني اركبها في السقف و لما قررت اعملها لاقيت اني لازم افك السقف و اركب فيبرة تحتيها عشان الشاشة تمسك في الفيبرة كويس فكبرت دماغي من الموضوع ده
بالنسبة للسرقة الحمدلله الشاشة عشان سهلة التركيب في ثواني معدودة فأنا مش بركبها غير في السفريات بس و دايما حاطتها في شنطة العربية و لما بسافر مع الاسرة في سفريات طويلة فبقوم مركب الشاشة
اما بالنسبة اني مش مركز في الطريق و بركز في الشاشة يبقي لازم حضرتك تراجع تاني الموضوع اللي انا كاتبه و تعرف ان الشاشة ديه انا مش مركبها عشاني اد ما انا مركبها عشان اشغل الناس عني
و بعدين حضرتك هي مش جريمة ولا حاجه لأن اذا كنت انا مركب الشاشة ففي عربيات كتيرة نازلة بالشاشات ديه طبيعي
و علي العموم انا بشكر حضرتك بالنصائح الغالية ديه
جميله جدا