السلام عليكم
يقوم بعض الازواج بمنع زوجاتهم من زياره ابويها و اخواتها و هو حرام طبعا
بي ليه؟
عرض للطباعة
السلام عليكم
يقوم بعض الازواج بمنع زوجاتهم من زياره ابويها و اخواتها و هو حرام طبعا
بي ليه؟
حتي لو هو كاره اهلها مبيروحش بس يسيبها تروح لاهلها حتي لصله الرحم مش اكتر
لان زيارتها ليهم هتكون مضرة ببيته
يعنى بيعصوها عليه مثلا
بيقولوها بلاش لبس محتشم وافرحى بشبباك
اطلقى ونجوزك جون ترافولتا ولا احمد عز
هوه المفروض لا يمنعها
بس في زوجات
يعني ياساتر عليها
كل شويه عايزه تروح عن اهلها
ملحوظه صغنونه
انا مش متجوز
دي فتوى تخص الموضوع ده
إسلام ويب - مركز الفتوى - هل للزوج أن يمنع زوجته من زيارة والديها؟
النص:
الحمد لله والصلاة والسلام على رسول الله وعلى آله وصحبه أما بعد:
فالأصل هو قرار المرأة في بيتها، وطاعتها لزوجها، كما قال تعالى: ( وقرن في بيوتكن) [الأحزاب:33] وقوله صلى الله عليه وسلم: " لو كنت آمراً أحداً أن يسجد لغير الله لأمرت المرأة أن تسجد لزوجها، والذي نفس محمد بيده لا تؤدي المرأة حق ربها حتى تؤدي حق زوجها كله، حتى لو سألها نفسها وهي على قتب لم تمنعه". رواه أحمد وابن ماجه بسند حسن وهو عند الترمذي إلى قوله: " أن تسجد لزوجها" إلى غير ذلك من النصوص.
واتفق الفقهاء على جواز خروجها بلا إذن زوجها عند الضرورة والحاجة التي لا بد منها، كخوف هدم وعدو وحريق وللاستفتاء في مسألة تحتاجها إذا لم يغنها الزوج في ذلك.
واختلف الفقهاء في خروجها لزيارة أهلها وعيادتهم، فذهب الحنابلة إلى أن للزوج أن يمنعها من ذلك، وأن عليها أن تطيعه حينئذ. قال أحمد في امرأة لها زوج وأم مريضة: طاعة زوجها أوجب عليها من أمها إلا أن يأذن لها.
إلا أنهم قالوا: يستحب للزوج أن يأذن لها في الخروج لما في ذلك من صلة الرحم، ولما في منعها من قطيعة رحم، وربما حملها عدم إذنه على مخالفته.
وعندهم: لا يملك الزوج منعها من كلامهما، ولا يملك منعهما من زيارتهما لها ، إلا مع ظن حصول ضرر بسبب زيارتهما فله أن يمنع دفعاً للضرر.
واستدلوا بما رواه ابن بطة في أحكام النساء عن أنس: أن رجلاً سافر ومنع زوجته الخروج، فمرض أبوها فاستأذنت رسول الله صلى الله عليه وسلم في حضور جنازته فقال لها: اتقي الله، ولا تخالفي زوجك، فأوحى الله إلى النبي صلى الله عليه وسلم أني قد غفرت لها بطاعة زوجها".
وذهب الحنفية والمالكية إلى أنه ليس للزوج أن يمنعها من زيارة والديها، قال الزيلعي في تبين الحقائق: قيل لا يمنعها من الخروج إلى الوالدين إلخ. قال الكمال: ولو كان أبوها زمنا (مريضاً) مثلاً، وهو يحتاج إلى خدمتها، والزوج يمنعها من تعاهده فعليها أن تعصيه، مسلماً كان الأب أو كافراً.
وقيد بعض الحنفية بما إذا لم يقدر الأبوان على إتيانها.
وعند المالكية: لو حلف أن لا تزور والديها حنث، وقضي لها بالزيارة إن كان والداها في نفس البلد.
بشرط أن تكون مأمونة، والأصل حملها على الأمانة حتى يظهر خلافها.
واختلف في المدة التي تزور الزوجة فيها أبويها:
فقال المالكية: يقضى لها في الجمعة مرة.
وإلى هذا ذهب جماعة من الحنفية، لكن قال ابن الهمام ( ينبغي أن يأذن لها في زيارتهما في الحين بعد الحين على قدر متعارف، أما في كل جمعة فهو بعيد، فإنه في كثرة الخروج فتح باب الفتنة، خصوصاً إذا كانت شابة والزوج من ذوي الهيئات) انتهى.
والحاصل أنه ليس للزوج أن يمنع زوجته من زيارة والديها مطلقاً في قول جماعة من أهل العلم إلا أن يكون في ذهابها إليهما ضرر ومفسدة.
وعلى الزوج أن يعلم أن في سعادة زوجته واطمئنان بالها وخاطرها على والديها سعادة له ولأبنائه. وأنه ينبغي له أن يعين زوجته على الطاعة، ومنها: برها بوالديها، والقيام على رعايتهما عند الحاجة.
وفي زيارة الزوج والزوجة وأبنائهما لهؤلاء الأرحام تقوية للأواصر، ودعم للألفة والمحبة، وتنشئة للأبناء على البر والإحسان، وغير ذلك من الفوائد التي يُحْرَم منها الزوج وأبناؤه بسبب القطيعة.
والله أعلم.
على فكره...
لو أمر الزوج زوجته انها ماتزورش اهلها, او لا تصادق فلانه, او اي امر
غير الشرك بالله سبحانه و تعالى, (وجب) على الزوجه ان تطيع امر زوجها...
لو كان امره هيخليها تقطع صلة الرحم بينها و بين اهلها, فهو اللي هيشيل
الذنب ده كااااملاً, و ليس عليها اي لوم على الاطلاق... لكن ممكن تتناقش
معاه في الاسباب (بهدوء) مش بعند و تحاول ترضيه و تحل الموقف بحكمه...
اما عن الاسباب... فالاسباب كتييير, ممكن تكون بسبب ان الاهل بيلعبوا
بدماغ بنتهم, او بيعصوها على جوزها, و ممكن يكون السبب انه مثلاُ
مش بيحبهم او مش عايزها تختلط بيهم... و ممكن يكون هو انسان عنده
مشكله في الاختلاط و الاجتماعيات و عايز مراته زيه, و ممكن يكون
فرض رأي و بدون اي سبب و هو كده و دماغه راكبه شمال..........
الاسباب كتيير و بتفرق من شخص للتاني و من حاله للتانيه... لكن لا نقاش
على ان الزوجه (ملزمه) انها تطيعه الطاعه الكامله في امره مهما كان, إلا في حالة
ان يطلب منها الشرك بالله سبحانه و تعالى (استغفر الله), ساعتها تعصى امره...
في الآخر هو اللي هيتحاسب على امره لزوجته, و زوجته هتاخد ثواب على الطاعه...
ربنا يهدينا جميعاً...
يعني اكيييييد اكييييييييييد مش هيكون ده القصد ابداً, و مستحيل لو فكرت شويه في كلامي ان يبقى قصدي كده..!!!
و يا سيدي الفاضل لو خانني التعبير فالقصد عموماً ان العصيان يكون على كل ما حرمه الله,
و اكييييد مش هاجي انا و هحلل ما حرمه الله حتى لو كان امر من الزوج لزوجته و مهما كان...!!!
حضرتك بتقولني كلام انا ماقلتوش و لا هقوله, و حللت كلامي بشكل غريب جداا..!!!!
رجاء خاص جدااا نفترض حسن النيه في المواضيع الحساسه و الخاصه بالدين منعاً لحدوث سوء تفاهم
هنكون بكل تأكيد في غنى عنه, و خصوصاً لو الموضوع بديهي و مش محتاج شرح...
تروح لاهلها طالما بتسمع كلامى لو قلت لها لا تذهبى لاهلك لا تذهب
وبالنسبه للزوج اللى مش حابب يزور بيت اهل زوجته ميروحش
بس خلى بالك سوف تصبح واحده بواحده ليه
لان النساء ناقصات عقل ودين
ناقصات عقل لانهم مندفعين فى اتخاذ القرارات المصيرية
ناقصات دين للذكر مثل حظ الانثيين
يا غازي باشا حسن النية موجود طبعا بدون أدنى شك، وانا متأكد ان زي مانت قلت (خانك التعبير)
وانا بس حبيت أوضح المسأله عشان محدش يفهمها خطأ، لأن صدقني في ناس كتير وخصوصا اللي سنهم صغير ممكن ياخدوا الكلام زي ما هو ويترسخ في دماغهم وهما فاهمينوا خطأ بسبب انه مكانش واضح 100*100
واسمحلي(والاختلاف في الرأي لا يفسد للود قضية) أنا مختلف معاك في جزئية الموضوع بديهي ومش محتاج شرح
انا شايف حضرتك ان المسائل الفقهية مينفعش تتقال باختصار، بل بالعكس لازم تتشرح باستفاضة منعا لسوء الفهم. حتى لو كانت بسيطة جدا وذلك لأن مش كل الناس درجة استيعابها واحده.
فعلا حسن النيه كان موجود انا لاحظته, بس هوا حب يوضح علشان محدش يفهم غلط و الحمدلله اننا بنصوب بعضينا باخويه و تفاهم.
فعلا منع الزوجه من زيارة اهلها حق للزوج بس مكروه التعسف في استغلال السلطه لأنها تولد الكره و البغضاء بين الزوجين و قد تؤدي الى عواقب عكسيه! دا غير ان الزوج دلوقتي هوا اللي بيسمع الكلام فالموضوع ده من اساسه ملوش لازمه لأن لو فكر يقولها متروحيش لامك النهارده حتبقى وقعت امه هي اللي سوده
حصل خير يا باشا, و الود موجود مهما حصل بكل تأكيد...
شكراا جزيلاً, و جزاك الله خير...
تقبل تحياتي...
ههههههههههههههههههههههههه هههههههه.... انت قتلتني ضحك والله
و فعلا التعسف غير مقبول, و مش المفروض ان الراجل يستغل القوه اللي ربنا وهبهاله شرعاً
في التشدد او التعسف مع زوجته... او استغلالها بشكل سئ... لان فين الصداق و الود اللي اشهد الله
عليه وقت كتب الكتاب و الزواج..؟؟ و فين القول الحسن و المعاشره الطيبه..؟؟؟
كل شئ باعتدال بيكون الافضل اكيييد, و مع ذلك بردو لو هو انسان دماغه راكبه شمال و فاهم
صلاحياته غلط و امرها ماتزورش اهلها, ما عليها إلا الطاعه, و هو اللي هيتحمل ذنب انقطاع صلة الرحم...
تقبل تحياتي يا باشا...
سبب الموضوع تحليل شخصيه الزوج اللي بيمنع زوجته من زياره اهلها
و يحبسها في البيت ؟
مهو لو خايف من تاثير اهلها عليها مش هيقدر يمنعها من الموبيل
طب ليه بيعمل كده؟
خايف لا تروح مترجعش؟ مهي كده هتكرهه
و لا مريض نفسي و بيتعامل مع الزوجه مش بعطف و حنان لا بامتلك و امر و نهي؟
مفيش دكتور نفساني يفيدني في تحليل الشخصيه دي
بصراحة انا مش بحترم الي يعمل كدا
دا مش جواز دي علاقة مش صحية
المفروض ان الزوج يعين زوجته على البر بأهلها مش يمنعها من زيارتهم لكن لو الزيارة ده هتأثر بشكل سلبى على العلاقة بينه و بينها يبقى المفروض يوازن بين عدم القطيعه الكامله والتداخل السافر فى الشئون الداخلية للاسرة و ده كلة ييجى بالتفاهم بين الزوجين لان الاهل فى كل طرف مفترض فيهم حسن النيه و لا يريدون خراب البيت لكن نصايحهم للزوج او الزوجه ممكن تكون هى سبب الخلافات علشان كده بأكد ان الطرف التالت فى العلاقه الزوجيه لن ينال الا الرواسب النفسيه السيئه التى ستنعكس على الزوج او الزوجة مستقبلا ولابد ان يتفهم نوايا الاهل لكل الزوجين بدون تجنى او تعسف ""
و يحضرني القول الجميل "" اذا ساءت ظنون المرء ساءت افعاله ""