انهيار سقف قاعه المحروسه وتحول الفرح لجنازه !!!!!!!!

حد سمع عن الخبر ده ان سقف قاعه فندق المحروسه التابع للقوات البحريه سقط اثناء اخر عشر دقائق فى فرح وتحول الفرح لجنازه بوفاه بعض المعازيم واصابه العريس والعروسه
وفيه ناس حتى الان فى العنايه المركذه

انا سمعت الخبر وافتكرته اشاعه
ومصدقتش غير لما عملت بحث على جوجل واكتشفت ان الخبرحقيقه

وصدقته اكتر لما والدتى طلعت تعرف العروسه و اكدت لى الخبر

هل يعقل ان حاجه زى دى تحصل فى مكان محترم زى ده ومن اكبر الاماكن فى البلد

لا والعجيب ان الموضوع اتقفل عليه ومحدش عرف

حسبى الله ونعم الوكيل يعنى انا مش عارف اقول ايه حتى الاستهتار وصل للاماكن دى وحياه الناس رخيصه اوى كده

لو الموضوع حقيقي
يبقي تبع الجيش
والجيش دائما مشاكله تحل داخليا وبدون شوشره
واكيد لو القاعه حديثه العقاب سوف يكون شديد علي من انشائها

لا حول ولا قوة الا بالله

نادي القوات البحرية اللي علي النيل ؟ اللي اسمها استراحة قاصد كريم ؟؟

قصدك علي فندق المحروسة ألي في مصطفي كامل علي البحر
لا حول ولا قوة الا بالله

فعلا الخبر ده صحيح والكل الناس هنا في الاسكندرية بتتكلم علية وربنا يستر

مش ده اللي جنب سان لوران ؟؟

لا حول ولا قوه الا بالله...العريس دا محظوظ فرحو مش هيتنسي ابداا

ياخساره انا كنت بحب نادي المحروسه ده جدا جدا
وامارحت فيه السنه اللي فاتت كانوا عاملين تجديدات شامله علي الكافيتيريا اللي عالبحر
بس غريبه اوي ان سقف القاعه يقع
ليه معمول من ايه ده
بسكويت بالعجوه؟

اقتباس:

---

المشاركة الأصلية كتبت بواسطة نور القمر

مش ده اللي جنب سان لوران ؟؟

---

هو يا نور
بس قاعة الافراح مش اللى اتقابلنا قدامها
لا هو فى اكتر من قاعة بداخل الفندق وكلها قاعات تحفة بصراحة
ومش متخيلة ازاى ممكن يكون السقف وقع
لان المفروض ان فى ادوار للفندق فوق القاعات !!!!!!!!!!!

اقتباس:

---

المشاركة الأصلية كتبت بواسطة otefa

قصدك علي فندق المحروسة ألي في مصطفي كامل علي البحر
لا حول ولا قوة الا بالله

---

لا ده فى لوران عالبحر مش مصطفى كامل

الاخبار دى منقوله من بعض المواقع الى اتكلمت عن الحادث
وفى الخبر الاول بيقولو انه سقف متحرك

اقتباس:

---

تلقى قسم شرطة المنتزة ثان بلاغ من احد المواطنين يفيد بأنهيار سقف متحرك باحدى قاعات الافراح بفندق المحروسه على 15 فرد من المعازيم.
بالانتقال والفحص تبين صحة البلاغ وسقوط سقف القاعه على المعازيم مما أسفر عنه أصابه 15 فرد على الفور تم نقلهم الى المسشفى لتلقى العلاج.

---

اقتباس:

---

انهار سقف احدى قاعات الافراح بفندق المحروسة بالاسكندرية اثناء حفل زفاف اقيم بالفندق ليسقط عدد كبير من الضحيا منهم المصابين والموتا ويتحول الفرح الى كارسة كبرا اثارت الكثير من الجدال فكيف لفندق تكلفت قاعات الافرح به باهظه وزبائنه من الضباط والميثورين تكون اثقف قاعاته ايله للسقوط ويترك بدون ترميم ومن المسؤال عن هذا الاهمام الكثير من التفاصيل حتى الان مازالت مبهمه حيث تم منع الصحفين تمام من اخذ الاحاديث او التقاط الصور الا بعد انتهاء التحقيق

---

اقتباس:

---

المشاركة الأصلية كتبت بواسطة baskota

هو يا نور
بس قاعة الافراح مش اللى اتقابلنا قدامها
لا هو فى اكتر من قاعة بداخل الفندق وكلها قاعات تحفة بصراحة
ومش متخيلة ازاى ممكن يكون السقف وقع
لان المفروض ان فى ادوار للفندق فوق القاعات !!!!!!!!!!!

---

اعتقد ممكن تكوني فهمتي غلط يا بسكوته, لان مش القصد ان السقف الخرسانه هو اللي وقع,
اكيد المقصود ان السقف المعلق (او المستعار) هو اللي وقع, و ده بيكون نتيجة اهمال في التركيب
و استرخاص في الخامات و خصوصاً في الصاج الخاص بالتثبيت و سمكه...

او ان ده من تأثير الرطوبه و الاملاح على المدى الطويل, صاج التثبيت تآكل و السقف وقع...

يمكن اكون غلطان, و يكون فعلاً السقف الخرسانه هو اللي وقع, بس ده صعب جداااااااااااااااا...

يا ريت اللي عنده تفاصيل اكتر يفيدنا بيها...

اقتباس:

---

المشاركة الأصلية كتبت بواسطة funnymickey

ياخساره انا كنت بحب نادي المحروسه ده جدا جدا
وامارحت فيه السنه اللي فاتت كانوا عاملين تجديدات شامله علي الكافيتيريا اللي عالبحر
بس غريبه اوي ان سقف القاعه يقع
ليه معمول من ايه ده
بسكويت بالعجوه؟

---

متروحش الكافيه ده تانى بقى يا صبحى ولا انا حروح هناك تانى عارف ليه

فوقها حمام سباحه

يعنى وانت قاعد ممكن تلاقى حمام السباحه بالناس الى فيه قاعدين جنبك :36_7_7[1]:

اقتباس:

---

المشاركة الأصلية كتبت بواسطة ghazy12

اعتقد ممكن تكوني فهمتي غلط يا بسكوته, لان مش القصد ان السقف الخرسانه هو اللي وقع,
اكيد المقصود ان السقف المعلق (او المستعار) هو اللي وقع, و ده بيكون نتيجة اهمال في التركيب
و استرخاص في الخامات و خصوصاً في الصاج الخاص بالتثبيت و سمكه...

او ان ده من تأثير الرطوبه و الاملاح على المدى الطويل, صاج التثبيت تآكل و السقف وقع...

يمكن اكون غلطان, و يكون فعلاً السقف الخرسانه هو اللي وقع, بس ده صعب جداااااااااااااااا...

يا ريت اللي عنده تفاصيل اكتر يفيدنا بيها...

---

صح يا غازى الخبر المنقول الاول ده بيقول انه سقف متحرك فعلا يعنى مش الخرسانه

هو فعلاً السقف معلق مش سقف خرساني وكان لسة متركب جديد وكويس أنه مش السقف الخرساني اللي وقع والا كانت النتائج هتبقى كارثية وحصل تعتيم رهيب على الحكاية .

اي حاجه ....خصوصا شغل الاستيل و الصاج والديكور من غير صيانه هتقع
حتي لو اللي كان عاملها في الاول خبراء اجانب مش جيش ...
كمان متتغروش في حاجات الجيش قوي كده كله زفت

اقتباس:

---

المشاركة الأصلية كتبت بواسطة misoalex

صح يا غازى الخبر المنقول الاول ده بيقول انه سقف متحرك فعلا يعنى مش الخرسانه

---

شكراا يا خميس بك على الخبر و تأكيد المعلومه...

و ربنا يصبر اهل اللي ماتوا, و يشفي اللي اتصابوا يا رب...

بس احساس في قمة الصعوبه ان يوم فرحك يحصل حادثه زي كده, و تكون ذكرى سيئه مدى الحياه..!!

شئ صعب جدااا ان يتحمله انسان, و ربنا يكون في عون العريس و العروسه و اهلهم...

اقتباس:

---

المشاركة الأصلية كتبت بواسطة misoalex

متروحش الكافيه ده تانى بقى يا صبحى ولا انا حروح هناك تانى عارف ليه

فوقها حمام سباحه

يعنى وانت قاعد ممكن تلاقى حمام السباحه بالناس الى فيه قاعدين جنبك :36_7_7[1]:

---

والله انتا متعرفش انا بحب النادي ده اد ايه
النادي ده كان زمان حاجه كده ملهاش حل
لولا ان ابويا ظابط مكناش شمينا ريحته
كان ممنوع للمدنييين نهائيا
ونبقي قاعدين كده وحوالينا ظباط البحريه شكلهم يفرح
وكان البسين يبقي فاااااضي
عشان مفيهوش مستويات
غويط بس
كان بيكون ليا انا لوحدي

يااااااااااااااه علي الايام الحلوه
احلي 6 شهور في حياتي

اهو بطلت اروح السقف وقع
شوف بقي لو سافرت ياميسو

شفت بقي ان انا سبب رخاء الشعب المصري
:36_7_7[1]::36_7_7[1]:

اقتباس:

---

المشاركة الأصلية كتبت بواسطة cheetos_892005

اي حاجه ....خصوصا شغل الاستيل و الصاج والديكور من غير صيانه هتقع
حتي لو اللي كان عاملها في الاول خبراء اجانب مش جيش ...
كمان متتغروش في حاجات الجيش قوي كده كله زفت

---

للاسف يا باشا السقف المعلق مالوش صيانه طالما المشكله في نظام التعليق, يبقى ماينفعش غير الاحلال
و تركيب صاج جديد و نظام كامل جديد, لان القديم متهالك و لا يصلح...

او لو كان جديد, يبقى تم استخدام خامات غير مناسبه من حيث المواصفات و الجوده, و التركيب كان باهمال

الفكره بتكمن في التوصيف السليم للخامات المبني على معرفه و درايه تامه بوظيفة القاعه دي, و الإلمام بكل
ما هو محيط سواء الجو, او الاحمال, او الاهتزازات نتيجة استخدام سماعات كبيره في الافراح
و بتكون ليها شدة صوت كبيره و اهتزازات اكبر في كل القاعه... كل دي عوامل تؤثر على
اختيار المواد و الخامات المناسبه, و سمكها, و جودة خامتها, و قوة تحملها, و كمان يكون معمول
حساب لعوامل امان اعلى من اللي على قد استخدام القاعه فقط...

ده غير ضمير المقاول اللي بيركب الشغل ده, و اللي للاسف انعدم خلاص...

والله انا بشوف مهاااازل في مواقع بره, و بتكون مشروعات كبيره, و البعض منها حساس (زي مستشفى مثلا)

ربنا يهدي الجميع, و يا ريت الضمير و اجادة العمل تكون قبل المكسب الكبييير في اقل وقت ممكن...

تقبل تحياتي يا باشا...

الواحد لما بيكون في فرح وفيه مسخرة زيادة ورقص وحاجات اوفر اوى بيبقى خايف غضب ربنا ينزل عليه في الوقت ده
ربنا يهدي

الحمدلله انها جت عالسقف المعلق
شكرا غازى وميسو عالتوضيح

اقتباس:

---

المشاركة الأصلية كتبت بواسطة ghazy12

شكراا يا خميس بك على الخبر و تأكيد المعلومه...

و ربنا يصبر اهل اللي ماتوا, و يشفي اللي اتصابوا يا رب...

بس احساس في قمة الصعوبه ان يوم فرحك يحصل حادثه زي كده, و تكون ذكرى سيئه مدى الحياه..!!

شئ صعب جدااا ان يتحمله انسان, و ربنا يكون في عون العريس و العروسه و اهلهم...

---

العفو يا غازى

والدتى بتقوللى العريس كان عاوز يعمل الفرح فى مسجد

العروسه رفضت وقالتله انا عاوزه فرح كبير الناس كلها تحكى عنه

اهو مصر كلها بتحكى عنه دلوقتى :stink[1]:



فعلا احساس صعب جدااااااااا والاصعب ان الى ماتو دول من اصدقائك واقاربك و احبابك وجايين يفرحو معاك ويفرحوك وفجأه فى دقائق كل شيء يتحول لكارثه

اقتباس:

---

المشاركة الأصلية كتبت بواسطة baskota

الحمدلله انها جت عالسقف المعلق
شكرا غازى وميسو عالتوضيح

---

العفو يا بسكوته بس مفرقتش كتير سقف معلق من ثابت المهم الخساير ايه
انا لما سمعت الموضوع مصدقتش انه فيه خساير بشريه وناس اتوفت

لا وايه ولا حس ولا خبر ولا حد عرف
تحيا مصر

اقتباس:

---

المشاركة الأصلية كتبت بواسطة funnymickey

ياخساره انا كنت بحب نادي المحروسه ده جدا جدا
وامارحت فيه السنه اللي فاتت كانوا عاملين تجديدات شامله علي الكافيتيريا اللي عالبحر
بس غريبه اوي ان سقف القاعه يقع
ليه معمول من ايه ده
بسكويت بالعجوه؟

---

وحش الافيه ده
متقولوش تاني
ههههههههههههه:ma(30)::B4_556:

لا حول ولا قوه الا بالله

اقتباس:

---

العريس كان عاوز يعمل الفرح فى مسجد

العروسه رفضت وقالتله انا عاوزه فرح كبير الناس كلها تحكى عنه

اهو مصر كلها بتحكى عنه دلوقتى http://www.nilemotors.net/nile/image...ink%5b1%5d.gif

---

دا مش كل الناس هتحكي عنو بس...دا هيخش موسوعه جينيس...بس اازاي يعمل فرح في مسجد؟؟؟ بتهيألي مينفعش!!