اخوانى محبي البيتلز

انا الحمد لله ركبت اشعال الكترونى بعد ما اخدت مقلب من الابلتين فى مطلع كوبري فيصل
وفعلا طلع جميل جدا يستاهل اكتر بكتير من ثمنه
والفضل طبعا لاخويا وحبيبي المهندس احمد حسن وراني اركبه ازاى
وفعلا العربية فرقت جامد جدا من ناحية الاداء

التعديل التاني انى ركبت طلمبة بنزين كهرباء
انا بفكر فى التعديل ده من زمان لان العربية بتدور بالعافية فى الشتاء او لما بسيبها يومين من غير تشغيل
ففي حد هنا فى المنتدى كان جايبها من برة وكلفته حوالى 700 الى 800 جنيه

انا بقي عملت التعديل ده ب 150 جنيه فقط شامل قيمة الطلمبة والمصنعية

وان شاء الله الفترة الجاية هختبرها واشوف استهلاك البنزين والمشاكل اللى ممكن تحصل
وهبقي اعملكوا تقرير مفصل

---------------------
محمد سالم