باركولى ركبت مرايات كهرباء وضم

**shaker_alz** · 24-10-2011 04:05 AM

باركولى ركبت مرايات كهرباء وضم
اخيرا بعد عناء يومين طلع عينى
المهم
الحمد للة
بس بصراحة موضوع تحفة

**SASA3** · 24-10-2011 04:09 AM

الف الف مبروووووووووووك

و ايه الاخبار تماما معاك و الرؤية dvd :)

منين و بكام و عملت فيها تعديل قبل ما تركب ولا ايه احكى احكى

اصلى كنت هجيب واحده بس الموضوع مكملش

**eldell** · 24-10-2011 04:13 AM

الف مليوووووووون مبروك اولا بس ياريت تقولنا الموضوع من اوله وخصوصا حوار المرايات الضم

**shaker_alz** · 24-10-2011 04:30 AM

بص يا معالى الوزير
جبتهم من عند بتاع الاستيراد بالزرار بتعهم
وطبعا الزرار فية ضم مش كهربا فقط
ورحت للكهربائى وعملهم ضفيرة المراية اليمين والشمال للزرار وجاب قطعة غريبة من عندة ركبها أد الموبيل الصغير او اد البطارية تقريبا مكثف او كتاوت مش عارف
وطلع عينى طبعا لانى يوم كامل من الساعة 4 ل 10 بليل عند الكهربائى لآنى كنت عاوز زرار الضم يشتغل لوحدة ولو انا ناسى المراية مفتوحة اول مدوس على زرار الانزار فى الريموت بتاع المفتاح المرايات تضم
والحمد للة خلصت من عند الكهربائى

طبعا الرؤيا زفت لان ابعا المرايات مش صح لان المرايات دى بتاعة دركسيون يمين

تانى يوم الى هوة النهردة رحت لبتاع المرايات ونقل المرايات الكهربا على قعدة المرايات القديمة المانيوال علشان الابعاد تظبط ولطعنى جنبة ساعتين
بس طبعا لازم يطلع مقلب فى الاخر كالعادة
الفيشة الى الكهربائى عاملها طلعت كبيرة على الفتحة الى هوة عملها فى القاعدة بتاعة المراية الى بيعدلها وقطع الفيشة
المهم حوار طلع حلة انى اكتب كل لون سلك مقطوع مع اللون الى كان متوصل بية
ورحت للكهرباى تانى
والحمد للة تمام وخلصت الموضوع
وطبعا خلصت معاة
والموضوع اكلف اول عن اخر

وخرجت منهم على الكار كير لآن العربية من جوة كانت متلحوسة من الصنيعية

مرايات بازرار 300
تعديل المرايات 30
الكهربائى 70
كار كير 15

**SASA3** · 24-10-2011 04:42 AM

المشاركة الأصلية كتبت بواسطة shaker_alz

بص يا معالى الوزير
جبتهم من عند بتاع الاستيراد بالزرار بتعهم
وطبعا الزرار فية ضم مش كهربا فقط
ورحت للكهربائى وعملهم ضفيرة المراية اليمين والشمال للزرار وجاب قطعة غريبة من عندة ركبها أد الموبيل الصغير او اد البطارية تقريبا مكثف او كتاوت مش عارف
وطلع عينى طبعا لانى يوم كامل من الساعة 4 ل 10 بليل عند الكهربائى لآنى كنت عاوز زرار الضم يشتغل لوحدة ولو انا ناسى المراية مفتوحة اول مدوس على زرار الانزار فى الريموت بتاع المفتاح المرايات تضم
والحمد لله خلصت من عند الكهربائى

طبعا الرؤيا زفت لان ابعا المرايات مش صح لان المرايات دى بتاعة دركسيون يمين

تانى يوم الى هوة النهردة رحت لبتاع المرايات ونقل المرايات الكهربا على قعدة المرايات القديمة المانيوال علشان الابعاد تظبط ولطعنى جنبة ساعتين
بس طبعا لازم يطلع مقلب فى الاخر كالعادة
الفيشة الى الكهربائى عاملها طلعت كبيرة على الفتحة الى هوة عملها فى القاعدة بتاعة المراية الى بيعدلها وقطع الفيشة
المهم حوار طلع حلة انى اكتب كل لون سلك مقطوع مع اللون الى كان متوصل بية
ورحت للكهرباى تانى
والحمد لله تمام وخلصت الموضوع
وطبعا خلصت معاة
والموضوع اكلف اول عن اخر

وخرجت منهم على الكار كير لآن العربية من جوة كانت متلحوسة من الصنيعية

مرايات بازرار 300
تعديل المرايات 30
الكهربائى 70
كار كير 15

الصراحة سعرهم حلو اوىىىىىىىى بجد علشان الى هنا قالى بـ450 من غير الزرار و الزرار ب 50 لوحده

المهم بيقفل دلوقتى مع الريموت ولا لا و الرؤيا بقت تمام معاك و المرايا بتتفتح لبرة كويس يعنى لو حبيت ابعدها عن العربيه اكتر ممكن ولا بتقولك لحد هنا و ستوب

انت لما فكيت المرايا تانى علشان تضبط القاعده روحت لميين للى اشتريت من عنده المرايات ولا مين بتاع المرايات ده

و فك القاعده القديمة و تركيبها على المرايا الجديديه سهله ولا ممكن يحصلل حاجه و شعب تتفك و تتكسر و يبقا ضيعنا لمرايتين ؟؟

و الفيشة ده مش ممكن تتجاب فيشة تانية بحجم اصغر ولا اييه

و الى عامل زى الموبايل الصغير ده من عند الكهربائى ولا كنت جايبة معاك

بص انا نفسى اعمل الموضع ده و كنت عاوز الاول اسال حد عمل الحكاية ده الاول و انت جيتلى معلش استحملنى لو تقلت عليك

**M.Elgergawy** · 24-10-2011 10:59 AM

الف مبروك
ربنا يباركلك فيهم

**husseinthemaster** · 24-10-2011 11:05 AM

الف مبروك يا ياشا

**bassem_sams** · 24-10-2011 11:27 AM

الف مبروك و ربنا يباركلك فيهم و فين صور للمرايا و زرار عايزين نشوف حلاوة اللى انت عملتها :)

**Seifmando** · 24-10-2011 11:38 AM

يا فندم 1000 مبروك
وكنت عاوز اعرف فيه منها للبومة

**shaker_alz** · 24-10-2011 12:39 PM

المشاركة الأصلية كتبت بواسطة sasa3

الصراحة سعرهم حلو اوىىىىىىىى بجد علشان الى هنا قالى بـ450 من غير الزرار و الزرار ب 50 لوحده

المهم بيقفل دلوقتى مع الريموت ولا لا و الرؤيا بقت تمام معاك و المرايا بتتفتح لبرة كويس يعنى لو حبيت ابعدها عن العربيه اكتر ممكن ولا بتقولك لحد هنا و ستوب

ايوة ياباشا بيقفل مع الرموت والرؤيا تمام جدا جدا وبتفتح لبرة زيها زى اى مراية عادية بس انا مش فاهم (يعنى اية لو حبيت ابعدها عن العربيه اكتر ممكن ولا بتقولك لحد هنا و ستوب)

انت لما فكيت المرايا تانى علشان تضبط القاعده روحت لميين للى اشتريت من عنده المرايات ولا مين بتاع المرايات ده

رحت ياباشا لواحد بيصلح المرايات

و فك القاعده القديمة و تركيبها على المرايا الجديديه سهله ولا ممكن يحصلل حاجه و شعب تتفك و تتكسر و يبقا ضيعنا لمرايتين ؟؟

هية اى مراية فيها من تحت تلات مسامير فكهم من القاعدة بتاعتهم وركبهم على القاعدة التانية
لآن المراية الى جنب السواق بتبقى مفتوحة ل 90 درجة لاكن التانية بتكون تقريبا 70 درجة وبيكون فيها سنة ميل لتحت
وشوفها فى اى مراية عربية حديثة حتلائى كلامى مظبوط
والى بيظبط الكلام دة القاعدة

اطمن ياباشا انا قبل معمل الكلام دة سالت كويس وشفتها فى عربية واحد صحبى + ان عربية والدى تويوتا كورولا 2007 مرايتة كهربا ضم اكسرت ورحت صلحتها 4 مرات المهم فى الاخر جبنا واحدة جديدة ففكتها وفصصتها و اتأكدت من كل الكلام الى عملتة وبألهولك

و الفيشة ده مش ممكن تتجاب فيشة تانية بحجم اصغر ولا اييه

ايوة ممكن تجبها اصغر بس تكون 5 سلك يعنى خمسة طرف لانى دخت على خمسة طرف صغير ملقتش
المهم الكهربائى قلى روح لبتاع الاستيراد هات منة الضفيرة بتاعة المرايات
لايت الراجل بيستهبل - عدى بكرة وانا حضورلك المهم معجبنيش الكلام ثم حسيت انة بيستعبط علشان يغلى فى سعرهم وانا لما بتظلع فى دماغى حاجة لازم تخلص
فكلمت الكهربائى وقالى روح لبتاع كاسيت او قطع غيار كاسيت وقولة عاوز فيشة كاسيت دكر ونتاية 5 طرف صغير فقالى معنديش غير 6 طرف كبير
فجبتها

و الى عامل زى الموبايل الصغير ده من عند الكهربائى ولا كنت جايبة معاك

لا ياباشا القطعة دى الى جابها الكهربائى---- من جوة من عندة قعد يقطع فى اسلاك وفكها تقريبا من ضفيرة مقطوعة عندة هية للعلم بتخلى المراية تضم ونظريتها زى زرار الزجاج بتاع السواق

بص انا نفسى اعمل الموضع ده و كنت عاوز الاول اسال حد عمل الحكاية ده الاول و انت جيتلى معلش استحملنى لو تقلت عليك

ياباشا ولا يهمك انت تؤمر تحت امرك
وفى اى سؤال و اى استفسار

الموضوع: باركولى ركبت مرايات كهرباء وضم

LinkBack

أدوات الموضوع

عرض

باركولى ركبت مرايات كهرباء وضم - انشر الموضوع فى :

-

-

-

-

-

-

-

المواضيع المتشابهه

مرايات كهرباء سيينا

مرايات كهرباء للفيرنا

مرايات كهرباء

باركولى ركبت وحدات رفع للاوبترا

باركولى ركبت تكييف النهارده

الكلمات الدلالية لهذا الموضوع

المفضلات

المفضلات

ضوابط المشاركة