2000 كيلومتر مع الصانى-يوم بعد يوم بتأكد من حسن اختيارى

أيوة فعلا أنا كنت ساكن فى إسماعيل القبانى وكان عندنا هوندا سيفيك 79 فضى وأكيد أنا برضه أعرفك وأكيد كنت معايا فى المدرسة

بالفعل احنا كنا مع بعض فى المدرسة واعتقد انك عرفتنى زى ما انا عرفتك

عموما انا سعيد جدا بالصدفة السعيدة دى، وهابعتلت بيانات الإتصال بتاعتى على صندوق البريد الخاص بيك واحب جدا انى اعرف اخبارك واطمن عليك

سبعاوى

ياجماعة
الباشمهندس سبعاوى دائما مغطى العربية ، من الواضح انه شال الغطاء ليصورها و غطاها ثانى بسرعة

ربنا يباركللك فيها ويبعد عنك شرها ويديك خيرها وعبال 1000000 :D

بسم الله مع كامل احترامي ليك يا سبعاووي و أنا حضرت أحدي اجتماعات الموقع وأنا اشهد بأنك من أحسن الناس غلي تفهم في العربيات لكن لي ملاحظات التالية على العربية مع العلم إني سقت ميجان و لانسر 1600 و فيرنا و عندي يارس
العربية جميلة في الشكل و المحرك أنا بتفق معاك علي ان الصوت مرتفع لكن أضيف ان عزل العربية مش حلو قوي و كمان المساحة الخلفية صغيرة و لو واحد زي بيحب يبعد الكرسي الأمامي إلي قاعد وراه هيتبهدل اذا فهي غير مناسبة للسفر مع حمل كبير كما أن التساع مش كويس و أهم حاجة ان العربية تعبتني جدا جدا في أنها بتخبط في كل مطب مرتفع شوية و دي أهم ملاحظاتي
اما المميزات فهي كتير منها سهولة السواقة لأي فئة عمرية و مدعمة من تحت كويس و مرنة في السواقة و العقشة حلوة و التوكيل و توافر قطع الغيار ممتــــــــــــــــاز و تصبح النتيجة النهائية إنها best money value في فئتها و لكن ليست الأفضل طبعا
ده أول مشاركة لي و هي تعبر بكل صراحة عن وجهة نظري

أهلا بيك يا استاذ محمد

على فكرة احنا تقريبا مش مختلفين على كل اللى انت قلته

ولو راجعت الموضوع اللى انا كاتبه لاحقا الموضوع باسم(ملامح عن اداء النسيان صانى) هتلاقى اننا متفقين تقريبا على كل النقط الإيجابية والسلبية

لكن انا حساباتى قادتنى الى ان هذة السيارة هى افضل ما يمكن الحصول عليه بالنسسبة لظروفى واحتياجاتى فى هذة الفئة السعرية مقارنة بالبدائل المتوافرة، لكن باختلاف الظروف تختلف بالطبع الإختيارات، وهذة الفئة بالذات فيها إلانترا واوبترا ولانسر وواجا وياريس كلها عربيات كويسة ترضى كافة الأذواق والإحتياجات، لكن من وسط هذة السيارات كانت الصنى، ولا تزال الأفضل بالنسبة لاجتياجاتى، ولو عاد الزمن كام شهر للوراء، برضه هختار الصنى من وسط كل المجموعة دى لانها الأكثر مناسبة لى

سبعاوى

مبروك ال 2000 كم وعقبال ال 20000000 كم
وكمان مبروك عليك انك لقيت صديق دراستك gemtawila

معلش يا استاذ سبعاوي هتعبك معايا شويه :o
بالنسبه للصني كنت عاوز اعرف فيها الكلام ده ولا لأ
1-الزجاج لما بيوقفه حاجه بينزل علي شان ما يقفلش علي الايد مثلا ولا لأ
2-فيها ايموبليزر
3-ثباتها علي 160 حلو ولا لأ يعني بتبقي مكلبش في الدركسيون
4-التكيف بتعها عامل ايه
5-قطع الغيار عامله ايه مثلا سير الكاتينه يعني لو ممكن تفدنا في الموضوع ده
6-عربيتك ربنا يحفظها لك اخبارها ايه في السحب خصوصا انها اربع نقلات وكنت عاوز اعرف هي نظمها زي الالماني يعني ما بتسحبش علي النقلات الاولي علي شان يطول عمر المتور ولا زي الكوري اسحب و سيب عمر الماتور علي الله
7-بعد 2000 ك العفشه لسه نشفه
ومعلش هتعبك بس انا بثق في كلامك :)
اخوك حسام

كلام جميل لشخصية جميلة و عربية جميلة شكرا علي التقييم الجامد يا بشمهندس











Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzzaaaaaaaaaaaaa For Ever