+1111111111111
عرض للطباعة
انا شايف انك كده كده مش حتتجوز البنت اللي انتا بتحبها لان امك مش حتسيبها في حالها
وبالتالي خد حقك من دلوقتي
هيا كده كده عوره
يبقي ادي الست والبنت علي دماغهم عشان يغوروا في داهيه خالص
وبعدين بقي ابقي اشوف موضوع البنت ده لو مامتك نسيت الموضوع بتاع صاحبتها ده وخسروا بعض
طبيعي انها حتعمل حاجه من الاتنين
ياااما حتبقي شايله من البنت اللي انتا بتحبها لاها حتكون شايفه انها سبب في قطع العلاقه بينها وبين صاحبتها
وحتبقي يابطل لو اتجوزتها في نار الحموات
يااما حيبقي الموضوع عادي بالنسبه لها ان الموضوع بتاع صاحبتها ده مات بقي وخلاص نشوف مصلحه الولد
انتا حاسس ان مامتك من النوع اللي بيشيل في قلبه ومبيغفرش ولا قلبها ابيض وبتسامح بسرعه وطيبه كده
اهم حاجه
اوعي تنخ لضربات القلب السريعه وقلبي قلبي وكبدي كبدي والكلام ده
عشان ده كله تمثيل في تمثيل
من الواضح كده ان كل اخبارك واللي انتا بتعمله عند الطرف التاني
وعشان كده في مخطط لتحويطك وتدبيسك
وابقي طمنا عملت ايه
معلش يعني مامتك مزوداها اوي. وعلي فكرة لو سمعت كلام والدك وخطبت وفشكلت كدة هتبقي المشاكل اكبر وهتسمع كلمة ( احنا دخلنا بيوت الناس ومينفعش تسيبها ) فرايي اوعاااااااااااااااااا تسمع كلام والدك فالحوار ده والا هتتدبس للابد.
من الاخررررررررررررررررررر كدة قول لمامتك انا مش هتجوز بنت صحبتك سواء اتجوزت البنت اللي بحبها او متجوزتهاش وكل اللي بتعمليه ده بيكرهني فيها اكتر لاني مغصوب عليها
ولو عايز من الاخرررررررررررررررر بقي اعد معاها اعدة وقولها انا مغصوب عليكي ومش عايز اتجوزك ترضي تتجوزي حد مغصوب عليكي . ان شاء الله الرفض هييجي من عندها.
أنا مش عارف أقول ايه على صاحبة مامتك دي و بنتها ايه اللزوجة دي !!! الجواز مش بالعافية يعني حاجة غريبة
بس برده أحب أقولك ان الجواز في حد ذاته بغض النظر عن الست خنقة و رزل و شوف حال المتجوزين حواليك في المنتدى و براه الي يشوف مصيبة غيره تهون عليه مصيبته هههههههههه
و ممكن اللي أنت بتحارب علشانها دي تتخنق منها في الجواز ليه؟ لأن الحب حاجة و الجواز حاجة تانية خاااااااااااااااااالص
انا مش فاهم نقطة واحدة
ازاي والدك يقولك حاجة زي كدا ؟؟ ازاي تخطب و انت ناوي تفركش
بنات الناس مش لعبة ولا تسلية
شوف حضرتك .. هو بر الوالدين مطلوب لكن مش على حساب نفسك وحياتك وحياة واحدة حترتبط بيها وانت مش قابلها ( على حد كلامك) ....
عشان كده أنا رأيي انك تقول لوالدتك وبكل صراحة انك مش حينفع ترتبط بالبنت اللي هي مرشحهالك بغض النظر عن كونك مرتبط عاطفيا بواحدة تانية من عدمه .. قولها انك في كل الأحوال مش حينفع تجني على نفسك وعلى واحدة تانية ممكن مايكونش ليها أي ذنب انها تعيش معاك حياة جوفاء خالية من أي طعم أو لون لمجرد ان صداقة الوالدتين تستمر لأن بكل بساطة الصداقة دي ممكن تنتهي لأي سبب تاني زي خناقة بسبب موضوع ما أو خلافه... هل ساعتها والدتك حتطلب منك تطلق مراتك عشان صداقتها مع حماتك انتهت إلى غير رجعة؟ طبعا كلام مش منطقي أبدا
وأنا أعتقد هنا انك مش حتبقى عاق لوالدتك ولا حاجة لأن الشرع أعطى للبنت الحق في قبول أو رفض الشخص اللي حترتبط بيه دون أدنى اجبار عليها فمن باب أولى يكون الحق ده للشاب اللي حيبقى رب الأسرة والمسئول عنها أمام الله وأمام القانون ....
وبخصوص اقتراح والد حضرتك انك تخطب البنت اللي والدتك عايزاها فترة معينة وبعدين تسيب فأنا مع كامل احترامي ضد هذا الاقتراح كلية لأن بنات الناس مش لعبة وانت ماترضاش ان شاب يخطب أختك وهو في نفسه انه يسيبها وتتحسب عليها خطوبة على الفاضي ....
أما مسألة ارتباطك بالبنت اللي انت عايزها فأنا رأيي تأجل الكلام فيها شوية لحد العاصفة الناجمة عن رفضك البنت الأخرى ما تهدى .....
بصراحة موقف لا تحسد عليه وربنا يعينك على اللي انت فيه ..
شكلك داخل على معركه :10_1_102v[2]:ربنا يقويك
اعمل ال عاوزاة والدتك حتي لو هتيجي علي نفسك مليوووووووون الف ترليون مرة .. المهم انها تكون راضية عنك طول الوقت والله دي اهم من اي حاجة في الدنيا. وبراحتك في الاخر.
إستمر على موقفك و لا تتراجع
إعمل إضراب إمتنع عن الطعام أي حاجة المهم ماتتجوزش أو حتى تخطب واحدة أنت مش عايزها ..
أنت هاتكون الخاسر الأكبر و هاتضحي بحياتك و سعادتك
إنشف و إجمد .. مطالبك أنا شايفها منطقية
طيب ماتمام أهو.........يوم الخميس مد المهلة للخميس ألي بعده وهكذا ماحديش عارف أيه ألي ممكن يحصل في غمضة عين فمابالك أسبوع......والفكرة أنك تبر والديك ومتحتكش بيهم وفي نفس الوقت ماتجبرش علي حاجة مش عايزها........طاعة الوالدين مش في مواضيع مصيرية زي كدة بس خلي بالك برده
فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً