هما ليه الجيران بقوا عملين كدة

النهاردة وبكل بساطه اخويا جه ركن العربية جنب البيت

عشان انا كنت قايله اني هاجي اخدها منه والشارع عندنا

مش كبير قووووي لا دي شارع صغير يدوبك يعدي عربيتن جنب بعض

وبعدين في شارعنا دكتور فالناس اللي بتجيله بيقفوا عنده وبيسدوا الشارع

فاما اخويا لقي العملية كدة ركنها ادام البيت ومشي ومستناش بقي اني اجيله ساب المفتاح

مع والدتي ومشي انا جيت لقيت واحد جارنا معاه مازدا اللي هي 929

العريضة دي وقام معدي بالعافية وحاكك جنب عربيتي كله وبكل برود لقيته بيقولي انت اللي غلطان

انك ركنت العربية هنا وانا عشان اادبك قمت حككهالك قولتله هي كدة يعني قالي اه اللي عايز تعمله اعمله

مع ان والدتي بصت له وقالت له اصبر 5 دقائق و لف من الشارع التاني والشارع الي جنبنا بيوصل لبتاعنا

وكلنا بنعمل كدة اما بنلاقي الشارع مقفول

والغفير طلع يقوله هتخبطها وكل دة وبردة وقام جبلي الجنب انا بقي محشتش بنفسي الا وانا بتصل بشرطة

وقولتلهم انا عايز محضر و فعلا بعد 10 دقائق لقيتهم جايين والبيه مش عايز ينزل من بيته

ومحدش يعرفه في الشارع بتاعنا عشان هو لسه ساكن فلقيت امين الشرطة بيقولي انت عايز تمشيها رسمي

ولا نمشيها تصالح قولتله اية اافضل قالي تصالح ونجيب لك منه فلوسك تعويض قولتله ماشي ولو حتي يعترف

بغلطه ولو عمل محضر هيضطر انه ياخد العربية بتاعتي وعربيته والراجل طبعا مستغني عن عربية بس

انا خفت علي عربيتي وقولتله حول تتصالح طلعله وقالي خليك انت بعيد الراجل طلعله وبكل قله ادب قالع انت عملت المحضر ولا لسة

وقاله اني انا اللي غلطان واني ازاي اسيب العربية كدة وامشي قولتله بقي كان الشارع مقفول ومحدش هيعرف

يعدي قالي انت اللي غلطان ولو عايز تعمل محضر براحتك العربية تحت اهيه خدوها ميهمنيش

قولت لامين الشرطة قفل ومشيها تصالح ومعلش

لقيت بقي امين الشرطة واحنا نازلين قالي معلش انا عارف انك مش غلطان وان هو اللي غلطان

بس متزعلش هو راجل قليل الادب قالي مشفتش المعامله ازاي وربنا يعوضك وهو اصلا مستغني عن عربيه

ولو عملنا محضر عربيتك هي اللي هتتبهدل

بجد انا مش عارف اية الجيران دي ازاي راجل كبير في السن يعمل كدة

وكمان انه لسه ساكن هنا من شهر

ربنا يبعدنا عنه

مسمي جيران مينفعش دلوقتي. ولا حد طايق حد ولا حد عامل احترام لحد. معلش وربنا يعوض عليك

اقتباس:

---

المشاركة الأصلية كتبت بواسطة mr_vampire

مسمي جيران مينفعش دلوقتي. ولا حد طايق حد ولا حد عامل احترام لحد. معلش وربنا يعوض عليك

---

لا والله الناس اللي معانا في الشارع عارفنهم جدا جداا جداااا

وجيران بجد

بس الراجل دة بقي اللي جه دخيل علينا

انسي يا صحبي خليك في المهم

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

اقتباس:

---

المشاركة الأصلية كتبت بواسطة ahmed_mido1889

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

---

اقتباس:

---

المشاركة الأصلية كتبت بواسطة tameraast

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

---

العفو عند المقدرة

من أعظم الأخلاق رفعة العفو عند المقدرة , وهذه عبادة مهجورة , وهي من صفات الله وأسمائه الحسنى فهو سبحانه : العفو القدير , أي:يعفو بعد مقدرته على الأخذ بالذنب والعقوبة على المعصية .
فالعفو بدون مقدرة قد يكون عجزاً وقهراً , ولكن العفو مع المقدرة والانتقام فلا شك أنه صفة عظيمة لله فيها الكمال , فهو سبحانه يحب العفو , ويحب أن يرى عبده يعفو عن الناس

ويقول سبحانه وتعالى :

(خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ) (الاعراف:199)

ويقول سبحانه وتعالى :

( فَمَنْ عَفَا وَأَصْلَحَ فَأَجْرُهُ عَلَى اللَّهِ )(الشورى: من الآية40)

{ ولَمَن صَبَرَ وَغَفَرَ إنَّ ذَلِكَ لَمِنْ عَزْمِ الأمُورِ } الشورى: 43

حضرتك جبت بعد الاخر بشوية...بارك الله فيك

اقتباس:

---

المشاركة الأصلية كتبت بواسطة ahmed_mido1889

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

---

اقتباس:

---

المشاركة الأصلية كتبت بواسطة tameraast

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

---

يا جدعان التفكير ده بيولد الحقد ولو هوه عمل كده مش هيخلص من الراجل ده ومن قله ادبه
لان هوه هيبقى متاكد ان مفيش حد هيبقى عايز يبوظ العربيه غيره وطبعا مش هيسكت وهيردهاله في حاجه تانيه
بص خلاص اللي حصل حصل وحاولو تتحاشو الراجل ده عشان متهزقوش نفسكو معاه
وده مش ضعف ده احترام لنفسك

بص يا باشا اولا ربنا يعوض عليك :ask:

انا عاوز اقولك على حاجة وانا اسف انى حقول كده وانا عارف ان فى ناس كثير حيهاجمونى جداً

بس ما يأخذ بالقوة لا يسترد الا بالقوة :khd:

انت تصبر شويتين كده بتاع اسبوعين ولا شهر حتى :3mla:
وتعرف مشاويره فين او مكان شغله

وتعدى على اى واحد بتوع بويات العربيات وتشترى منه حاجة اسمها

تنـــــــر فــــرن او علبة زيت باكم

وترشهاله على العربية وتحزنه بجد على عربيته

انا اسف للكل طبعاً بس والله ومع انى مبحبش الاسلوب ده بس انا فعلاً دمى محروق ومتغاظ جداً :_Alshmokh08[1]:

اقتباس:

---

المشاركة الأصلية كتبت بواسطة tameraast

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

---

اقتباس:

---

المشاركة الأصلية كتبت بواسطة ahmed_mido1889

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

---

يا جماعه هو اصلا بايعها والعربية متستاهلش اني اعمل فيها كدة

دة قالي قدام امين الشرطة العربية تحت اهيه اللي انت عايز تعمله فيها اعمله

تجيب ناس يكسروها عادي تجيب شوم وتكسرهالي عادي بردة

مش هيفرق معايا

ومعلش انا مقدرش اعمل حاجة زي كدة عشان اولا دة مش طابعي انا سايب امري لله

وثانيا هبقي قدام كل الناس الي كانوا موجودين وجيراني هتبقي واضحه قوي ان انا اللي عملتها

متزعلش منى انت كده مخدتش حقك
واللى انت بتقوله ده مش كلام

وتسامح ايه يا جماعه ده واحد بلطجى ومش همه الحكومه ولا الجيره ولا عربيته فارقه معاه

ايه الى انتو بتقولوه ده تسامح ايه الى مع شخص زى ده

الكلام الى انتو بتقولوه ده الى جايبنا ورا ومخلينا سلبين فى كل حياتنا وبيضحك علينا


اقسم بالله انا الدم ضرب فى نفوخى لما سمعت الكلام ده

العفو عند المقدرة بس لما يقى فى إعتذار أصلا
انا مش عارف الناس بقت كدا ليه
الله يرحم أيام زمان

متعملش حاجه, لو عملتله حاجه انت اللى هتخسر مش هو, هو كده كده بايع العربيه و مش فارقه معاه و كل ما تعمل حاجه هيعمل هو كمان و هتبقى عامله زى التار و هتفضل قاعد قلقان على العربيه و كل شويه تبص عليها و اعصابك هتتعب و هو مش هيسيبك
قول حسبى الله و نعم الوكيل فيه و خلاص و قول لكل الناس فالشارع اللى حصل و اللى قاله و عمله و صدقنى هتلاقى ربنا بعتك اللى ياخدلك حقك منه

اقتباس:

---

المشاركة الأصلية كتبت بواسطة shiko85

و قول لكل الناس فالشارع اللى حصل و اللى قاله و عمله و صدقنى هتلاقى ربنا بعتك اللى ياخدلك حقك منه

---

كل الناس اللي في الشارع عرفت الموضوع وكان قدامهم كلهم

وحتي الناس اللي معاه في العمارة كلهم عرفه

وبعدين انا مينفعش اعمله حاجة مش لاني خايف والله

بس لاني مينفعش انزل لمستواه كفاية ان الناس كلها عرفت انه قليل الادب

أعوذ بالله من الشيطان الرجيم , إيه يا جماعه كميه الشر دي !

دي حاجه بسيطه جدا ومش مستاهله كل الكلام دهـ , هي دي برضه اخلاق و جدعنه المصريين ؟ راجل كبير و معندوش اخلاق يبقي نتحاشاه و نبعد عنه مش نتعامل معاه بنفس اسلوبه , وده جارك برضه , يا أخي خد حسنات منه و خليه منه لربنا طالما انها حاجه بسيطه كده مش مسأله كبيره .

فى حاجات صعب الواحد يتساهل فيها و في حاجات يبقي من الأفضل التسامح و التساهل .
وكل الناس الي بتتكلم دي يتتكلم بس , لأن الي بيعمل مبيقولش والي بيقول مبيعملش , فبلاش تحرضوا اخوكوا على عمل مشين و لا يليق بأخلاقه .

اقتباس:

---

المشاركة الأصلية كتبت بواسطة misoalex

متزعلش منى انت كده مخدتش حقك
واللى انت بتقوله ده مش كلام

وتسامح ايه يا جماعه ده واحد بلطجى ومش همه الحكومه ولا الجيره ولا عربيته فارقه معاه

ايه الى انتو بتقولوه ده تسامح ايه الى مع شخص زى ده

الكلام الى انتو بتقولوه ده الى جايبنا ورا ومخلينا سلبين فى كل حياتنا وبيضحك علينا


اقسم بالله انا الدم ضرب فى نفوخى لما سمعت الكلام ده

---

انا معاك اني مخدش حقي ولا عرفت اخده

بس اية بقي اللي لو انت كنت مكاني كنت تعمله؟؟

يعني كنت اعمله محضر وياخدوا العربيتين وعربيتي تتقلب هناك في المرور

ويبقي انا كدة خسرت العربية وامين الشرطة قالي ان لو مفيش مصابين هيبقي محضر عادي جداا جداا

وانت اللي هتخسر مش هو

اقتباس:

---

المشاركة الأصلية كتبت بواسطة eng_amrallam

انا معاك اني مخدش حقي ولا عرفت اخده

بس اية بقي اللي لو انت كنت مكاني كنت تعمله؟؟

يعني كنت اعمله محضر وياخدوا العربيتين وعربيتي تتقلب هناك في المرور

ويبقي انا كدة خسرت العربية وامين الشرطة قالي ان لو مفيش مصابين هيبقي محضر عادي جداا جداا

وانت اللي هتخسر مش هو

---

لا ياباشا ولا محضر ولا بوليس

فى ساعتها لو سمعت الكلام ده مدام قالك الى عندك اعمله كنت وريته الى عندى

شومه حلوه واجيبله جنب عربيته (العين بالعين والسن بالسن والجروح قصاص) وانت كلمته وهو قالك الى عندك اعمله وانا عملت كده عشان أأدبك الكلمه دى لوحدها كفايه

معلش انت كده خليته حيعمل كده تانى معاك ومع كل الى فى الشارع ومش حيهمه حد

وعلى فكره موضوع ان عربيته مش فارقه معاه ده كلام فى الهوا


تعالى بقا اقولك لو كنت كسرت عربيته كان ايه الى حصل
كان عرف ان الموضوع مش بالساهل و لو هو الى طلب البوليس كان الموضوع برضه حينتهى بالتصالح وبرضه انت اخدت حقك وعلمته الادب كويس اوى

حتقوللى طب مهو مش حيسيبنى حقولك ويعنى هو بعد الى انت عملته ده حيسيبك جرب كده واركن عربيتك تانى وشوف هو حيعمل ايه

اقتباس:

---

المشاركة الأصلية كتبت بواسطة sherlock

أعوذ بالله من الشيطان الرجيم , إيه يا جماعه كميه الشر دي !

دي حاجه بسيطه جدا ومش مستاهله كل الكلام دهـ , هي دي برضه اخلاق و جدعنه المصريين ؟ راجل كبير و معندوش اخلاق يبقي نتحاشاه و نبعد عنه مش نتعامل معاه بنفس اسلوبه , وده جارك برضه , يا أخي خد حسنات منه و خليه منه لربنا طالما انها حاجه بسيطه كده مش مسأله كبيره .

فى حاجات صعب الواحد يتساهل فيها و في حاجات يبقي من الأفضل التسامح و التساهل .
وكل الناس الي بتتكلم دي يتتكلم بس , لأن الي بيعمل مبيقولش والي بيقول مبيعملش , فبلاش تحرضوا اخوكوا على عمل مشين و لا يليق بأخلاقه .

---

,وهو ايه اكتر من كده الواحد ميتساهلش فيه حضرتك

الراجل ده اعتدى على حقى ومالى
وتصليح العربيه ده مش بفلوس وتعب ولا بالساهل حضرتك

وهو لما واحد يعمل كده فى عربيتك حتسيبه وتتساهل معاه (ده كده ميبقاش اسمه عفو ولا تساهل )

هو لو خبطها بدون قصد وقال انا كنت عاوز اطلع من الشارع ضرورى او عندى ظروف كان الكلام خلص لاكن الى صاحب الموضوع بيحكيه ده اسمه بلطجه واعتداء على حقوق واموال الغير بس للاسف احنا فى بلد تييييييييييت

الراجل ده بلطجي لو انت عايز تبقي بلطجي زيه وفاضي للمشاكل وعندك ال يسندك في الخناقات والضرب والرقع والبهدلة كسره عربيته وزي ما ترسي.............لوانت راجل محترم ومعندكش عزوة يخشوا معاك في المشاكل قول حسبي الله ونعم الوكيل وابعد عنه خالص............ ومتنساش انه جارك ولو عملت فيه حاجة حايعمل فيك حجات ابعد عن الشر وغنيله

الجيران بقي شئ صعب وخصوصا في الأماكن الشعبيه

انا ساكن في سيدي بشر قبلي وكل يوم والتاني الاقي فرح ودي جي ووجع دماغ للصبح

لسه اخرها البارح بالليل راجع من عند اهلي ومش عارف ان فيه هباب في الشارع ونزلت مراتي عند باب العماره وكملت عشات اركن ولاقي شوية عيال عاملين دي جي وحطين كراسي وطرابيزات في نص الشارع وانا كملت وقلت عادي هيعدوني
المفاجاه اني لقيت كلهم بيشاورو ويقولولي ارجع ومش هنشيل حاجه وفي واحد منهم جه ويقولي مش هينفع ودي نص ساعه وهنخلص ومش عارف ايه
اقوله ياعم مش هعرف ارجع بضهري عشان الشارع ضيق وفيه ملفات قللي انا هرجعك ملقتش منها فايده وعشان المشاكل برده قلتله ماشي وفضل معايا لحد ماديرت ولفيت من شارع تاني

حاجه تفرس بجد

انت لسة قاعد انز هات علبة زيت باكم وهتتك بتتك عالكبوت والسقف بتاع العربية

وهو يتعلم الادب وانا لو مكانك ماتصلش بالشرطة افتح الشنطة وبالصيبة في جسم العربية اشوههالو

دي عالم ........ ماينفعش معاها غير الاسلوب ده

أنا عارف ان فى ناس كتير مش هايعجبها كلامى بس انا هاقول واترك لكم الحكم .

انتهز اى مناسبة (والعيد الكبير مش بعيد) و روح لجارك ده و قوله كل سنة و أنت طيب .

وشوف جارك معاملته معاك ومع الاخرين هتبقى عامله ازاى.

بص يا باشا هدى نفسك وروح القسم وخد عليه تعهد بعدم التعرض ليك او لاسرتك او لممتلكاتك