تصدقوا طقم سلوك بوجيهات ب 200 جنيه وجبته ب 50 بس

**peranha** · 22-03-2008 08:50 PM

التوكيل قالي غير طقم سلوك البوجيهات لقيته في التوكيل ب 175 سألت بره قالولي ب 120 رحت اجيبه لقيته مش للعربيات الالكتروني والموجود للالكتروني ب 200 جنيه ... صديق ليه اخبرني علي واحد في شارع دوبريه بيشتغل في السلوك بس واشتريته منه ب 50 جنيه وشغال تمام صناعه امريكيه وكمان Autolite يعني من شركه محترمه ومنتجاتها بتتركب في الشفرليه .. باقول الكلام ده علشان متاخدوش الاسعار مسلم بها كده علي طول .

**magomago** · 22-03-2008 11:07 PM

الاسعار لا يمكن مقارنتها باسعار التوكيل
مثلا ...سعر وايرات التكييف الثلاثة فى اللانوس فى التوكيل 175 جنية غير المصنعية
وسعرهم برة واصلى GM
45 جنية فقط

**pcegypt** · 23-03-2008 12:08 AM

المشاركة الأصلية كتبت بواسطة peranha

التوكيل قالي غير طقم سلوك البوجيهات لقيته في التوكيل ب 175 سألت بره قالولي ب 120 رحت اجيبه لقيته مش للعربيات الالكتروني والموجود للالكتروني ب 200 جنيه ... صديق ليه اخبرني علي واحد في شارع دوبريه بيشتغل في السلوك بس واشتريته منه ب 50 جنيه وشغال تمام صناعه امريكيه وكمان Autolite يعني من شركه محترمه ومنتجاتها بتتركب في الشفرليه .. باقول الكلام ده علشان متاخدوش الاسعار مسلم بها كده علي طول .

ممكن تقول لنا على العنوان بالتفصيل ، وهل السلوك متوفرة لجميع السيارات

تحياتي

**peranha** · 23-03-2008 08:25 PM

المشاركة الأصلية كتبت بواسطة pcegypt

ممكن تقول لنا على العنوان بالتفصيل ، وهل السلوك متوفرة لجميع السيارات

تحياتي

شوف يا باشا تدخل شارع دوبريه من رمسيس طبعا لانه اتجاه واحد ..واول ما تتدخل تركن علي طول.
هتلاقي بعد 25 متر ممر علي اليمين وامامه تلاجت كولدير اللي بيعملوها سبيل تدخله وعلي طول هتلاقي ممر تاني برضه علي اليمين مسدود في اخره ومحل علي الشمال له سلم الي اسفل ...هو ده ...اسف معرفش اسمه.. وعنده جميع الماركات .

**loai-omar** · 23-03-2008 09:15 PM

الف شكر يا باشا

انتا عارف هيا دي فايدة المنتدى بجميع اعضاؤه

**Xpert** · 23-03-2008 10:12 PM

تصدق ان سعر طقم السلوك عندي انا في البي ام ب 750 جنيه في التوفيقيه .. و الراجل بيقوللي ماتاخدوش كمان ههههههه قاللي شوفلك طقم استيراد ارخص ههههه

**peranha** · 24-03-2008 11:33 PM

شوف انا من كتر ما اصبحت مستفز من الاسعار اصبحت عدواني وكلامي بيبقي ناشف علي البياعين واليومين دول ومن كتر غيظي اصبحت باطلب فاتوره وبيزودو علي السعر 10% لكن العند بتاعي مالوش حدود.
ولو بياع قالي طقم السلوك ب 750 جنيه والله متهيألي هلفهم حوالين رقبته .. صدقوني والله الاسعار دي مضروبه في 3 من سعرها الحقيقي.
بص الايدلر بتاع عربيتي صناعه Gm مصنع في المكسيك وسألت عليه قالولي ب 1200 جنيه .وكنت خلاص هاشتريه . بعد كده اكتشفت انه راكب في العربيات اللانوس وسعره 225 جنيه الكلام ده من سنه ولكن لاني سألت عليه بماركة التمبرا وعارفين ان حاجات التمبرا انجكشن قليله في مصر راح مزود في السعر وقالي مش هتلاقيه في السوق ..صنف ابن كلب