نفسى اجرب بنزين 80 فى شفرولية لانوس بس خايف
عرض للطباعة
نفسى اجرب بنزين 80 فى شفرولية لانوس بس خايف
من رأيي :-
لو عايز تجربه على سبيل التجربه فقط يبقا بلاش
لو عايز تجربه كنوع من التوفير يبقا توكل على الله وظبط فيشه الاوكتين وجرب الـ 80
لكن متنساش عيوب ومميزات كلاً منهم , وشوف الافضل والاحسن لاحتياجاتك وامشي عليه
بالتوفيق يا استاذ عماد :-)
تمام بس لو عايز توفير وهل ضبط فيشة الاوكتان على 80 حتبوظ الرشاشات لوجود الشوائب
والله ماحتجرب حاجة حلوة
لو بتدور على التوفير أضبط تعديل أستاذ عصام غنايم بتاع فيشة الاكتان والعربية حتوفر ان شاء الله بنزين وممكن توصل 300 كيلو على 20 لتر بدون قرص وبكدا تبقى وفرت وفى نفس الوقت تلافيت عيوب ال 80 على الماتور
ضبط الفيشة على 95 وحط 92 وربنا يوفقك
سؤال اخير ماهى عيوب بنزين 80 على السيارة وخصوصا انى سمعت ان الرشاشات بتنسد
عيوب لا حصر لها سواء على العربية او على الى سايقها او على البيئة
وفى ناس كتير تتكلم عليه احسن منى هنا
كفاية طابور ال 80 الطويل والمهانة عشان تحط 20لتر
ياراجل دانتا لو بتمون 80 وفتحت تانك البنزين حلاقى كمية شوايب و ملوثات ولا كأنك فاتح بلاعة صرف صحى
وعموما فى ناس كتر بتعتمد علية للوفر لكن لو مش حتوفر مانصحكش تجربة تحياتى
شوف موضوع ال 80 دا هيفرق معاك لو بتسافر كتير فى الوفر . و ممكن تستعملة بس لما تكون مسافر عشان تضمن تخلصة فى الطريق طبعا بفارق السحب اللى هيحصل بس ع الطوالى مش بتبان . بس ترجع تحط 90 تانى
يا جماعه معلش انا ضد رايكم ده خالص
ياريت تجربوا الاول قبل ما تحكموا على 80
اولا حكاية الشوائب اللى كل ما حد يسال عن موضوع ال 80 يقولوله الشوائب
ال 80 زي 90 زي 92 زي 95 من ناحية الشوائب بتختلف من محطة للتانيه حسب التانك و تنضيفه
الفرق بين كل انواع البنزين دي هيا نسبه الانضغاط للبنزين يعني ايه
يعني قدرة البنزين على مقاومة التصفيق عند الاحتراق في غرفه الحريق (يعني الاشتعال الذاتي)
يعني مثلا بنزين 95 مقاومته للتصفيق اعلى ازاي يعني
يعني مابيحترقش بسهولة لما بيحصل الضغط من المكبس في السلندر بين مزيج الهواء و البنزين و مابتحرقش الا لما البوجيه يولع
البنزين 80 بقى لو حطيناه في عربيه معدل الانضغاط بتاعها 11 مثلا يعني بتاخد بنزين 95
هاتلاقي قبل ما البوجيه يطلع الشراره هاتلاقي البنزين اتحرق نتيجة للضغط بتاع المكبس داخل غرفه الحريق
طيب لو فيه طريقة اخلى العربيه تقدم الشراره عشان تلحق قبل ما مزيج البنزين 80 و الهواء يتحرق تحت الضغط الشديد في غرفه الحريق يبقى كده انا قضيت على ظاهره التسقيف و ده اللى بيحصل في الدايو مع ظبط فيشه الاوكتان
لكن كون انه بيسد الرشاشات و الكلام ده مش مظبوط و لا بيأثر على علبه البيئه و لا اي حاجة لانه مافيهوش رصاص
و بعدين التجربه خير برهان جرب الاول و بعدين احكم
وبعدين الفرق الكبير ده يستاهل على الاقل محاوله التجربه
كلامك سليم و انا مش معترض على ال 80 زى ما قلت فى الرد السابق . و لكن معظم محطات البنزين بتحط ال80 فى تانكات قديمة و دا سبب الشوائب و للاسف متلاقيش محطة محترمة و عندها بنزين 80 لية معرفش يظهر انها حاجة تعر عندهم