اقتباس المشاركة الأصلية كتبت بواسطة dr-mohamed مشاهدة المشاركة
هههههههههههههه
يا راجل يا مفتري
المصدر بتاعك اللي رشح لك فندق امون ده حد دماغ اوي
انت عايزنا نطلع من الفندق على مباحث الاداب

امون سمعته زي الزفت والديسكو فيه مكان لتظيبط السهرات اياها

صباح الخير يا دكتور

والله العظيم أنا معرفش امون دة نهائى دة فعلا ترشيح من صديق ليا وهو ساكن فى المهندسين لكن هو كمان ميعرفش سمعه المكان وأنا قمت معاة بالواحب دلوقتى فى التليفون وأقسم لى إنه ميعرفش المكان دة وعمرة ما قعد فيه .

بس يا دكتور هو قالى ان فى مكان مفنوح وهو دة اللى كان يقصدة شبه القهوة بالظبط وعلى هذا الأساس تم ترشيحه .

[QUOTE=kh_talaat;3873125046]انت بتسألوا على مكان بحه وانا موجود

يا علاء بك انا حماتي ساكنه فوق بحه ولو عايزيين اي تفاصيل انا معاكم

على العموم بحه له فرعين فرع في الناصرينه ودي منطقة متفرعه من شارع مجلس الشعب بس مشكلة الفرع دة انه مفيش عربيات توصله مش حتى تركن بس

اما الفرع التاني (على بعد امتار من الفرع القديم ) في الحلمية على شارع بورسعيد ودة اللي حماتي ساكنه فوقيه ودة اللي مقابل له كافيتريا ليالي الحملية اللي بيتكلم عليها اشرف بك

يعني ممكن بعد ما ناكل يادوب نعدي الشارع ونقعد على ليالي الحلمية

اي سؤال تاني يا رجاله ؟؟؟؟[/QUOTE

صباح الخير يا خالد باشا

أخبارك إيه يا أبو سيف واحشنى جدا

أعتقد إنى كدة عرفت العنوان وإن شاء الله بكرة هروح أنا وأشرف بك فتحى

نعمل جوله إستطلاعيه للمنطقه كلها وسنوافيكم بالنتائج .

اقتباس المشاركة الأصلية كتبت بواسطة ahmed.tv مشاهدة المشاركة
يا جماعة كدا مينفعش
اثبتوا على معاد الله يباركلكم

وبعدين بردوا الاكل اتفقتوا على ايه بحة ولا مصمط فى الحسنية ولا فين

وبخصوص القهاوى زى ماقولنا فى الاول وزى ما قال ابو اياد
فى العجوزة ورا مسرح البالون مليون قهوة هنا محترمة وفى مليون مكان لركن العربيات هناك ونقدر نقعد براحتنا
ولو المكان محيركم اوى يبقا لما نتفق على المكان اللى حناكل فيه ونقعد مع بعض نشوف اى قهوة نقعد عليها وامرها سهل مش صعب
بس فكرة القهاوى اللى فى العجوزة سهلة وماليانة قهاوى كتيرة زى الجوهرة والباشا وفى اكتر كمان وقريبين الى الطريق

وياريت المكان اللى ناكل فيه يكون بردوا مكان نقدر نركن فيه العربيات مبيقاش فى ادغال واماكن صعب نلاقى فيها ركنة
فخاليكم فى بحة او زيزو تلوت
وياريت تاخدوا قرار ونتفق عشان نبقى عارفين راسنا من رجلينا

ياريت ترجعوا على الاتفاق القديم وتخلوها الخميس لان صابح تانى يوم الجمعة اجازة
أحمد باشا إزيك عامل إيه

من الواضح فعلا إنك مختفى ومشغول بدليل إنك بتدخل الموضوع ترد من غير

ما تقرأ .

يا باشا زى ما قالك شنورى الميعاد يوم الخميس إن شاء الله لكن بكرة الثلاثاء هننزل أنا وأشرف بك فتحى لعمل جوله فى منطقه الحدث ( المقابله يعنى) علشان نستقر على القهوة اللى هنقعد عليها بعد (معركه بحه )
وهكلمك لو فاضى ياريت تكون معانا .

ونشوفك على خير .