الموضوع: موسوعة أعطال وسلبيات اللوجان بالحلول

المشاركة الأصلية كتبت بواسطة gebreel

يا جماعة صوت الموتور هيقل و يبقى شبه طبيعي بعد ال10000 كيلو و تغير الزيت و الدنيا هتبقى تمام ان شاء الله

إن شاء الله

شكراً لإهتمامك

المشاركة الأصلية كتبت بواسطة zemanovaxxx

خلاص يا عم أنا كنت باهزر متتحمئش أوي كده

ع العموم ربنا يملهالك بركة

يارب

ويرزقني خيرها

ويكفيني شرها

المشاركة الأصلية كتبت بواسطة saidbakr

1- صوت ونة خفيفة و العربية واقفة و قاعد فيها و الزجاج و اﻷبواب مقفولة.

ونة في إيه بالظبط؟

2- حرارة تخرج من عند دواسة البنزين لدرجة لما أمد إيدي عند حتى صاج - ما شوفتش إيه هي - ممكن أحس بلسعة حرارة.

دي ياباشا بتتظبط في التوكيل بيركبولك عازل - سهلة يعني.

3- كهربة العربية واطية، يعني و هي واقفة و ممورة، تلاقي عدد لفات الموتور عند ال 500 و يمكن أقل، هذا بعد أن تسخن، فيه ناس بتقولي إنه يجب يكون أقل من 1000 حاجة بسيطة موش 500.

بصراحة دي مش عارفها - ممكن حد يفيدنا في الحكاية دي.

4- العربية بتتهز أو لفات الموتور بتقل لما التكييف يشتغل، و فيه ناس برضوا، قالت إن ده موش لازم يحصل في العربيات الحديثة.

عندي السحب بيقل - هو دة اللي حضرتك تقصده.

5- ماكينة رفع الزجاج ما بتوقفش لما الزجاج يوصل للآخر، بالإضافة إلى إن نور الكونسول و الصالون بينخفض لما ماكينة رفع الزجاج بتشتغل.

العربية بتنزل من غير وحدة رفع - دة ممكن يكون عيب تركيب.

6- ساعات الغيارة اﻷول بتخلط مع التالت او التاني بيعض شوية.

دة بقأة موضوع هيجنني وكنت فاكره عيب سواق بس الحمد لله طلع في حد تاني بيعاني منه - فكدة مش عارف دي حلها إيه.

7- بيتهيألي فيه حدفة شمال بسيطة قوي، و الفرامل ساعات بتضعف - بمعنى إن مشوار دواسة الفرملة بيزيد شوية -

بصراحة مش ملاحظ دة.

غير كدة فالعربية زي الفل و عالية عن اﻷرض علو مبهر

طب الحمد لله.

المشاركة الأصلية كتبت بواسطة baset

طب الحمد لله.

لا يا باست..........الصوت ده موجود جرب كده بليل لما تكون الدينا هص هص وتسمع الصوت

سبحانك اللهم وبحمدك ، أشهد أن لا إله إلا أنت أستغفرك وأتوب إليك

المشاركة الأصلية كتبت بواسطة abo_farah

لا يا باست..........الصوت ده موجود جرب كده بليل لما تكون الدينا هص هص وتسمع الصوت

صوت إيه بس - ممكن توضح تاني بعد إذنك

المشاركة الأصلية كتبت بواسطة baset

طب الحمد لله.

ونة في إيه بالظبط؟

بصراحة موش عارف في إيه بس هو صوت زي صوت بكرة شريط الكاسيت الفاضي.

عندي السحب بيقل - هو دة اللي حضرتك تقصده.

موش بالظبط، بس بتحس إن العربية كنت، و عداد دوران الموتور بيقل.

دة بقأة موضوع هيجنني وكنت فاكره عيب سواق بس الحمد لله طلع في حد تاني بيعاني منه - فكدة مش عارف دي حلها إيه.

بيتهيألي كمان إن فيه صوت بيطلع من الفتيس، بس لسة عاوز أتأكد.

حاجة كمان عاوز أضيفها، النور الواطي، موش عارف إن كانت دي تظبيطة و لا عيب و لا جت مع الهوبل دوبل؟!، الفانوس الشمال في النور الواطي بيبقى حادف يمين بحيث بيشكل مع نور الفانوس اليمين حاجة شبه حرف إل l معكوس و دي طبعا بتخليك ما تسنورش اللي مقابلك، و ساعات كتير ناس مقابلاني بتطفيلي النور بتاعها خالص و بيخلوا النور الصغير بس. مع كدة فالنور الواطي بيبقى مغطي مسافة قليلة حبتين قدام العربية، فكنت عاوز أعرف لو فيه تظبيطة تحافظ على الموضوع ده بس تلملي نور الفانوسين ناحية الشمال حاجة بسيطة؟! و لا اللعب في لجلاش الفانوس هيبوظ الحكاية دي خالص. على فكرة باكرة الفانوس اللي تحت الدريكسيون مرفوعة على الآخر.

ايه ده كله
الشنطه خفيفه جدآ فى قفلها يا جماعه انا برفعها ويادوب بزقها بصوبعى لتحت بتنزل وبتقفل عادى جدآ
والفوانيس نورها تمام والبكره جايبها لغايت النص وزي الفل
والماتور كهربته عاليه مش واطيه
ده انا بسيب دواسة البنزين وكل حاجه والعربيه بتبقى ماشيه لوحدها ع الهادى
صوت الماتور هو اللى عالى ودى طبيعته فى كل اللوجان
هو اه بيهدى بعد التليين على السرعات العاليه
لكن فى الثبات وانت وواقف جمب العربيه الماتور صوته عالى بالنسبه لعربيه جديده
المشكله اللى مضيقانى فعلآ غلق الابواب الخلفيه تقيله لازم تتهبد عشان تقفل
وعلى فكره العربيه سحبها دلوقتى احسن بكتير اوى عن الاول
حاولو تقرصو على الغيارات شويه
والفتيس غياراته مضبوطه يا جماعه بس بالنسبه للى مش واخد عليه
هيتلخبط كل شويه ما بين النقلات وهينقل غلط وهيعض معاه
لان الفتيس نقلاته قريبه من بعض جدآ لازم تبقى متعود عليه شويه
والحدف بتاع العربيه ده مشكله فرديه للى بيتكلم عنها
لانها عايزه ضبط زوايا ممكن تكون لبست فى نقره ولا مطب اخدته جامد والزوايا اتأثرت
والاريل مكانه مضبوط وميه وميه وبما ان العربيه سقفها عالى
طبعآ اصحاب الطول القصير هيعانو من المشكله دى