الموضوع: موسوعة أعطال وسلبيات اللوجان بالحلول

المشاركة الأصلية كتبت بواسطة baset

السلام عليكم ورحمة الله وبركاته

أنا يا جماعة إشتريت لوجان فول أوبشن 2011 بتاريخ 8/11/2011 وكان فضل إختياري لهذه السيارة يرجع بعد الله سبحانه وتعالى لهذا المنتدى والمعلومات الرائعة اللي عرفتها منه قبل ماشتري واللي ساعدتني في إتخاذ قرار شراء هذه النوعية.

ورداً للجميل عملت ساعتها موضوع جامد أوي بإسم "لوجان 2011 خطوة بخطوة" عرضت فيه تجربتي كاملة مع هذه العربية لكي يستفاد منها من هو مقبل على شراء سيارة جديدة وبرضه عرضت تقييمي للعربية وإجراءات الترخيص والتأمين و...و... لكي يظل هذا الموضوع مرجع شامل للعربية دي.

المهم شاء ربنا إن هذا الموضوع يضيع مع المشاكل الأخيرة اللي حصلت للمنتدى ومنفعشي يرجع تاني ففكرت إني أعمل موضوع جديد بس المرة دي يكون بحق وحقيق مرجع شامل كامل للعربية دي (لوجي حبيبتي).

العربية دلوقتي بقالها معايا داخل على شهر وعديت الألف كيلو وبصراحة رأيي زي ماهو - العربية دى ممتازة وأحسن واحدة في الفئة السعرية دي.

الموضوع الجديد دة أتمنى من ربنا إن يوفقني فيه ويحقق المراد منه - أنا في تخيلي إن المنتدى مليان بالأخبار الحلوة عن العربية دي ففكرت إني اعمل موضوع يلم كل الملاحظات السلبية والأعطال اللي تخص هذه العربية من خلال ملاحظات وتجارب الأعضاء عشان كل اللي يشك في حاجة غلط في عربيته يرجع لهذا الموضوع ويعرف سبب دة إيه وكمان علاجه إيه.

ربنا المستعان

يالا نفتح الباب وأنا اللي هكتب أول مشاركة

دي ملاحظاتي السلبية اللي خدت بالي منها وطبعاً لسة ماعنديش حلول ليها بس طبعاً هعرضها على التوكيل لما أروح أول صيانة بإذن الله.

1- صوت الموتور
هو فعلاً علوه ملحوظ وأعلى من عربيات كتير في الفئة دي - ودي كانت ملاحظة ناس صحابي كتير علقوا عليها بإن دة مش صوت موتور عربية جديدة - بس برضة بأمانة تامة وللحيادية لازم برضة أذكر إن عزل الصوت داخل العربية ممتاز - يعني لو قفلت الزجاج هتعيش مع نفسك ومش هتسمع أي حاجة.

2- رعشة دواسة البنزين
العيب دة برضة في ناس كتير علقت عليه وهو إنك بتحس بزنة جامدة تحت رجليك في دواسة البنزين - أنا قريت عنه كتير وفي أعضاء قالت إنه بيروح مع الوقت.

3- ريحة بنزين
دي بقة جديدة - أنا ساعات بشم ريحة بنزين جوة العربية ودة بيحصل لما بحس إني ضغطت على دواسة البنزين أكتر من الازم يعني حرقت بنزين كتير - ده بيحصل ساعات يعني مش دايماً.

4- رجرجة الفتيس

برضه في ناس إتكلمت عنها كتير - بصراحة أنا مش عارف هو دة الطبيعي ولا لأ - اللي ملاحظه إن الفتيس بيترجرج بس مش قوي - على العموم الحكاية دي مش مديقاني.


دوول يا إخواني شوية الملاحظات السلبية اللي جمعتهم خلال الفترة اللي فاتت وعرضتهم بما يرضي الله بأمانة تامة وحيادية عشان الكل يستفيد.

الله الموفق

طيب دة كدة زى الفل يدوبك حتعمل شوية كيلوات والملاحظات دى كلها حتقل رويدا رويدا .... احنا عايزين ندخل فى التقيل

كل دي الملاحظات حتروح لوحدها

شد حيلك وعدي ال 3000

المشاركة الأصلية كتبت بواسطة nour_nrc

كل دي الملاحظات حتروح لوحدها

شد حيلك وعدي ال 3000

طيب يا سيدي شكراً

ربنا يطمنك

المشاركة الأصلية كتبت بواسطة remomemo

الحمد لله العربية لغية دلوقت تمام ماشاء الله
الحقيقة مش حاقدر اتكلم عن الميكانيكيا
ممكن اقول بعض الملحوظات الشخصية عن التصميم
الزجاج الكهربا مش بيافل مع العربية مثلا وكتير باطر افتح الكونتاكت تانى عشان اقفله بعد ما اركن

دة موجود في عربيات كتير - سعادتك محتاجة وحدة رفع

الركنة صعبة شوية لانها عالية من ورا لكن عشان اكون محايدة انا معايا ماروتى قبلها وطبعا الفرق شاااااااسع فى الحجم

أنا بردة بعاني من الموضوع دة - حاولي تعتمدي على المريات وشوية شوية هتاخدي على أبعاد العربية

هى ما فيهاش مساحة ع الزجاج الخلفى مش عارفة فى الشتا ايه الظروف ؟؟؟؟؟؟؟

بس فيه زرار تسخين للزجاج الخلفي

الشنطة عايزة تترزع فعلا عشان تتقفل

صح

الايريال مكانه غلط عشان العربية ضخمة وانا مش باعرف اشيله الا لو وقفت على كرسى وده صعب فى الشارع

رفعبالعكس أنا شايف إن مكانه كدة مثالي بعيد عن أيدي العيال الصغيرة وبرضه بعيد عن أي خبطة تكسره

حضرتك لو أطول من 170 سم هتشيليه بدون مشاكل

ودى طبعا ملاحظات شكلية جدا ما اقدرش اقول عليها عيوب حتى بالمقارانة بمميزات العربية
والحمد لله ربنا يباركلنا جميعا فى عربياتنا ويكفينا شرها

آمـــــــــــــــــــــــ ـــــــــــــــــــــــــ ـــــــين