تقييم صيانه 10000 نيو سيراتو 2010 هاى لاين مع تكنو وان

بســم الله الرحمن الرحيم

تقييم صيانه 10000 نيو سيراتو 2010 هاى لاين مع تكنو وان

http://img543.imageshack.us/img543/6115/9azvrq.jpg

اول حاجه انا اتصلت بالمهندس احمد الشحات ووصفلى المكان لانى كنت جاى من العبور وروحت المركز دخلت موظف الاستقبال وفهمته انى عايز اعمل صيناة العشره الاف وقالى حضرتك سلم العربيه للمهندس ومضيت على الورقه وكتب النقط اللى محتاجه تتراجع وكله تمام وقالى ساعه وتستلم العربيه ان شاء الله وطبعا بصيت جوا كده ملقتش غير سيراتو كانه بقا توكيل سيراتو صغير :w6266d

طبعا جتلهم بعد ساعه ونص لقيت العربيه بره فى الشارع كانها مش تبعهم معرفش ليه ههههه دخلت قالولى روح للخزنه قلتله كام ياعم قالى 485 جنيه منهم 180 جنيه مصنعيه
ملحوظه " بياخدو مصنعيه اكتر من الوكيل تقريبا عاملين حساب الخصم علشان لما نشيله " لان الوكيل 160 جنيه طبعا بعد خصم نايل موتورز بقا 465 جنيه
وطبعا مخدتش بقيت الزيت بتاعى منهم مع العلم انه بيتبقى طبعا حبه حلوين

انطباعى باختصار عن المركز :

1- طبعا لقيت هواية التكيف مش متركبه كويس وشغلهم فيه كروته كتير
2-العربيه نص ساعه كانت خلصانه لانه قال ديه خلصانه من بدرى وانا مغبتش عليه فى الوقت
3-النقطه الاساسيه وهى انك لما تقول ملحوظه مبيعملوهاش الا لما تستلم وتقولهم تانى وديه حصلت معايا
3-المستوى العام للشغل معجبنيش بصراحه رغم ان ممكن كلامى يزعل ناس بس انا متبسطش وحاسس ان العربيه خارجه ولا كانها حتى كانت بتغير زيت عكس ماكنت عامل صيانتى فى الوكيل وكنت حاسس ان العربيه فعلا خارجه من صيانه الموتور فايق ومتنضفه والموتور مغسول

التقييم العام 4/10 وده انطباعى بكل صراحه وبدون مجاملات

ملحوظه : انا كنت رشحت للمدير بتاعى المركز ده برضه وهو معاه سيراتو وكان تقيمه ليه نفس كلامى بالزبط فى كل النقط

انا عميل فى تكنوا وان ولسه عامل صيانه 15000
وبدون مجامله ده كلام اوفر ممكن سيتك علشان ماشوفتش الصيانه بتاهع السياره من فوق والصيانات حتى العشرون صيانه صغير بعد الثلاثون بتاخد وقت طويل على كلام اصدقائى

حضرتك مش كلام اوفر ولا حاجه كل واحد بيقيم اللى شافه فى عربتيته وبعدين ده رايى الشخصى

ابو الشوق محاولتش تكلم كريم وتوصلوا وجهة نظرك و توصفله الحاله عامله ازاي في تكنو وان

اقتباس:

---

المشاركة الأصلية كتبت بواسطة yasso0101

ابو الشوق محاولتش تكلم كريم وتوصلوا وجهة نظرك و توصفله الحاله عامله ازاي في تكنو وان

---

عادى يا ياسر انا بفكر فى الصيانه الجايه ان شاء الله هدفع للوكيل وامرى لله لكن بصراحه انا ارتحت لما كنت فى الوكيل اكتر وانا من النوع النفسى اوى يعنى لو مش مرتاح لحاجه نفسيا فخلاص مبحبش اكمل فيها

ولكن ده رايى شخصى مش شرط يكون رايى عام عن المركز

اقتباس:

---

المشاركة الأصلية كتبت بواسطة mshawky

عادى يا ياسر انا بفكر فى الصيانه الجايه ان شاء الله هدفع للوكيل وامرى لله لكن بصراحه انا ارتحت لما كنت فى الوكيل اكتر وانا من النوع النفسى اوى يعنى لو مش مرتاح لحاجه نفسيا فخلاص مبحبش اكمل فيها

ولكن ده رايى شخصى مش شرط يكون رايى عام عن المركز

---

عندك حق من ناحية الراحه النفسيه وارجوا ان يكون الاستاذ كريم قرا الموضوع بتاعك علشان يوصل للمهندس احمد الشحات كل المشاكل اللي واجهتك بس قبل متدفع للتوكيل انته عامل ضمان مع امان الشرق - لو عامل فيه فكره تانيه ؟

اقتباس:

---

المشاركة الأصلية كتبت بواسطة yasso0101

عندك حق من ناحية الراحه النفسيه وارجوا ان يكون الاستاذ كريم قرا الموضوع بتاعك علشان يوصل للمهندس احمد الشحات كل المشاكل اللي واجهتك بس قبل متدفع للتوكيل انته عامل ضمان مع امان الشرق - لو عامل فيه فكره تانيه ؟

---

شكرا يااستاذ ياسر لاهتمامك
انا الحمد لله مش عامل ضمان ولا حاجه بس هما حاولو معايا انى اعملو وكده بس مش مهتم بالامور ديه يعنى
وربنا يسهل ان شاء الله لسه بدرى على الصيانه التانيه والله المستعان

ربنا يوفقك ويستر طريقك يا ابو الشوق

مع انك ما اتكيفتش بس ألف مبروك على الصيانة برضو يا بو الشوق :)

وعقبال صيانة ال100 ألف ان شاء الله

شكراً للتقييم ...

اقتباس:

---

المستوى العام للشغل معجبنيش بصراحه رغم ان ممكن كلامى يزعل ناس بس انا متبسطش وحاسس ان العربيه خارجه ولا كانها حتى كانت بتغير زيت عكس ماكنت عامل صيانتى فى الوكيل وكنت حاسس ان العربيه فعلا خارجه من صيانه الموتور فايق ومتنضفه والموتور مغسول

---

+ ان حضرتك بتقول انك ماخدتش باقي الزيت...
هل حضرتك اتأكدت انهم غيروا زيت فعلاً ؟؟!!

اقتباس:

---

المشاركة الأصلية كتبت بواسطة m.osman

شكراً للتقييم ...



+ ان حضرتك بتقول انك ماخدتش باقي الزيت...
هل حضرتك اتأكدت انهم غيروا زيت فعلاً ؟؟!!

---

والله يباشا معرف عارف اكتر حاجه عرفتها ايه لقيت مكان مقاس الزيت ممسوح كده وباين انه كان فيه ايد شغاله فيه غير كده علمى علمك والله ا

اصل موضوع باقى الزيت هو مش هيفيدنى بحاجه وانا مروح بس اتاكد انى اشوف الحاجه اللى دعت فيها فلوس بعنيا وبعدين انا مستغليهم اوى انا فى صيانه 1000 عملتها فى التوكيل كانت ب 350 جنيه دول واخدين منى بعد الخصم 465 وزميلى قالى دول غالين جدا يابنى وززميلى ده معاه هيونداى يعنى عارف التوكيلات وبيروح كتير وكده

لكن الله المستعان

اقتباس:

---

المشاركة الأصلية كتبت بواسطة yasso0101

ربنا يوفقك ويستر طريقك يا ابو الشوق

---

ربنا يخليك ليا ياسر والله انت شخص محترم ويشرفنى انى اتعرف على واحد زيك ربنا يزيدك اخلاق يابشا

اقتباس:

---

المشاركة الأصلية كتبت بواسطة amr a.salam

مع انك ما اتكيفتش بس ألف مبروك على الصيانة برضو يا بو الشوق :)

وعقبال صيانة ال100 ألف ان شاء الله

---

الله يخليك ياعمور ربنا يعزك يارب ومعلش اذا كان تقريرى مش على المستوى المطلوب فى التقيم لكن اعذرونى اهو كل واحد بيشوف اللى اتعمل فى عربيته

10000 مبروك لحضرتك عالصيانة
وبايد حضرتك فى ان العامل النفسى مهم جدا فى رضاك عن اى مركز او توكيل
لكن كمان تكنو وان لازم يهتم بمعالجة الامور اللى بيشتكى منها عملاؤه حت ولو كانت اسباب نفسية
ده لو عنده رغبة يستمر بنفس النجاح وما يخسرش عملاؤه

اقتباس:

---

المشاركة الأصلية كتبت بواسطة BASKOTA

10000 مبروك لحضرتك عالصيانة
وبأيد حضرتك فى ان العامل النفسى مهم جدا فى رضاك عن اى مركز او توكيل
لكن كمان تكنو وان لازم يهتم بمعالجة الامور اللى بيشتكى منها عملاؤه حت ولو كانت اسباب نفسية
ده لو عنده رغبة يستمر بنفس النجاح وما يخسرش عملاؤه

---

كلامك صح طبعا

والله ياباشا انا بايدك فى كلامك لانى روحتلهم 3 مرات اول مره كان عندى مشكله فى فتحه السقف وغيرلوى المفتاح تبع الضمان لانى تامين العربيه تبع امان الشرق وكانو ممتازين تانى مره كان صيانه ال5000 وماكنش فيها حاجه اكتر من تربيطات بس لاحظت ان مستوى الاهتمام قل يعنى العربيه دخلت من غير تكييس ولما خرجت كان طبعا الصوابع معلمه فى كل حته انا مركزتش لانى كنت راح اغسلها بعد كده اخر صيانه بتاعت ال10000 كانت العربيه يتاكل بنزين وقالولى ده طبيعى رغم انى رحت مركز صغير بعد كده جنب البيت وغيرلى البوجيهات وطلع هوده العيب والزيت لما اتغير وقع من العمل شويه على الموتور جنب الغطاء + ان الغطاء مكنش مقفول كويس وده ادى ان الموتور كان عليه زى ترشيح زيت خدنى وانا باكشف على البوجيهات بس المركز اللى كشفت عنده قاللى مفيش مشكله وربط الغطاء كويس بصرحه انا ناوى انى المره الجايه لو رحت اتكلم مع المهندس احمد الشحات ان كده غلط وهياثر عليه مستقبلا

اقتباس:

---

المشاركة الأصلية كتبت بواسطة mohamedaghali

والله ياباشا انا بايدك فى كلامك لانى روحتلهم 3 مرات اول مره كان عندى مشكله فى فتحه السقف وغيرلوى المفتاح تبع الضمان لانى تامين العربيه تبع امان الشرق وكانو ممتازين تانى مره كان صيانه ال5000 وماكنش فيها حاجه اكتر من تربيطات بس لاحظت ان مستوى الاهتمام قل يعنى العربيه دخلت من غير تكييس ولما خرجت كان طبعا الصوابع معلمه فى كل حته انا مركزتش لانى كنت راح اغسلها بعد كده اخر صيانه بتاعت ال10000 كانت العربيه يتاكل بنزين وقالولى ده طبيعى رغم انى رحت مركز صغير بعد كده جنب البيت وغيرلى البوجيهات وطلع هوده العيب والزيت لما اتغير وقع من العمل شويه على الموتور جنب الغطاء + ان الغطاء مكنش مقفول كويس وده ادى ان الموتور كان عليه زى ترشيح زيت خدنى وانا باكشف على البوجيهات بس المركز اللى كشفت عنده قاللى مفيش مشكله وربط الغطاء كويس بصرحه انا ناوى انى المره الجايه لو رحت اتكلم مع المهندس احمد الشحات ان كده غلط وهياثر عليه مستقبلا

---

نفس الى حصل معايا يااستاذ محمد انا فتحت الكبوت برضه ولقيت الزيت معرق على الطبه وش الموتور كده وبرضه اكدت على ترطبي الغطا وكان قلبى حاسس بس مكنش فيه حاجه لكن الزيت كان باين اوى وشغل ردىء شويه بصراحه وانا فعلا نقلت تجربتى بكل صراحه من اللى شوفته

مش هل المركز ده كده ولا انا كان حظى وحش معاهم

اقتباس:

---

المشاركة الأصلية كتبت بواسطة mshawky

نفس الى حصل معايا يااستاذ محمد انا فتحت الكبوت برضه ولقيت الزيت معرق على الطبه وش الموتور كده وبرضه اكدت على ترطبي الغطا وكان قلبى حاسس بس مكنش فيه حاجه لكن الزيت كان باين اوى وشغل ردىء شويه بصراحه وانا فعلا نقلت تجربتى بكل صراحه من اللى شوفته

مش هل المركز ده كده ولا انا كان حظى وحش معاهم

---

والله الواحد يقول كلمه حق هما كانو كويسين اول ماروحت ليهم بس حاسس ان المستوى نزل عن الاول كتير

مش عارف بقا هل استاذ كريم يقدر يزبط مع المهندس احمد شويه ولا شايفين ايه نشوف مركز تانى ولا نروح لولاد التيت المستغلين دول ؟

انت غلطان انك ماكلمتنيش وانت واقف هناك
رقمي من 80 % من الناس واول مابيروحو هناك بيكلموني وبحل المشكلة فورا
واحمد الشحات اول ما بيعرف ان فيه تقصير بيشدهم كلهم وبينزلهم خصم على المرتب فورا

كل الي قولته هابلغ بيه احمد الشحات ولو كنت شوفت كلامك قبل كدة كنت بلغتهوله لاني كنت في المركز النهاردة

وهاخليه يدخل يقرا كلامك بنفسه
وابقي ابعتلي رقم تليفونك

اقتباس:

---

المشاركة الأصلية كتبت بواسطة karim_monir

انت غلطان انك ماكلمتنيش وانت واقف هناك
رقمي من 80 % من الناس واول مابيروحو هناك بيكلموني وبحل المشكلة فورا
واحمد الشحات اول ما بيعرف ان فيه تقصير بيشدهم كلهم وبينزلهم خصم على المرتب فورا

كل الي قولته هابلغ بيه احمد الشحات ولو كنت شوفت كلامك قبل كدة كنت بلغتهوله لاني كنت في المركز النهاردة

وهاخليه يدخل يقرا كلامك بنفسه
وابقي ابعتلي رقم تليفونك

---

شكرا يااستاذ كريم لاهتمامك واحنا تاعبينك معانا معلش

انا محبتش اتصل بيك وانا هناك قولت مش كل حاجه هندوشك ونصدعك وقولت هما بقا عارفين ومفهمهم انى من نايل موتورز وقولت خلاص ده كافى وياريت فعلا المهندس احمد يدخل يقرا راينا فى المركز

وهبعتلك رقمى ان شاء ا لله فى رساله

وشكرا ليك مره تانيه لزوقك وتعبك معانا

ولا تعب ولا حاجة
وثق تماما ان لو مستواهم تراجع كتير هالغي التعاقد معاهم فورا
انا يهمني الاعضاء اولا واخيرا
لكن لو سقطات وهفوات يمكن تداركها بشوية سيطره وبيكون في تجاوب من صاحب المكان يبقي ننتظر التغيير للافضل

اقتباس:

---

المشاركة الأصلية كتبت بواسطة karim_monir

ولا تعب ولا حاجة
وثق تماما ان لو مستواهم تراجع كتير هالغي التعاقد معاهم فورا
انا يهمني الاعضاء اولا واخيرا
لكن لو سقطات وهفوات يمكن تداركها بشوية سيطره وبيكون في تجاوب من صاحب المكان يبقي ننتظر التغيير للافضل

---

ربنا يكرمك وده عشمنا فيك برضه انك همك الاعضاء فى المقام الاول وربنا مايحرمنا من كرم اخلاقك

اخوك محمد شوقى

اقتباس:

---

المشاركة الأصلية كتبت بواسطة mshawky

بســم الله الرحمن الرحيم

تقييم صيانه 10000 نيو سيراتو 2010 هاى لاين مع تكنو وان

http://img543.imageshack.us/img543/6115/9azvrq.jpg

اول حاجه انا اتصلت بالمهندس احمد الشحات ووصفلى المكان لانى كنت جاى من العبور وروحت المركز دخلت موظف الاستقبال وفهمته انى عايز اعمل صيناة العشره الاف وقالى حضرتك سلم العربيه للمهندس ومضيت على الورقه وكتب النقط اللى محتاجه تتراجع وكله تمام وقالى ساعه وتستلم العربيه ان شاء الله وطبعا بصيت جوا كده ملقتش غير سيراتو كانه بقا توكيل سيراتو صغير :w6266d

طبعا جتلهم بعد ساعه ونص لقيت العربيه بره فى الشارع كانها مش تبعهم معرفش ليه ههههه دخلت قالولى روح للخزنه قلتله كام ياعم قالى 485 جنيه منهم 180 جنيه مصنعيه
ملحوظه " بياخدو مصنعيه اكتر من الوكيل تقريبا عاملين حساب الخصم علشان لما نشيله " لان الوكيل 160 جنيه طبعا بعد خصم نايل موتورز بقا 465 جنيه
وطبعا مخدتش بقيت الزيت بتاعى منهم مع العلم انه بيتبقى طبعا حبه حلوين

انطباعى باختصار عن المركز :

1- طبعا لقيت هواية التكيف مش متركبه كويس وشغلهم فيه كروته كتير
2-العربيه نص ساعه كانت خلصانه لانه قال ديه خلصانه من بدرى وانا مغبتش عليه فى الوقت
3-النقطه الاساسيه وهى انك لما تقول ملحوظه مبيعملوهاش الا لما تستلم وتقولهم تانى وديه حصلت معايا
3-المستوى العام للشغل معجبنيش بصراحه رغم ان ممكن كلامى يزعل ناس بس انا متبسطش وحاسس ان العربيه خارجه ولا كانها حتى كانت بتغير زيت عكس ماكنت عامل صيانتى فى الوكيل وكنت حاسس ان العربيه فعلا خارجه من صيانه الموتور فايق ومتنضفه والموتور مغسول

التقييم العام 4/10 وده انطباعى بكل صراحه وبدون مجاملات

ملحوظه : انا كنت رشحت للمدير بتاعى المركز ده برضه وهو معاه سيراتو وكان تقيمه ليه نفس كلامى بالزبط فى كل النقط

---

اشكرا على تقريرك الجميل
اوح شويه ملاحظات صغننه
1- في الاستقبال حضرتك قالك الصيانه هتخلص بعد ساعه وحضرتك جيت بعد ساعه ونص ممكن سوال صغير هوا النص ساعه دي مش كتير؟؟؟؟؟ حضرتك مشيت ورجعت لم تشاهد ما حدث اثناء الصيانه ولا الوقت بالتحديد كل الي بنيت حكمك عليه ان كلام المهندس الي سلمك العربيه وقالك خلصانه من بادري ومحددش بادري دي كام ساعه
2- باقي الزيت لو حضرتك قولت عليه كنا هنسلمهولك فور بس النظام في المركز ان الزيت لا يتم وضعه في شنطه العربيه مطلقا علشان لو حصل اي تسريب زيت هتنظف الزيت بتمنه 10 مرات ومعلومه العربيه بتاخد في حدود من 3.5 ل 3.75 يعني الباقي من ربع لنص كيلو زيت
3- المصنعيه انا معاك ان 180 غاليه وعلى فكره بعد خصم 20 % هتبقى 150 جنيه ومع ذلك تم تعديل الاسعار صيانه ال 10000 كم بقت ب 120 جنيه
4- هوايه التكييف مش متركبه كويس على فكره احنا في الصيانه مش نلمس هوايه التكيف مطلقا ليس لها علاقه بالصيانه وفلتر التكييف موجود تحد درج التابلوه
5- النقطه الاساسيه وهى انك لما تقول ملحوظه مبيعملوهاش الا لما تستلم وتقولهم تانى وديه حصلت معايا
انا اختلف معاك تمام
انظام الشغل هناك بيكون من خلال امر الشغل الي حضرتك بتفتحه لو راجعت امر الشغل بتاع حضرتك هتلاقي لايوجد اي ملحوظات حضرتك بلغت النلحوظه دي شفهيا وارد جدا انها تتنسي وخاصه لو كانت ملحوظه بتخص حاجه تبع السمكره زي كلبس مش راكب مكانه اي شئ من هذا القبيل
6-غسيل حوض الموتور لايتم ذاتيا حضرتك بتطلب كده في امر الشغل لانه بيكلفك 25 جنيه فوم غسيل وكتير جدا من العمله بيرفض لو تم ذاتيا احنا الي هندفع التكلفه
7- شغلهم في كروته كتير حضرتك سلمت العربيه ومشيت ورجعت لقيتها خلصانه من فين بنيت حكمك وحضرتك لم تشاهد الصيانه اصلا ؟؟؟؟؟؟

تقبل مروري بصدر رحب

اقتباس:

---

المشاركة الأصلية كتبت بواسطة m.osman

شكراً للتقييم ...



+ ان حضرتك بتقول انك ماخدتش باقي الزيت...
هل حضرتك اتأكدت انهم غيروا زيت فعلاً ؟؟!!

---

كلامك يااستاذي الفاضل بيشكك في نزاهه وسمعه المكان
واني ارد على سؤالك والله بجد ميصحش

اقتباس:

---

المشاركة الأصلية كتبت بواسطة تكنو وان

اشكرا على تقريرك الجميل
اوح شويه ملاحظات صغننه
1- في الاستقبال حضرتك قالك الصيانه هتخلص بعد ساعه وحضرتك جيت بعد ساعه ونص ممكن سوال صغير هوا النص ساعه دي مش كتير؟؟؟؟؟ حضرتك مشيت ورجعت لم تشاهد ما حدث اثناء الصيانه ولا الوقت بالتحديد كل الي بنيت حكمك عليه ان كلام المهندس الي سلمك العربيه وقالك خلصانه من بادري ومحددش بادري دي كام ساعه
2- باقي الزيت لو حضرتك قولت عليه كنا هنسلمهولك فور بس النظام في المركز ان الزيت لا يتم وضعه في شنطه العربيه مطلقا علشان لو حصل اي تسريب زيت هتنظف الزيت بتمنه 10 مرات ومعلومه العربيه بتاخد في حدود من 3.5 ل 3.75 يعني الباقي من ربع لنص كيلو زيت
3- المصنعيه انا معاك ان 180 غاليه وعلى فكره بعد خصم 20 % هتبقى 150 جنيه ومع ذلك تم تعديل الاسعار صيانه ال 10000 كم بقت ب 120 جنيه
4- هوايه التكييف مش متركبه كويس على فكره احنا في الصيانه مش نلمس هوايه التكيف مطلقا ليس لها علاقه بالصيانه وفلتر التكييف موجود تحد درج التابلوه
5- النقطه الاساسيه وهى انك لما تقول ملحوظه مبيعملوهاش الا لما تستلم وتقولهم تانى وديه حصلت معايا
انا اختلف معاك تمام
انظام الشغل هناك بيكون من خلال امر الشغل الي حضرتك بتفتحه لو راجعت امر الشغل بتاع حضرتك هتلاقي لايوجد اي ملحوظات حضرتك بلغت النلحوظه دي شفهيا وارد جدا انها تتنسي وخاصه لو كانت ملحوظه بتخص حاجه تبع السمكره زي كلبس مش راكب مكانه اي شئ من هذا القبيل
6-غسيل حوض الموتور لايتم ذاتيا حضرتك بتطلب كده في امر الشغل لانه بيكلفك 25 جنيه فوم غسيل وكتير جدا من العمله بيرفض لو تم ذاتيا احنا الي هندفع التكلفه
7- شغلهم في كروته كتير حضرتك سلمت العربيه ومشيت ورجعت لقيتها خلصانه من فين بنيت حكمك وحضرتك لم تشاهد الصيانه اصلا ؟؟؟؟؟؟

تقبل مروري بصدر رحب

---

اسف يباشا انا غلطان انا عارف حقك عليا

والله يا جماعه انا سعيد جدا بالمنتدى والحوارات المبنيه على الاحترام واهتمام السيد كريم المستمر بينا وفعلا يا كريم بك شوقى باشا عنده حق احنا مبنحبش نزعجك فى التليفون وانا كمان سعيد برد مركز تكنو وان لان ده بيثبت انهم عايزين يبقو احسن والحاجات ديه انا كنت ناوى اتكلم فيها مع المهندس احمد لما اروح المره الجايه لان فعلا اخر مره رحت كان مستوى المركز قل شويه من حيث موضوع النضافه بس الشهاده لله اول ماتعملت معاهم مكانش فيه المشكله ديه يمكن لان لما كنت باروح كنت باقابل المهندس تامر او المهندس احمد تحت فى الاستفبال وهما الصراحه كانو بياكدو ان كل عربيه لازم تتكيس وان مافيش صنايعى يمد ايده فى عربيه الا لما تكون نضيفه لاكن المره الاخيره المهندس تامر مكانش موجود وبرضه تكنو وان لازم يتقبل النقد لان النقد ده من مصلحته علشان يتقدم للاحسن و ده برضه من مصلحتنا انه يكون احسن وربنا يوفق الجميع