تقييم صيانه 10000 نيو سيراتو 2010 هاى لاين مع تكنو وان

**Mshawky** · 01-12-2010 08:48 PM

بســم الله الرحمن الرحيم

تقييم صيانه 10000 نيو سيراتو 2010 هاى لاين مع تكنو وان

اول حاجه انا اتصلت بالمهندس احمد الشحات ووصفلى المكان لانى كنت جاى من العبور وروحت المركز دخلت موظف الاستقبال وفهمته انى عايز اعمل صيناة العشره الاف وقالى حضرتك سلم العربيه للمهندس ومضيت على الورقه وكتب النقط اللى محتاجه تتراجع وكله تمام وقالى ساعه وتستلم العربيه ان شاء الله وطبعا بصيت جوا كده ملقتش غير سيراتو كانه بقا توكيل سيراتو صغير

طبعا جتلهم بعد ساعه ونص لقيت العربيه بره فى الشارع كانها مش تبعهم معرفش ليه ههههه دخلت قالولى روح للخزنه قلتله كام ياعم قالى 485 جنيه منهم 180 جنيه مصنعيه
ملحوظه " بياخدو مصنعيه اكتر من الوكيل تقريبا عاملين حساب الخصم علشان لما نشيله " لان الوكيل 160 جنيه طبعا بعد خصم نايل موتورز بقا 465 جنيه
وطبعا مخدتش بقيت الزيت بتاعى منهم مع العلم انه بيتبقى طبعا حبه حلوين

انطباعى باختصار عن المركز :

1- طبعا لقيت هواية التكيف مش متركبه كويس وشغلهم فيه كروته كتير
2-العربيه نص ساعه كانت خلصانه لانه قال ديه خلصانه من بدرى وانا مغبتش عليه فى الوقت
3-النقطه الاساسيه وهى انك لما تقول ملحوظه مبيعملوهاش الا لما تستلم وتقولهم تانى وديه حصلت معايا
3-المستوى العام للشغل معجبنيش بصراحه رغم ان ممكن كلامى يزعل ناس بس انا متبسطش وحاسس ان العربيه خارجه ولا كانها حتى كانت بتغير زيت عكس ماكنت عامل صيانتى فى الوكيل وكنت حاسس ان العربيه فعلا خارجه من صيانه الموتور فايق ومتنضفه والموتور مغسول

التقييم العام 4/10 وده انطباعى بكل صراحه وبدون مجاملات

ملحوظه : انا كنت رشحت للمدير بتاعى المركز ده برضه وهو معاه سيراتو وكان تقيمه ليه نفس كلامى بالزبط فى كل النقط

**ahmedaboud** · 01-12-2010 11:37 PM

انا عميل فى تكنوا وان ولسه عامل صيانه 15000
وبدون مجامله ده كلام اوفر ممكن سيتك علشان ماشوفتش الصيانه بتاهع السياره من فوق والصيانات حتى العشرون صيانه صغير بعد الثلاثون بتاخد وقت طويل على كلام اصدقائى

**Mshawky** · 02-12-2010 12:40 AM

حضرتك مش كلام اوفر ولا حاجه كل واحد بيقيم اللى شافه فى عربتيته وبعدين ده رايى الشخصى

**yasso0101** · 02-12-2010 11:10 AM

ابو الشوق محاولتش تكلم كريم وتوصلوا وجهة نظرك و توصفله الحاله عامله ازاي في تكنو وان

**Mshawky** · 02-12-2010 12:43 PM

المشاركة الأصلية كتبت بواسطة yasso0101

ابو الشوق محاولتش تكلم كريم وتوصلوا وجهة نظرك و توصفله الحاله عامله ازاي في تكنو وان

عادى يا ياسر انا بفكر فى الصيانه الجايه ان شاء الله هدفع للوكيل وامرى لله لكن بصراحه انا ارتحت لما كنت فى الوكيل اكتر وانا من النوع النفسى اوى يعنى لو مش مرتاح لحاجه نفسيا فخلاص مبحبش اكمل فيها

ولكن ده رايى شخصى مش شرط يكون رايى عام عن المركز

**yasso0101** · 02-12-2010 02:06 PM

المشاركة الأصلية كتبت بواسطة mshawky

عادى يا ياسر انا بفكر فى الصيانه الجايه ان شاء الله هدفع للوكيل وامرى لله لكن بصراحه انا ارتحت لما كنت فى الوكيل اكتر وانا من النوع النفسى اوى يعنى لو مش مرتاح لحاجه نفسيا فخلاص مبحبش اكمل فيها

ولكن ده رايى شخصى مش شرط يكون رايى عام عن المركز

عندك حق من ناحية الراحه النفسيه وارجوا ان يكون الاستاذ كريم قرا الموضوع بتاعك علشان يوصل للمهندس احمد الشحات كل المشاكل اللي واجهتك بس قبل متدفع للتوكيل انته عامل ضمان مع امان الشرق - لو عامل فيه فكره تانيه ؟

**Mshawky** · 02-12-2010 02:12 PM

المشاركة الأصلية كتبت بواسطة yasso0101

عندك حق من ناحية الراحه النفسيه وارجوا ان يكون الاستاذ كريم قرا الموضوع بتاعك علشان يوصل للمهندس احمد الشحات كل المشاكل اللي واجهتك بس قبل متدفع للتوكيل انته عامل ضمان مع امان الشرق - لو عامل فيه فكره تانيه ؟

شكرا يااستاذ ياسر لاهتمامك
انا الحمد لله مش عامل ضمان ولا حاجه بس هما حاولو معايا انى اعملو وكده بس مش مهتم بالامور ديه يعنى
وربنا يسهل ان شاء الله لسه بدرى على الصيانه التانيه والله المستعان

**yasso0101** · 02-12-2010 04:12 PM

ربنا يوفقك ويستر طريقك يا ابو الشوق

**Amr A.salam** · 02-12-2010 08:57 PM

مع انك ما اتكيفتش بس ألف مبروك على الصيانة برضو يا بو الشوق :)

وعقبال صيانة ال100 ألف ان شاء الله

**M.Osman** · 02-12-2010 11:34 PM

شكراً للتقييم ...

المستوى العام للشغل معجبنيش بصراحه رغم ان ممكن كلامى يزعل ناس بس انا متبسطش وحاسس ان العربيه خارجه ولا كانها حتى كانت بتغير زيت عكس ماكنت عامل صيانتى فى الوكيل وكنت حاسس ان العربيه فعلا خارجه من صيانه الموتور فايق ومتنضفه والموتور مغسول

+ ان حضرتك بتقول انك ماخدتش باقي الزيت...
هل حضرتك اتأكدت انهم غيروا زيت فعلاً ؟؟!!