انا عندي مشكله مع الجين لمبه افحص المحرك منوره ومش عارف السبب ارجو ان تفيدوني
عرض للطباعة
انا عندي مشكله مع الجين لمبه افحص المحرك منوره ومش عارف السبب ارجو ان تفيدوني
اعتقد افضل واامن حل انك تروح على التوكيل وتخليهم يحطوها على الجهاز وتشوف الـ error جي منين عشان ممكن تكون حاجة مهمة وممكن تكون حاجة متستاهلش ولكن رأي لا تستهين بالموضوع وربنا معاك وطمنا حصل ايه معاك ..
عندك مشكلة تانية في الموتور ظهرت مع اللمبة!
علشان تعرف السبب لا زم أسكنر
ممكن تجرب تفصل سالب البطارية 3 دقائق وتوصله تاني ممكن الأيرور يروح لو رجع تاني مافيش حل غير الأسكنر
متابع ياريت تقولنا وصلت ل ايه
حصل معايا موضوع الموتور دة قبل كدة كانت مشكلة سنسور و دى غالبا بتحصل بيغيرو السنسور فى التوكيل وبتتحل (الكابل اللى واصل من عند علامة الزيت للموتور تحت اخره بيسخن جامد)
او ممكن البنزين اللى فى العربية مغشوش دة بردو بيخلى اللمبة تنور
لو العربية مفيهاش اى حاجة غريبة ان شاء الله تكون حجة من الاتنيين دول و ربنا يسهل
ممكن تروح التوكيل او ورشة فيصل لو عربيتك فى الضمان التوكييل بيعملها ببلاش وغالبا هتكون حاجة خفيفة ان شاء الله
لسة حصل معايا اول امبارح لاقتها منورة بس العربية ماشية عادى روحت لتوكيل العجوزة لاقتها طفت لوحدها المهم ما وصلها بالجهاز طلعت ايررور ان حصل كونكشن لوس مع البدال بتاع البنزين وطلع حوار بظيط يعنى وطلع ان الكونكشن علقت والراجل ضيق على البينات شوية عشان متقعش تانى من مكانها
شكرا علي اجابتكم وان شاء الله لما انزل القاهره ممكن اروح ورشه كويسه وربنا يستر
لا ماتروحش لحد اي كلام روح لحد يكون عندو جهاز الاسكانر
علشان تعرف العيب ايه
علشان مايجيش ميكانيكي حمااااااار يبوظللك عربيتك
فى الغالب ده missfire
و ده من البنزين بيبقى مش كويس
اكيد بنزين
حصلت معايا وكان العيب من بنزين سيء مع اني بتعب اوي في اختيار محطة بنزين نضيفة ومش بستخدم غير 92
غالبا عيب بنزين مش نضيف زي ما الاخوة قالو
اخي اللكريم لمبه الاتشك بتنور في حالات كتير
واللمبه دي بتنور لو في اي حاجه في دائره الفول من اول التنك والطلمبه والفلتر والرشاشات والحساسات فيها حاجه كمان دائره العادم من اول الفرن والحساس وعلبه البيئه
ولان الكنترول سيستم بتاع بروتون حساس شويه اللمبه بتنور لو البنزين مخلوط او الفلتر فيه سدد
ان شاء الله اول ما تمون بنزين نضيف هتطفي علطول وجرب تمون 95 وقولنا النتيجه
طب والله كويس ان فى سنسور ينبه ان البنزين وحش بس ياترى ده فكرته قايمة على ايه ؟ يعنى مثلا سنسور بيقيس نسبة الاوكتين فى البنزين وهو لسه فى التانك؟ ولا بيقيس جوه غرفة الاحتراق مثلا نسبة الضغط او الانبعاثات نتيجة حرق البنزين بتختلف من نوع جيد لنوع سىء؟
فعلا في حساس بيقيس نسبه الاوكتين لاكن في الدايو فقط علي حد علمي
لاكن الي في بروتون بيقيس نسبه الهواء والاكسجين الي في العادم حاجات كتيلر بتاثر علي اللمبه بتاعت الاتشك كمان الايرور بيكون ثابت في ال ecu
الحمد لله اختفت لوحدها زي ما ظهرت لوحدها ممكن يكون موضوع البنزين او خطا في السنسور
الطبيعى انها هاتختفى بعد فترة لانها خلاص سجلت الايرور فى الكمبيوتر وده اللى حصل معايا نورت كام ساعه كده اختفت تانى لكن لما بتروح وتوصلها على الكمبيوتر بيكون الايرور لسة متسجل وبيعرف ايه المشكله
وطبعا لازم تروح لان اكيد حصل مشكله وهما يعملوها عشان متتكرش او متأثرش على حاجة تانية
متستناش على البنزين انو ينور عشان تحط بنزين خلى دايما للربع و بعدين حط بنزين عشان الرواسب و كده عمرها ما هتنور تانى ان شاء الله